ਧੀ ਤੋਂ ਬਾਅਦ ਪਿਤਾ ਦੀ ਵੀ ਮੌਤ
ਅਜੀਤ ਡੈਸਕ
06-06-2026
ਭੁੱਚੋ ਮੰਡੀ, 5 ਜੂਨ (ਪਰਵਿੰਦਰ ਸਿੰਘ ਜੌੜਾ)-ਧੀ ਖੁਸ਼ੀ ਤੋਂ ਬਾਅਦ ਹੁਣ ਪਿ� ਕੁਲਵੀਰ ਵੀ ਇਸ ਫਾਨੀ ਦੁਨੀਆ ਤੋਂ ਰੁਖ਼ਸਤ ਹੋ ਗਿਆ ਹੈ। ਜਦੋਂ ਕਿ ਛੋਟੀ ਧੀ ਤੇ ਮਾਂ ਗੰਭੀਰ ਹਾਲਤ ਵਿਚ ਜ਼ੇਰੇ-ਇਲਾਜ ਹੈ। ਬੀਤੇ ਦਿਨੀਂ ਚੱਕ ਬਖ਼ਤੂ ਵਾਸੀ ਇਹ ਪੂਰਾ ਪਰਿਵਾਰ ਮੋਟਰਸਾਈਕਲ ‘ਤੇ ਸਵਾਰ ਹੋ ਕੇ ਜ਼ਿਲ੍ਹਾ ਮਾਨਸਾ ਦੇ ਬੁਢਲਾਡਾ ਨਜ਼ਦੀਕ ਜਾ ਰਿਹਾ ਸੀ, ਜਦੋਂ ਇਕ ਕਾਰ ਨਾਲ ਹਾਦਸੇ ਦਾ ਸ਼ਿਕਾਰ ਹੋ ਗਿਆ ਸੀ। ਕੁਲਵੀਰ ਰਾਮ ਪੁੱਤਰ ਚਰਨਾ ਰਾਮ ਬਾਜ਼ੀਗਰ ਵਾਸੀ ਚੱਕ ਬਖ਼ਤੂ ਜੋ ਕਿ ਭੁੱਚੋ ਮੰਡੀ ਵਿਖੇ ਸੇਵਾ ਕੇਂਦਰ ਚਲਾਉਂਦਾ ਸੀ, ਬੀਤੇ ਦਿਨ ਮੋਟਰਸਾਈਕਲ ‘ਤੇ ਸਵਾਰ ਹੋ ਕੇ ਪਤਨੀ ਵੀਰਪਾਲ ਕੌਰ, 5 ਸਾਲਾ ਬੇਟੀ ਖੁਸ਼ੀ ਅਤੇ 2 ਸਾਲਾ ਛੋਟੀ ਬੇਟੀ ਨਾਲ ਆਪਣੇ ਸਹੁਰੇ ਪਿੰਡ ਜਾ ਰਿਹਾ ਸੀ, ਦੌਰਾਨ ਤੇਜ਼ ਰਫ਼ਤਾਰ ਕਾਰ ਜਿਸ ਨੂੰ ਰੋਡਵੇਜ਼ ਦਾ ਇੰਸਪੈਕਟਰ ਚਲਾ ਰਿਹਾ ਸੀ, ਨਾਲ ਹਾਦਸਾ ਹੋ ਗਿਆ ਸੀ। ਹਾਦਸੇ ਵਿਚ ਚਾਰੇ ਜਣੇ ਗੰਭੀਰ ਜ਼ਖ਼ਮੀ ਹੋ ਗਏ ਸਨ। ਬੀਤੇ ਕੱਲ੍ਹ 5 ਸਾਲਾ ਬੇਟੀ ਖੁਸ਼ੀ ਦੀ ਮੌਤ ਹੋ ਗਈ ਸੀ ਅਤੇ ਪਿੰਡ ਵਾਸੀਆਂ ਵਲੋਂ ਉਸ ਦਾ ਸਸਕਾਰ ਕੀਤਾ ਗਿਆ ਸੀ। ਅੱਜ ਡੀ. ਐਮ. ਸੀ. ਲੁਧਿਆਣਾ ਵਿਖੇ ਪਿ� ਕੁਲਵੀਰ ਰਾਮ ਵੀ ਅਕਾਲ ਚਲਾਣਾ ਕਰ ਗਿਆ। ਸੂਚਨਾ ਮਿਲਦਿਆਂ ਹੀ ਸਮੁੱਚੇ ਪਿੰਡ ਚੱਕ ਬਖ਼ਤੂ ਵਿਚ ਸੋਗ ਦੀ ਲਹਿਰ ਫੈਲ ਗਈ। ਕੁਲਵੀਰ ਰਾਮ ਦੀ ਪਤਨੀ ਵੀਰਪਾਲ ਕੌਰ ਅਤੇ ਛੋਟੀ ਬੇਟੀ ਵੀ ਗੰਭੀਰ ਹਾਲਤ ਵਿਚ ਜ਼ੇਰੇ ਇਲਾਜ ਹੈ। ਪਿੰਡ ਦੇ ਸਰਪੰਚ ਹਰਜਿੰਦਰ ਸਿੰਘ ਅਤੇ ਸਾਬਕਾ ਸਰਪੰਚ ਗੁਰਪ੍ਰੀਤ ਸਿੰਘ ਢਿੱਲੋਂ ਨੇ ਮੰਗ ਕੀਤੀ ਹੈ ਕਿ ਸਰਕਾਰ ਇਸ ਪੀੜਤ ਪਰਿਵਾਰ ਦੀ ਬਾਂਹ ਫੜੇ।
