ਬਠਿੰਡਾ

ਦੂਨ ਸਕੂਲ ਕਲਿਆਣ ਵਿਖੇ ‘ਸੰਕਲਪ’ ਲੋਗੋ ਤਹਿਤ ਮਨਾਇਆ ਸਾਲਾਨਾ ਸਮਾਰੋਹ

ਨਥਾਣਾ , 2 ਨਵੰਬਰ ( ਗੁਰਦਰਸ਼ਨ ਲੁੱਧੜ ): ਦੂਨ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਕਲਿਆਣ ਸੁੱਖਾ ਵਿਖੇ ਚਾਲੂ ਵਰ੍ਹੇ ਦਾ ਸਾਲਾਨਾ ਸਮਾਰੋਹ ‘ ਸੰਕਲਪ ’ ਸ਼ਾਨੋ - ਸ਼ੌਕਤ ਨਾਲ ਮਨਾਇਆ ਗਿਆ । ਸਮਾਰੋਹ ਵਿਚ ਮੁੱਖ ਮਹਿਮਾਨ ਵਜੋਂ ਡਾ : ਐਮ .

ਦ

ਦੂਨ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਕਲਿਆਣ ਸੁੱਖਾ ਦੇ ਸਾਲਾਨਾ ਸਮਾਗਮ ਦੌਰਾਨ ਵਿਦਿਆਰਥੀਆਂ ਦੇ ਰੂ-ਬਰੂ ਰਹੇ ਮੁੱਖ ਮਹਿਮਾਨ। ਤਸਵੀਰ : ਗੁਰਦਰਸ਼ਨ ਲੁੱਧੜ 03-11-2026

ਨਥਾਣਾ , 2 ਨਵੰਬਰ ( ਗੁਰਦਰਸ਼ਨ ਲੁੱਧੜ ): ਦੂਨ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਕਲਿਆਣ ਸੁੱਖਾ ਵਿਖੇ ਚਾਲੂ ਵਰ੍ਹੇ ਦਾ ਸਾਲਾਨਾ ਸਮਾਰੋਹ ‘ ਸੰਕਲਪ ’ ਸ਼ਾਨੋ - ਸ਼ੌਕਤ ਨਾਲ ਮਨਾਇਆ ਗਿਆ । ਸਮਾਰੋਹ ਵਿਚ ਮੁੱਖ ਮਹਿਮਾਨ ਵਜੋਂ ਡਾ : ਐਮ . ਐਸ . ਭੁੱਲਰ , ਡਾਇਰੈਕਟਰ ਐਕਸਟੈਂਸ਼ਨ ਐਜੂਕੇਸ਼ਨ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਲੁਧਿਆਣਾ ਤੇ ਵਿਸ਼ੇਸ਼ ਮਹਿਮਾਨ ਵਜੋਂ ਬਲਕਾਰ ਸਿੰਘ ਸਿੱਧੂ ਵਿਧਾਇਕ ਰਾਮਪੁਰਾ ਫੂਲ ਨੇ ਸ਼ਿਰਕਤ ਕੀਤੀ । ਸਕੂਲ ਬੈਂਡ ਵਲੋਂ ਮਹਿਮਾਨਾਂ ਦਾ ਸਵਾਗਤ ਕੀਤਾ ਗਿਆ । ਪ੍ਰੋਗਰਾਮ ਦੀ ਸ਼ੁਰੂਆਤ ਜੋਤੀ ਰੌਸ਼ਨ ਕਰਨ , ਸ਼ਬਦ ਤੇ ਗਣੇਸ਼ ਵੰਦਨਾ ਉਪਰੰਤ ਕੀਤੀ ਗਈ । ਮੁੱਢਲੀਆਂ ਕਲਾਸਾਂ ਦੇ ਨੰਨ੍ਹੇ ਬੱਚਿਆਂ ਨੇ ‘ ਰੋਜ਼ੇਜ਼ ਆਰ ਰੈੱਡ ’ ( ਨਰਸਰੀ ), ‘ ਬੀਟ ਸਿਨਰਜੀ ’ ( ਸੈਲਫੀ ਡਾਂਸ ), ‘ ਗਿਗਲ ਗੈਲੇਕਸੀ ’, ‘ ਦ ਬੈਲੂਨ ਫੀਏਸਟਾ ’ ਅਤੇ ‘ ਜੰਗਲ ਸਫਾਰੀ ’ ਵਰਗੀਆਂ ਮਨਮੋਹਕ ਝਲਕੀਆਂ ਪੇਸ਼ ਕੀਤੀਆਂ । ਸਭਿਆਚਾਰਕ ਪ੍ਰੋਗਰਾਮ ਦੌਰਾਨ ‘ ਰੈਟਰੋ ਟੂ ਮੈਟਰੋ ’, ‘ ਰੰਗੀਲਾ ਰਾਜਸਥਾਨ ’, ‘ ਸਵੈਗ ਆਫ਼ ਹਰਿਆਣਾ ’, ‘ ਕਲਰਜ਼ ਆਫ਼ ਦ ਸੋਇਲ ’ ( ਗਿੱਧਾ ), ਵਿਰਾਸਤ ( ਲੁੱਡੀ ) ਅਤੇ ‘ ਦੇਸੀ ਗਰੂਵਜ਼ ’ ( ਭੰਗੜਾ ) ਨੇ ਭਾਰਤੀ ਸੱਭਿਆਚਾਰ ਦੀ ਵਿਭਿੰਨਤਾ ਨੂੰ ਪੇਸ਼ ਕੀਤਾ । ਪੇਸ਼ਕਾਰੀਆਂ ਦੀ ਉਕਤ ਲੜੀ ਦੌਰਾਨ ‘ ਮਿਰਰ ਟੂ ਸੋਸਾਇਟੀ ’ ( ਨਸ਼ਾ ਵਿਰੋਧੀ ਪੰਜਾਬੀ ਨਾਟਕ ), ‘ ਵਿਸਪਰਸ ਇਨ ਦ ਡਾਰਕ ’ ( ਮਾਈਮ ), ‘ ਅਵੇਕਨਿੰਗ : ਸ਼ੈਡੋਜ਼ ਟੂ ਲਾਈਟ ’ ( ਨਸ਼ਾ ਜਾਗਰੂਕਤਾ ਡਾਂਸ ), ‘ ਸਿੰਫਨੀ ਆਫ਼ ਮੋਸ਼ਨ ’ ( ਸਿੱਖਿਆ , ਮਾਪਿਆਂ ਤੇ ਮੋਬਾਈਲ ਵਿਸ਼ੇ ’ ਤੇ ), ਸ਼ਿਵ ਤਾਂਡਵ ਆਈਟਮਾਂ ਸਮਾਗਮ ਦਾ ਮੁੱਖ ਆਕਰਸ਼ਣ ਰਹੀਆਂ ਤੇ ਅੰਤਿਮ ਪੇਸ਼ਕਾਰੀ ‘ ਦ ਇਨਫਿਨਿਟੀ ਫਿਨਾਲੇ ’ - ਫ਼ੌਜ ਲਈ ਸਮਰਪਿਤ ਦੇਸ਼ ਭਗਤੀ ਪੇਸ਼ਕਾਰੀ ਭਾਵੁਕਤਾ ਭਰਪੂਰ ਸੀ । ਮੁੱਖ ਮਹਿਮਾਨ ਡਾ . ਐਮ . ਐਸ . ਭੁੱਲਰ ਨੇ ਵਿਦਿਆਰਥੀਆਂ ਤੇ ਅਧਿਆਪਕਾਂ ਦੇ ਯਤਨਾਂ ਦੀ ਸ਼ਲਾਘਾ ਕਰਦਿਆਂ ਮੁੱਲ - ਅਧਾਰਿਤ ਸਿੱਖਿਆ ਤੇ ਨਸ਼ੇ ਵਰਗੀਆਂ ਸਮਾਜਿਕ ਬੁਰਾਈਆਂ ਵਿਰੁੱਧ ਨੌਜਵਾਨਾਂ ਦੀ ਭੂਮਿਕਾ ’ ਤੇ ਜ਼ੋਰ ਦਿੱਤਾ । ਵਿਧਾਇਕ ਬਲਕਾਰ ਸਿੰਘ ਸਿੱਧੂ ਨੇ ਪੰਜਾਬੀ ਵਿਰਾਸਤ ਨੂੰ ਸੰਭਾਲਣ ਤੇ ਸੰਪੂਰਨ ਸਿੱਖਿਆ ਪ੍ਰਦਾਨ ਕਰਨ ਲਈ ਸਕੂਲ ਦੇ ਯਤਨਾਂ ਦੀ ਪ੍ਰਸ਼ੰਸਾ ਕੀਤੀ । ਇਸ ਮੌਕੇ ਸਕੂਲ ਵਲੋਂ ਆਪਣੇ ਹੋਣਹਾਰ ਸਾਬਕਾ ਤੇ ਮੌਜੂਦਾ ਵਿਦਿਆਰਥੀਆਂ ਨੂੰ ਸਨਮਾਨ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ ।

ਪਿਛਲੀ ਖ਼ਬਰ ਪਿੰਡ ਬੱਲੋ ਵਿਖੇ ਬੱਚਿਆਂ ਤੇ ਨੌਜਵਾਨਾਂ ਨੂੰ ਖੇਡਾਂ ਵੱਲ ਪ੍ਰੇਰਿਤ ਕਰਨ ਲਈ ਖੇਡ ਕਿੱਟਾਂ ਵੰਡੀਆਂ ਅਗਲੀ ਖ਼ਬਰ ਸ਼ਤਰੰਜ ਅੰਡਰ-19 ਨੈਸ਼ਨਲ ਚੈਂਪੀਅਨਸ਼ਿਪ ’ਚ ਬਠਿੰਡਾ ਦੇ ਰਿਪੁਦਮਨ ਸਿੰਘ ਨੇ ਜਿੱਤਿਆ ਕਾਂਸੀ ਦਾ ਤਗਮਾ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਦੂਨ ਸਕੂਲ ਕਲਿਆਣ ਵਿਖੇ ‘ਸੰਕਲਪ’ ਲੋਗੋ ਤਹਿਤ ਮਨਾਇਆ ਸਾਲਾਨਾ ਸਮਾਰੋਹ

Subscribers Only Story

ਸੰਬੰਧਿਤ ਖ਼ਬਰਾਂ