ਸੰਗਤ ਮੰਡੀ, 29 ਮਈ (ਅੰਮਿ੍ਤਪਾਲ ਸ਼ਰਮਾ)- ਨਗਰ ਕੌਂਸਲ ਚੋਣਾਂ 'ਚ ਵੱਡੀ ਜਿੱਤ ਤੋਂ ਬਾਅਦ ਸ਼ੋ੍ਰਮਣੀ ਅਕਾਲੀ ਦਲ ਨਗਰ ਕੌਂਸਲ ਸੰਗਤ 'ਤੇ ਮੁੜ ਕਾਬਜ਼ ਹੋ ਗਿਆ ਹੈ, ਜਿਸ ਕਾਰਨ ਪਾਰਟੀ ਦੇ ਆਗੂਆਂ, ਵਰਕਰਾਂ ਅਤੇ ਸਥਾਨਕ ਦੁਕਾਨਦਾਰਾਂ 'ਚ ਭਾਰੀ ਖ਼ੁਸ਼ੀ ਦੀ ਲਹਿਰ ਪਾਈ ਜਾ ਰਹੀ ਹੈ | ਨਗਰ ਕੌਂਸਲ ਚੋਣਾਂ ਦੇ ਐਲਾਨੇ ਨਤੀਜਿਆਂ 'ਚ ਸੰਗਤ ਮੰਡੀ ਦੇ 9 ਵਾਰਡਾਂ ਵਿਚੋਂ 8 'ਤੇ ਸ਼ੋ੍ਰਮਣੀ ਅਕਾਲੀ ਦਲ ਅਤੇ ਉਸ ਦੇ ਸਮਰਥਕਾਂ ਵਲੋਂ ਜਿੱਤ ਦਰਜ਼ ਕੀਤੀ ਗਈ ਹੈ, ਜਦੋਂ ਕਿ ਆਮ ਆਦਮੀ ਪਾਰਟੀ ਦਾ ਸਿਰਫ਼ ਇਕ ਉਮੀਦਵਾਰ ਹੀ ਬਿਨ੍ਹਾਂ ਮੁਕਾਬਲਾ ਜੇਤੂ ਹੋਇਆ ਹੈ | ਚੋਣ ਨਤੀਜਿਆਂ ਦਾ ਐਲਾਨ ਹੁੰਦੇ ਹੀ ਸੰਗਤ ਮੰਡੀ ਵਿਖੇ ਪਟਾਕੇ ਚਲਾਏ ਜਾਣ ਲੱਗੇ ਅਤੇ ਪਾਰਟੀ ਵਰਕਰਾਂ ਵਲੋਂ ਖ਼ੁਸ਼ੀ 'ਚ ਭੰਗੜੇ ਪਾਏ ਗਏ | ਸ਼ੋ੍ਰਮਣੀ ਅਕਾਲੀ ਦਲ ਦੇ ਜ਼ਿਲ੍ਹਾ ਸ਼ਹਿਰੀ ਪ੍ਰਧਾਨ ਸੁਸ਼ੀਲ ਕੁਮਾਰ ਗੋਲਡੀ ਨੇ ਦੱਸਿਆ ਕਿ ਸੰਗਤ ਮੰਡੀ ਵਿਖੇ ਉਚੇਚੇ ਤੌਰ 'ਤੇ ਪਹੁੰਚੇ ਬਠਿੰਡਾ ਦਿਹਾਤੀ ਹਲਕਾ ਇੰਚਾਰਜ ਗੁਰਚਰਨ ਸਿੰਘ ਓ.ਐਸ.ਡੀ. ਦੀ ਅਗਵਾਈ ਹੇਠ ਸੰਗਤ ਮੰਡੀ ਵਿਖੇ ਸ਼ੁਕਰਾਨਾ ਮਾਰਚ ਕੀਤਾ ਅਤੇ ਸਥਾਨਕ ਮੰਡੀ ਦੇ ਸਮੂਹ ਵੋਟਰਾਂ ਦਾ ਧੰਨਵਾਦ ਕੀਤਾ ਗਿਆ | ਇਸ ਮੌਕੇ ਸੀਨੀਅਰ ਅਕਾਲੀ ਆਗੂ ਰੇਸ਼ਮ ਸਿੰਘ ਸੰਗਤ, ਯੂਥ ਆਗੂ ਕਮਲਦੀਪ ਸਿੰਘ ਸਿੱਧੂ, ਕੌਂਸਲਰ ਰਾਹੁਲ ਕੁਮਾਰ ਗੋਇਲ, ਰਾਜਵਿੰਦਰ ਸਿੰਘ 'ਰਾਜੀ', ਕਮਲਜੀਤ ਕੌਰ, ਪ੍ਰਵੀਨ ਲਤਾ, ਰਿੰਕੂ ਰਾਣੀ, ਮਨਜਗਮੀਤ ਸਿੰਘ, ਚਿਮਨ ਲਾਲ ਅਤੇ ਰਣਜੀਤ ਸਿੰਘ 'ਨਿੱਕਾ' ਤੋਂ ਇਲਾਵਾ ਸੁਰਿੰਦਰ ਕੁਮਾਰ ਛਿੰਦੀ, ਪ੍ਰਦੀਪ ਕੁਮਾਰ ਹੈਪੀ, ਕ੍ਰਿਸ਼ਨ ਕੁਮਾਰ ਭੋਲਾ, ਸੰਦੀਪ ਕੁਮਾਰ ਸੋਨੀ, ਦੁਆਰਕਾ ਦਾਸ, ਚਰਨਦਾਸ ਘੁੱਦਾ, ਰਾਜਿੰਦਰ ਬਿੱਟੂ, ਵਿਸ਼ਾਲ ਸਿੰਗਲਾ, ਸੁਰਿੰਦਰ ਕੁਮਾਰ ਬਿੱਲੂ, ਕਪਿਲ ਦੇਵ ਸ਼ਰਮਾ, ਅਮਿਤ ਸ਼ਰਮਾ, ਦਵਿੰਦਰ ਸਿੰਘ ਢੱਲਾ, ਚੌਧਰੀ ਸੂਰਜਭਾਨ, ਪ੍ਰੇਮ ਕੁਮਾਰ ਗਾਂਧੀ, ਕਾਲਾ ਸ਼ਹਿਨਸ਼ਾਹ, ਸੰਜੇ ਸਿੰਗਲਾ, ਰਾਜੇਸ਼ ਕੁਮਾਰ ਕਾਕਾ, ਡਾ. ਗੁਰਮੇਲ ਸਿੰਘ ਕਾਲੜਾ, ਬਲਾਕ ਸੰਮਤੀ ਮੈਂਬਰ ਦਰਸ਼ਨ ਸਿੰਘ ਗਿੱਲ, ਆਰੀਅਨ ਬਾਂਸਲ, ਮਹੇਸ਼ ਕੁਮਾਰ ਮਹੇਸ਼ੀ ਅਤੇ ਪਵਿੱਤ ਗੋਇਲ ਆਦਿ ਉੱਥੇ ਮੌਜੂਦ ਸਨ |
