ਫਿਰੋਜ਼ਪੁਰ

ਜ਼ੀਰਾ-ਮਖੂ ਇਲਾਕੇ ਦੀਆਂ ਸੰਗਤਾਂ ਵਲੋਂ ਧਾਰਮਿਕ ਸਮਾਗਮ

ਅ

ਅਜੀਤ ਡੈਸਕ 02-10-2026

ਵੈਨਕੂਵਰ, 1 ਅਕਤੂਬਰ (ਮਲਕੀਤ ਸਿੰਘ)-ਜ਼ੀਰਾ-ਮਖੂ ਅਤੇ ਆਸ-ਪਾਸ ਦੇ ਇਲਾਕੇ ਨਾਲ ਸੰਬੰਧਿਤ ਸਰੀ ‘ਚ ਰਹਿ ਰਹੇ ਪਰਿਵਾਰਾਂ ਵਲੋਂ ਜੀਰਾ-ਮਖੂ ਫੈਮਿਲੀ ਐਸੋਸੀਏਸ਼ਨ ਦੇ ਸਹਿਯੋਗ ਨਾਲ ਇਕ ਧਾਰਮਿਕ ਸਮਾਗਮ ਸਰੀ ਸਥਿਤ ਦਸ਼ਮੇਸ਼ ਦਰਬਾਰ ਗੁਰੂ ਘਰ ਵਿਚ ਕਰਵਾਇਆ।ਗੁਰਜੰਟ ਸਿੰਘ ਸੰਧੂ ਅਤੇ ਬਖਸ਼ੀਸ਼ ਸਿੰਘ ਸਿੱਧੂ (ਜੀਰਾ) ਨੇ ਦੱਸਿਆ ਕਿ ਇਸ ਸੰਬੰਧ ਵਿਚ ਜ਼ੀਰਾ ਅਤੇ ਮਖੂ ਨਾਲ ਸੰਬੰਧਿਤ ਸੰਗਤਾਂ ਵਲੋਂ ਰਖਵਾਏ ਅਖੰਡ ਪਾਠ ਦੇ ਭੋਗ ਪੈਣ ਉਪਰੰਤ ਸਜਾਏ ਗਏ ਧਾਰਮਿਕ ਦੀਵਾਨ ਦੌਰਾਨ ਪ੍ਰਮੁੱਖ ਧਾਰਮਿਕ ਜਥਿਆਂ ਵਲੋਂ ਗੁਰੂ ਇਤਿਹਾਸ ਸੁਣਾ ਕੇ ਹਾਜ਼ਰ ਸੰਗਤਾਂ ਨੂੰ ਨਿਹਾਲ ਕੀਤਾ ਗਿਆ। ਇਸ ਮੌਕੇ ਸਰਬੱਤ ਦੇ ਭਲੇ ਲਈ ਅਰਦਾਸ ਕੀਤੀ ਗਈ।ਇਸ ਮੌਕੇ ਜਗਦੇਵ ਸਿੰਘ ਸੇਖੋਂ (ਸੇਖਵਾਂ), ਨਵਦੀਪ ਸਿੰਘ ਸੰਧੂ (ਜ਼ੀਰਾ), ਹਰਪ੍ਰੀਤ ਸਿੰਘ ਕੰਗ (ਹਰਦਾਸਾ), ਹਰਜੀਤ ਸਿੰਘ ਬਰਾੜ (ਮਹੀਆਂਵਾਲਾ), ਜਸਵਿੰਦਰ ਸਿੰਘ ਸੋਹਲ (ਗੋਗੋਆਣਾ), ਸੁਖਚੈਨ ਸਿੰਘ ਬਰਾੜ (ਫ਼ਰੋਕੇ), ਸੁਖਵਿੰਦਰ ਸਿੰਘ ਸ਼ਹਿਜ਼ਾਦਾ, ਸੋਨੀ ਸਿੱਧੂ, ਹਰਭਜਨ ਸਿੰਘ ਕਾਲੂ, ਪਰਮਜੀਤ ਸਿੰਘ ਗਿੱਲ (ਮਖੂ), ਗੁਰਪ੍ਰੀਤ ਸਿੰਘ ਛੀਆਪੜੀ, ਕ੍ਰਿਸ਼ਨ ਕੁਮਾਰ ਜੈਨ (ਜ਼ੀਰਾ), ਮਹਿੰਦਰ ਸਿੰਘ ਖੋਸਾ (ਧੰਨਾ ਸ਼ਹੀਦ), ਵਿਕਰਮਜੀਤ ਸਿੰਘ ਬਰਿਆੜ ਅਤੇ ਸਤਪਾਲ ਸਿੰਘ ਗਿੱਲ ਵੀ ਹਾਜ਼ਰ ਸਨ।

ਪਿਛਲੀ ਖ਼ਬਰ ਕਿਸਾਨੀ ਮੁਸ਼ਕਿਲਾਂ ਨੂੰ ਲੈ ਕੇ ਭਾਕਿਯੂ ਕ੍ਰਾਂਤੀਕਾਰੀ ਨੇ ਪ੍ਰਸ਼ਾਸਨ ਖ਼ਿਲਾਫ਼ ਖੋਲ੍ਹਿਆ ਮੋਰਚਾ ਅਗਲੀ ਖ਼ਬਰ ਦੇਸ਼ ਪ੍ਰੇਮ ਦਾ ਸੁਨੇਹਾ ਲੈ ਕੇ ਨਿਕਲੇ ਬਾਈਕ ਰਾਈਡਰਾਂ ਦਾ ਜ਼ੀਰਾ ਪੁੱਜਣ ’ਤੇ ਨਿੱਘਾ ਸਵਾਗਤ