ਮੱਲਾਂਵਾਲਾ, 15 ਮਈ (ਬਲਬੀਰ ਸਿੰਘ ਜੋਸਨ)-ਜਥੇਦਾਰ ਮਲੂਕ ਸਿੰਘ ਸਾਬਕਾ ਸਰਪੰਚ ਕੁਤਬਦੀਨ ਵਾਲਿਆਂ ਵਲੋਂ ਆਪਣੀ ਮਾਤਾ ਸਰਦਾਰਨੀ ਸੁਰਜੀਤ ਕੌਰ ਦੀ ਯਾਦ ਵਿਚ ਮੱਲਾਂਵਾਲਾ ਚੌਂਕ, ਪੁਲਿਸ ਥਾਣੇ ਦੇ ਮੂਹਰੇ, ਸਰਕਾਰੀ ਹਸਪਤਾਲ ਦੇ ਨਜ਼ਦੀਕ ਪਾਣੀ ਦੀ ਕਿੱਲਤ ਨੂੰ ਦੇਖਦੇ ਹੋਏ ਇਕ ਠੰਢੇ ਪਾਣੀ ਦਾ ਵਾਟਰ ਕੂਲਰ ਲਗਵਾਇਆ ਗਿਆ | ਇਸ ਸਬੰਧੀ ਥਾਣਾ ਮੁਖੀ ਅਤੇ ਮੁੱਖ ਮੁਨਸ਼ੀ ਗੁਰਮੀਤ ਸਿੰਘ ਸਮੇਤ ਮਾਰਕੀਟ ਦੇ ਸਾਰੇ ਵਸਨੀਕਾਂ ਵਲੋਂ ਇਸ ਕਾਰਜ ਲਈ ਸ਼ਲਾਘਾ ਕੀਤੀ ਗਈ ਅਤੇ ਜਥੇਦਾਰ ਮਲੂਕ ਸਿੰਘ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਇਸ ਭੀੜ ਵਾਲੇ ਏਰੀਏ ਵਿਚ ਠੰਢੇ ਪਾਣੀ ਦੀ ਬਹੁਤ ਜ਼ਰੂਰਤ ਸੀ | ਉਨ੍ਹਾਂ ਕਿਹਾ ਕਿ ਹਸਪਤਾਲ ਦਾ ਮੇਨ ਗੇਟ ਅਤੇ ਬੱਸ ਅੱਡਾ ਹੋਣ ਕਰਕੇ ਠੰਢੇ ਪਾਣੀ ਦੀ ਬਹੁਤ ਸਮੱਸਿਆ ਸੀ | ਜਿਸ ਦਾ ਅੱਜ ਹੱਲ ਹੋ ਗਿਆ ਹੈ | ਇਸ ਮੌਕੇ ਟਹਿਲ ਸਿੰਘ ਗਗਨ ਮੈਡੀਕਲ, ਡਾਕਟਰ ਲਖਵਿੰਦਰ ਸਿੰਘ, ਲਖਵਿੰਦਰ ਸਿੰਘ ਟਾਈਪਿਸਟ, ਸੁਰਜਨ ਸਿੰਘ ਪੱਤਰਕਾਰ,ਮੁੱਖ ਮੁਨਸ਼ੀ ਥਾਣਾ ਮੱਲਾਂਵਾਲਾ ਗੁਰਮੀਤ ਸਿੰਘ ਸਮੇਤ ਵੱਡੀ ਪੱਧਰ 'ਤੇ ਅੱਡਾ ਨਿਵਾਸੀ ਇਕੱਤਰ ਸਨ |
