ਗੁਰੂਹਰਸਹਾਏ, 19 ਫਰਵਰੀ (ਹਰਚਰਨ ਸਿੰਘ ਸੰਧੂ)-ਕਿ੍ਸਚੀਅਨ ਨੈਸ਼ਨਲ ਫ਼ਰੰਟ ਦੀ ਜ਼ਿਲ੍ਹਾ ਪੱਧਰੀ ਡੈਲੀਗੇਸ਼ਨ ਮੀਟਿੰਗ ਦਾ ਪਿੰਡ ਛਾਂਗਾਂ ਰਾਏ ਉਤਾੜ ਵਿਖੇ ਕੋਆਰਡੀਨੇਟਰ ਪੰਜਾਬ ਗੁਰਬਾਜ਼ ਅਤੇ ਸੂਬਾ ਸਕੱਤਰ ਪਾ. ਕੁਲਵੰਤ ਦੀ ਅਗਵਾਈ ਹੇਠ ਪਾ. ਛਿੰਦਰਪਾਲ ਦੇ ਸਹਿਯੋਗ ਨਾਲ ਆਯੋਜਨ ਕੀਤਾ ਗਿਆ | ਲਾਰੈਂਸ ਚੌਧਰੀ ਰਾਸ਼ਟਰੀ ਪ੍ਰਧਾਨ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ | ਇਕੱਠੇ ਹੋਏ ਡੈਲੀਗੇਟਸ ਨੇ ਕਬਰਸਤਾਨਾਂ ਲਈ ਜ਼ਮੀਨ, ਸੰਗਠਨ ਨੂੰ ਮਜ਼ਬੂਤ ਕਰਨ, 27 ਦੀਆ ਵਿਧਾਨ ਸਭਾ ਚੋਣਾਂ ਲਈ ਰਾਜਨੀਤਿਕ ਪਾਰਟੀ ਦਾ ਗਠਨ, ਰਾਖਵਾਂਕਰਨ, ਬੱਚਿਆਂ ਦੀ ਪੜਾਈ, ਪੜੇ ਲਿਖੇ ਬੱਚਿਆਂ ਦੇ ਰੁਜ਼ਗਾਰ, ਬੇਘਰ ਲੋਕਾਂ ਲਈ ਘਰ, ਯਰੂਸਲਮ ਯਾਤਰਾ ਅਤੇ ਚਰਚ ਅੱਗੇ ਆ ਰਹੀਆਂ ਧਾਰਮਿਕ ਚੁਨੌਤੀਆਂ ਆਦਿ ਮੁੱਦਿਆਂ ਦੇ ਹੱਲ ਲਈ ਅਣਖ ਜਗਾਓ, ਆਜ਼ਾਦੀ ਪਾਓ, ਰਾਜ ਲਿਆਓ ਬੈਨਰ ਹੇਠ ਫ਼ਿਰੋਜ਼ਪੁਰ ਵਿਖੇ ਮਈ ਵਿਚ ਰੈਲੀ ਸਬੰਧੀ ਏਜੰਡੇ ਤੇ ਮਤਾ ਪਾਸ ਕਰ ਦਿੱਤਾ ਗਿਆ | ਸਰਬਸੰਮਤੀ ਨਾਲ ਪਾ. ਛਿੰਦਰਪਾਲ ਨੂੰ ਜ਼ਿਲ੍ਹਾ ਫ਼ਿਰੋਜ਼ਪੁਰ ਦਾ ਸੀ | ਮੀਤ ਪ੍ਰਧਾਨ ਚੁਣਿਆ ਤੇ ਲਾਰੈਂਸ ਚੌਧਰੀ ਨੇ ਹਾਰ ਪਾ ਕੇ ਨਿਯੁਕਤੀ ਪੱਤਰ ਸੌਂਪਿਆ | ਇਸ ਮੌਕੇ ਪਾ. ਤਰਸੇਮ ਹੰਸ ਜ਼ਿਲ੍ਹਾ ਪ੍ਰਧਾਨ, ਪਾ. ਸੰਜੇ ਪ੍ਰਧਾਨ ਬਰਨਾਲਾ, ਪਾ. ਰਾਜ ਕੁਮਾਰ ਸਟੇਟ ਮੈਂਬਰ ਕੋਰ ਕਮੇਟੀ, ਪਾ. ਕਮਲੇਸ਼, ਪਾ. ਕੁਲਦੀਪ, ਚੇਅਰਮੈਨ, ਪਾ. ਸੁਖਵਿੰਦਰ ਪ੍ਰਧਾਨ ਫ਼ਾਜ਼ਿਲਕਾ, ਪਾ. ਜਗਜੀਤ ਚੇਅਰਮੈਨ ਧਾਰਮਿਕ ਵਿੰਗ, ਜੀਤ ਕੈਸ਼ੀਅਰ. ਪਾ. ਲਾਜ਼ੂਰ, ਹੀਰਾ ਸਿੰਘ, ਅਮਰਜੀਤ, ਸਤਨਾਮ, ਗੁਰਮੇਲ, ਜੀਤ, ਸੁਖਵਿੰਦਰ, ਨਰਾਇਣ, ਜਗਮੀਤ, ਤਰਸੇਮ ਲਾਲੀ, ਰਿੰਕੂ ਭੱਟੀ, ਡੈਨੀਅਲ, ਕੁਲਵੰਤ, ਹਰਮੇਸ਼ ਆਦਿ ਨੇ ਵੀ ਸ਼ਿਰਕਤ ਕੀਤੀ |
