ਖੋਸਾ ਦਲ ਸਿੰਘ, 19 ਮਈ(ਮਨਪ੍ਰੀਤ ਸਿੰਘ ਸੰਧੂ)-ਪਿਛਲੇ ਦਿਨੀਂ 13ਵੀਂ ਸਬ ਜੂਨੀਅਰ ਬੇਸਬਾਲ ਸਟੇਟ ਟੂਰਨਾਮੈਂਟ ਜੋ ਕਿ ਲੁਧਿਆਣਾ ਦੇ ਗਿਲਾ ਪਿੰਡ ਵਿਖੇ ਹੋਇਆ, ਵਿਚ ਮੰੁਡਿਆਂ ਦੀਆਂ 11 ਟੀਮਾਂ 11 ਜ਼ਿਲਿ੍ਹਆਂ ਨੇ ਭਾਗ ਲਿਆ | ਇਸੇ ਟੂਰਨਾਮੈਂਟ ਵਿਚ ਹੀ ਫ਼ਿਰੋਜ਼ਪੁਰ ਦੀ ਟੀਮ ਨੇ ਵੀ ਭਾਗ ਲਿਆ ਅਤੇ ਹਰ ਇਕ ਟੀਮ ਨੂੰ ਬੀਟ ਕਰਦਿਆਂ ਪਛਾੜਦਿਆਂ ਹੋਇਆਂ ਫ਼ਿਰੋਜ਼ਪੁਰ ਨੇ ਪਹਿਲਾ ਸਥਾਨ ਹਾਸਲ ਕੀਤਾ | ਜਿਸ ਤਹਿਤ ਆਪਣੇ ਸਕੂਲ, ਮਾਤਾ, ਪਿਤਾ ਅਤੇ ਜ਼ਿਲ੍ਹੇ ਦੇ ਨਾਮ ਇਨ੍ਹਾਂ ਖਿਡਾਰੀਆਂ ਨੇ ਉੱਚਾ ਚੁੱਕਿਆ | ਖਿਡਾਰੀਆਂ ਦੇ ਚੰਗੇ ਖੇਡ ਪ੍ਰਦਰਸ਼ਨ ਨੂੰ ਦੇਖਦਿਆਂ ਇਸੇ ਹੀ ਸਕੂਲ ਦੇ ਤਿੰਨ ਖਿਡਾਰੀ ਸਾਹਿਬ ਦੀਪ ਸਿੰਘ ਨੌਵੀਂ ਏ, ਅਰਸ਼ਦੀਪ ਸਿੰਘ ਅੱਠਵੀਂ ਬੀ. ਅਤੇ ਸੁਰਜੀਤ ਸਿੰਘ ਨੌਵੀਂ ਏ ਦੀ ਚੋਣ ਨੈਸ਼ਨਲ ਲਈ ਹੋਈ | ਇਸ ਮੌਕੇ ਕੋਚ ਗੁਰਿੰਦਰ ਸਿੰਘ, ਹਰਸਿਮਰਨ ਸਿੰਘ ਡੀ.ਪੀ., ਪਿ੍ੰਸੀਪਲ ਰਵਿੰਦਰ ਕੌਰ, ਅਧਿਆਪਕ ਪਵਨ ਨੇ ਇਨ੍ਹਾਂ ਬੱਚਿਆਂ ਦੇ ਇੰਚਾਰਜ ਮੈਡਮ ਸਤਿੰਦਰ, ਮੈਡਮ ਜਸਵੀਰ ਅਤੇ ਮੈਡਮ ਹਰਪਿੰਦਰ ਉਚੇਚੇ ਤੌਰ 'ਤੇ ਹਾਜ਼ਰ ਸਨ |
