ਮੱਲਾਂਵਾਲਾ, 26 ਜੂਨ (ਗੁਰਦੇਵ ਸਿੰਘ)-ਥਾਣਾ ਆਰਿਫ਼ ਕੇ ਪੁਲਿਸ ਵਲੋਂ ਹੈਰੋਇਨ ਦਾ ਸੇਵਨ ਕਰਦੇ ਇਕ ਵਿਅਕਤੀ ਨੂੰ ਕਾਬੂ ਕਰਕੇ ਉਸ ਖ਼ਿਲਾਫ਼ ਮੁਕੱਦਮਾ ਦਰਜ ਕੀਤਾ ਹੈ। ਆਰਿਫ਼ ਕੇ ਦੇ ਸਬ-ਇੰਸਪੈਕਟਰ ਦਰਸ਼ਨ ਸਿੰਘ ਨੇ ਦੱਸਿਆ ਕਿ ਜਦ ਪੁਲਿਸ ਪਾਰਟੀ ਗਸ਼ਤ ਕਰਦੀ ਹੋਈ ਪਿੰਡ ਆਰਿਫ਼ ਕੇ ਤੋਂ ਫ਼ਿਰੋਜ਼ਪੁਰ ਰੋਡ ’ਤੇ ਪੁਲ ਸੂਆ ਆਰਿਫ਼ ਕੇ ਪਾਸ ਪੁੱਜੀ ਤਾਂ ਪੁਲ ਸੂਆ ਦੀ ਪਟੜੀ ’ਤੇ ਇਕ ਮੋਨਾ ਨੌਜਵਾਨ ਬੈਠਾ ਦਿਖਾਈ ਦਿੱਤਾ। ਜਿਸ ਨੇ ਆਪਣੇ ਮੂੰਹ ਵਿਚ ਕੋਈ ਪਾਈਪ ਨੁਮਾ ਚੀਜ਼ ਪਾਈ ਹੋਈ ਸੀ ’ਤੇ ਇਕ ਹੱਥ ਵਿਚ ਸਿਲਵਰ ਪੇਪਰ ਫੜਿਆ ਹੋਇਆ ਸੀ ਅਤੇ ਦੂਸਰੇ ਹੱਥ ਵਿਚ ਲਾਈਟਰ ਨਾਲ ਅੱਗ ਜਲਾ ਕੇ ਸਿਲਵਰ ਪੇਪਰ ਉੱਤੋਂ ਪਾਈਪ ਨੁਮਾ ਚੀਜ਼ ਨਾਲ ਕੋਈ ਨਸ਼ੀਲੀ ਵਸਤੂ ਆਪਣੇ ਅੰਦਰ ਨੂੰ ਖਿੱਚ ਰਿਹਾ ਸੀ। ਉਨ੍ਹਾਂ ਦੱਸਿਆ ਕਿ ਉਕਤ ਵਿਅਕਤੀ ਨੂੰ ਸ਼ੱਕ ਦੀ ਬਿਨਾਅ ’ਤੇ ਕਾਬੂ ਕਰਕੇ ਲਈ ਗਈ ਤਲਾਸ਼ੀ ਦੌਰਾਨ ਉਸ ਕੋਲੋਂ 1.52 ਗ੍ਰਾਮ ਹੈਰੋਰਿਨ, ਲਾਈਟਰ, ਸਿਲਵਰ ਪੇਪਰ, 10 ਰੁਪਏ ਦਾ ਕਰੰਸੀ ਨੋਟ ਬਰਾਮਦ ਹੋਇਆ।
