ਰਾਮਲੀਲ੍ਹਾ ਮੰਚਨ ਦੀ ਪੰਜਵੀਂ ਰਾਤ ਐਡਵੋਕੇਟ ਗੌਰਵ ਗੋਇਲ ਨੇ ਕੀਤਾ ਉਦਘਾਟਨ

ਮਾਛੀਵਾੜਾ ਸਾਹਿਬ, 13 ਅਕਤੂਬਰ (ਰਾਜਦੀਪ ਸਿੰਘ ਅਲਬੇਲਾ)-ਸਥਾਨਕ ਦੁਸ਼ਹਿਰਾ ਮੈਦਾਨ ਵਿਚ ਸਰਵਹਿੱਤਕਾਰੀ ਸਭਾ ਸ੍ਰੀ ਰਾਮਲੀਲਾ ਕਮੇਟੀ ਵਲੋਂ ਰਾਮਲੀਲਾ ਮੰਚਨ ਦੀ ਪੰਜਵੀਂ ਰਾਤ ਮੁੱਖ ਮਹਿਮਾਨ ਵਜੋਂ ਐਡਵੋਕੇਟ ਗੌਰਵ ਗੋਇਲ ਤੇ ਸੌਰਵ ਗੋਇਲ ਪੁੱਜੇ ਜਿਨ੍ਹਾਂ ਰਿਬਨ ਕੱਟ ਕੇ ਮੰਚਨ ਦੀ ਸ਼ੁਰੂਆਤ ਕਰਵਾਈ। ਰਾਤ ਦਿਖਾਏ ਗਏ ਦ੍ਰਿਸ਼ਾਂ ਵਿਚ ਰਾਜਾ ਦਸ਼ਰਥ ਵਲੋਂ ਸ੍ਰੀ ਰਾਮ ਜੀ ਨੂੰ ਰਾਜਭਾਗ ਦੇਣ ਦਾ ਐਲਾਨ ਕੀਤਾ ਜਾਂਦਾ ਹੈ, ਇਸ ਉਪਰੰਤ ਮੰਥਰਾਂ ਵਲੋਂ ਮਹਾਰਾਣੀ ਕੈਕਈ ਨੂੰ ਰਾਜਾ ਦਸ਼ਰਥ ਖਿਲਾਫ਼ ਭੜਕਾ ਤੇ 2 ਵਰ ਮੰਗਣ ਲਈ ਉਕਸਾਇਆ ਜਾਂਦਾ ਹੈ ਜਿਸ ’ਤੇ ਮਹਾਰਾਣੀ ਕੈਕਈ ਵਲੋਂ ਰਾਜਾ ਦਸ਼ਰਥ ਤੋਂ 2 ਵਰਦਾਨ ਜਿਸ ’ਚ ਭਗਵਾਨ ਸ੍ਰੀ ਰਾਮ ਨੂੰ 14 ਸਾਲਾਂ ਬਣਵਾਸ ਅਤੇ ਦੂਜਾ ਭਰਤ ਨੂੰ ਰਾਜ ਵਿਲਾਸ ਮੰਗਿਆ ਗਿਆ ਜਿਸ ’ਤੇ ਭਗਵਾਨ ਸ੍ਰੀ ਰਾਮ ਆਪਣੇ ਪਿਤਾ ਦੀ ਆਗਿਆ ਦਾ ਪਾਲਣਾ ਕਰਦੇ ਹੋਏ ਭਰਾ ਲਛਮਣ ਤੇ ਪਤਨੀ ਸੀਤਾ ਸਮੇਤ ਜੰਗਲਾਂ ਵਿਚ ਬਣਵਾਸ ਲਈ ਚਲੇ ਜਾਂਦੇ ਹਨ।