ਫਿਰੋਜ਼ਪੁਰ 26 ਜੂਨ (ਸੁਖਵਿੰਦਰ ਸਿੰਘ)-ਸਿਟੀ ਥਾਣਾ ਫਿਰੋਜ਼ਪੁਰ ਵਿਚ ਕੇਂਦਰੀ ਜੇਲ੍ਹ ਦੇ ਵਿਚੋਂ ਥਰੋਹ ਕੀਤੇ ਮੋਬਾਇਲ ਫੋਨ ਤੇ ਨਸ਼ੀਲੇ ਪਦਾਰਥ ਬਰਾਮਦ ਕਰਕੇ ਅਣਪਛਾਤੇ ਵਿਅਕਤੀਆਂ ’ਤੇ ਮਾਮਲਾ ਦਰਜ ਕੀਤਾ । ਸਿਟੀ ਥਾਣਾ ਦੇ ਐਸ.ਆਈ ਸੁਖਦੇਵ ਸਿੰਘ ਨੇ ਦੱਸਿਆ ਹੈ ਕਿ ਕੇਂਦਰੀ ਜੇਲ੍ਹ ਦੇ ਸਹਾਇਕ ਸੁਪਰਡੈਂਟ ਵਲੋਂ ਭੇਜੇ ਵੱਖ-ਵੱਖ ਪੱਧਰ ਨੰਬਰਾਂ ਵਿੱਚ ਲਿਖਿਆ ਹੈ ਕਿ 8 ਜੂਨ ਨੂੰ ਅਣਪਛਾਤੇ ਵਿਅਕਤੀਆਂ ਵਲੋਂ ਜੇਲ੍ਹ ਦੇ ਅੰਦਰ ਥਰੋਹ ਦੌਰਾਨ 14 ਪੁੜੀਆਂ ਜਰਦਾ (ਤੰਬਾਕੂ) ਅਤੇ ਕੀ ਪੈਡ ਮੋਬਾਈਲ ਫੋਨ, 14 ਜੂਨ ਨੂੰ ਇਕ ਨੌਕੀਆ ਕੰਪਨੀ ਦਾ ਕੀ ਪੈਡ ਮੋਬਾਇਲ ਫੋਨ ਲਾਵਾਰਿਸ, 16 ਜੂਨ ਨੂੰ 20 ਪੁੜੀਆਂ ਜਰਦਾ (ਤੰਬਾਕੂ), 17 ਜੂਨ ਨੂੰ ਦੋ ਕੀਪੈਡ ਮੋਬਾਈਲ ਫੋਨ ਸਮੇਤ ਬੈਟਰੀ ਲਾਵਾਰਿਸ, 18 ਜੂਨ 35 ਪੁੜੀਆਂ ਜਰਦਾ ਤੰਬਾਕੂ ਅਤੇ ਦੋ ਡਾਟਾ ਕੇਬਲ, 20 ਜੂਨ ਨੂੰ ਤਿੰਨ ਕੀ ਪੈਡ ਮੋਬਾਈਲ ਹੋਣ ਸਮੇਤ ਬੈਟਰੀ ਲਵਾਰਿਸ ਸਫੇਦ ਰੰਗ ਦਾ ਨਸ਼ੀਲਾ ਜਾਪਦਾ ਪਦਾਰਥ ਵਜਨ 18 ਗ੍ਰਾਮ ਸਮੇਤ ਲਿਫਾਫਾ ਲਵਾਰਿਸ, 21 ਜੂਨ ਨੂੰ ਇਕ ਟੱਚ ਸਕਰੀਨ ਮੋਬਾਈਲ ਫੋਨ , 22 ਜੂਨ ਨੂੰ ਇਕ ਕੀ-ਪੈਡ ਮੋਬਾਇਲ ਫੋਨ ਬਿਨਾਂ ਸਿਮ ਸਮੇਤ ਬੈਟਰੀ, 23 ਜੂਨ ਨੂੰ 24 ਪੁੜੀਆਂ ਜਰਦਾ (ਤੰਬਾਕੂ), 25 ਜੂਨ ਨੂੰ 18 ਪੁੜੀਆਂ ਜਰਦਾ (ਤੰਬਾਕੂ) ਲਵਾਰਿਸ ਬਰਾਮਦ ਹੋਇਆ। ਸਿਟੀ ਥਾਣਾ ਦੇ ਐਸ ਆਈ ਸੁਖਦੇਵ ਸਿੰਘ ਨੇ ਕੇਦਰੀ ਜੇਲ੍ਹ ਦੇ ਸਹਾਇਕ ਸੁਪਰਡੈਂਟ ਦੇ ਬਿਆਨਾਂ ਦੇ ਆਧਾਰ ’ਤੇ ਅਣਪਛਾਤੇ ਵਿਅਕਤੀਆਂ ਵੱਲੋਂ ਥਰੋਹ ਕੀਤੇ 111 ਪੁੜੀਆਂ ਜਰਦਾ (ਤੰਬਾਕੂ), 9 ਮੋਬਾਈਲ ਫੋਨ, ਸਫੇਦ ਰੰਗ ਦਾ ਨਸ਼ੀਲਾ ਜਾਪਦਾ ਪਦਾਰਥ ਵਜਨ 18 ਗ੍ਰਾਮ ਸਮੇਤ ਲਿਫਾਫਾ ਬਰਾਮਦ ਕਰਕੇ 48(2), 48(3) ਦੀ ਪੰਜਾਬ ਪਰੀਜਨ ਐਂਡ ਕੋਰੈਕਸ਼ਨਲ ਸਰਵਿਸ 2026 ਤਹਿਤ ਸਿਟੀ ਥਾਣਾ ਫਿਰੋਜਪੁਰ ਵਿੱਚ ਮੁਕਦਮਾ ਦਰਜ ਕੀਤਾ ।
