ਖੰਨਾ, 18 ਮਈ (ਹਰਜਿੰਦਰ ਸਿੰਘ ਲਾਲ)-ਭਾਰਤੀ ਕਿਸਾਨ ਯੂਨੀਅਨ ਲੱਖੋਵਾਲ ਦੇ ਸੂਬਾ ਪ੍ਰਧਾਨ ਹਰਿੰਦਰ ਸਿੰਘ ਲੱਖੋਵਾਲ ਨੇ ਕਿਹਾ ਕਿ ਸੂਬੇ ਅੰਦਰ ਡੀਜ਼ਲ ਪੈਟਰੋਲ ਕੰਪਨੀਆਂ ਨੇ ਪੈਟਰੋਲ ਪੰਪਾਂ 'ਤੇ ਡੀਜ਼ਲ ਦੀ ਇੱਕ ਹੱਦ ਤੈਅ ਕਰ ਦਿੱਤੀ ਹੈ ਜੋ ਰੋਜ਼ਾਨਾ ਦੀ ਖਪਤ ਨਾਲੋਂ ਕਈ ਗੁਣਾ ਘੱਟ ਹੈ | ਇਸ ਸਮੇਂ ਪੰਜਾਬ ਚ ਝੋਨੇ ਦੀ ਬਿਜਾਈ ਦਾ ਸੀਜ਼ਨ ਸ਼ੁਰੂ ਹੈ ਦੇਸ਼ ਵਿੱਚ ਜਿਹੜੀਆਂ ਤੇਲ ਕੰਪਨੀਆਂ ਨੇ ਉਹ ਕਿਸਾਨਾਂ ਤੇ ਆਮ ਲੋਕਾਂ ਦਾ ਇੱਕ ਵੱਡਾ ਸ਼ੋਸ਼ਣ ਕਰ ਰਹੀਆਂ ਨੇ ਲੋਕਾਂ ਨੂੰ ਲਾਈਨਾਂ ਵਿੱਚ ਖੜੇ ਹੋਣ ਲਈ ਮਜਬੂਰ ਕੀਤਾ ਜਾ ਰਿਹਾ ਹੈ | ਭਾਵੇਂ ਤੇਲ ਦੇ ਰੇਟ ਪਿਛਲੇ ਦਿਨੀਂ ਇਹਨਾਂ ਨੇ ਵਧਾ ਦਿੱਤੇ ਨੇ ਪਰ ਅੱਜ ਵੀ ਇਹਨਾਂ ਦੀਆਂ ਹਦਾਇਤਾਂ ਨੇ ਕਿ ਹਿੰਦੁਸਤਾਨ ਪੈਟਰੋਲੀਅਮ ਨੇ ਗਾਹਕ ਨੂੰ 200 ਲੀਟਰ ਤੋਂ ਵੱਧ ਡੀਜ਼ਲ ਨਹੀਂ ਦੇਣਾ ਭਾਰਤ ਪੈਟਰੋਲੀਅਮ ਵੱਲੋ ਵੀ ਹਦਾਇਤ ਹੈ ਕਿ ਗਾਹਕ 250 ਤੋਂ 300 ਲੀਟਰ ਤੋਂ ਵੱਧ ਡੀਜ਼ਲ ਨਹੀਂ ਦੇਣਾ ਤੇ ਵੱਡੇ ਕਿਸਾਨਾਂ ਨੇ ਵੱਡੀਆਂ ਟੈਂਕੀਆਂ ਬਣਾਈਆਂ ਹੋਈਆਂ ਨੇ ਕਿਉਂਕਿ ਜਿਹੜੇ ਚੰਗੇ ਕਿਸਾਨ ਆ ਉਨ੍ਹਾਂ ਦੀ ਤਾਂ ਰੋਜ 200 ਲੀਟਰ ਦੀ ਖਪਤ ਆ ਉਹ ਰੋਜ਼ ਲਾਈਨਾਂ 'ਚ ਕਿਵੇਂ ਲੱਗਣ | ਅਸੀਂ ਕਿਸਾਨ ਯੂਨੀਅਨ ਅਤੇ ਸੰਯੁਕਤ ਕਿਸਾਨ ਮੋਰਚੇ ਵੱਲੋਂ ਇਹਦਾ ਵਿਰੋਧ ਕਰਦੇ ਹਾਂ | ਜੇਕਰ ਆਉਣ ਵਾਲੇ ਦਿਨਾਂ 'ਚ ਜੇ ਇਹਨਾਂ ਕੰਪਨੀਆਂ ਨੇ ਆਪਣੇ ਵਰਤੀਰੇ 'ਚ ਨਾ ਸੁਧਾਰ ਕੀਤਾ ਤਾਂ ਅਸੀਂ ਕੰਪਨੀਆਂ ਦੇ ਮੂਹਰੇ ਵੱਡੇ ਧਰਨੇ ਲਾਵਾਂਗੇ |
