ਧਨੌਲਾ, 29 ਮਾਰਚ (ਜਤਿੰਦਰ ਸਿੰਘ ਧਨੌਲਾ)-ਧਨੌਲਾ ਤੋਂ ਭੱਠਲਾਂ ਨੂੰ ਜਾਣ ਵਾਲੀ ਮੇਨ ਰੋਡ ਦਾ ਕੰਮ ਅੱਧ ਵਿਚਕਾਰ ਰੋਕ ਦੇਣ ਕਾਰਨ ਲੰਘਣ ਵਾਲੇ ਰਾਹੀਆਂ ਨੂੰ ਭਾਰੀ ਸਮੱਸਿਆਵਾਂ ਦਾ ਸਾਹਮਣਾ ਕਰਨ ਲਈ ਮਜਬੂਰ ਹੋਣਾ ਪੈ ਰਿਹਾ ਹੈ | ਜ਼ਿਕਰਯੋਗ ਹੈ ਕਿ ਮੁੱਖ ਮਾਰਗ ਤੋਂ ਪਟਨਾ ਤੱਕ ਇਸ ਸੜਕ ਨੂੰ ਬਣਾਇਆ ਜਾ ਚੁੱਕਾ ਹੈ | ਜਦ ਕਿ ਮੁੱਖ ਮਾਰਗ ਤੋਂ ਧਨੌਲਾ ਨੂੰ ਆਉਣ ਵਾਲੀ ਇਹ ਸੜਕ ਅੱਧ ਵਿਚਕਾਰੇ ਬਣਨ ਤੋਂ ਰੋਕ ਦਿੱਤੀ ਗਈ ਹੈ | ਇਸ ਨੂੰ ਰੋਕਣ ਦੇ ਕਾਰਨਾਂ ਬਾਰੇ ਅਨੇਕਾਂ ਚਰਚੇ ਜਾਰੀ ਹਨ | ਕਿਉਂਕਿ ਧਨੌਲਾ ਤੋਂ ਜਾਣ ਵਾਲੇ ਵਾਹਨਾਂ ਨੂੰ ਨਵੀਂ ਬਣੀ ਸੜਕ ਦੇਖ ਕੇ ਚਾਲਕ ਰਫ਼ਤਾਰ ਤੇਜ਼ ਕਰ ਲੈਂਦੇ ਹਨ ਤੇ ਅੱਧ ਵਿਚਕਾਰ ਜਾ ਕੇ ਡੇਢ-ਡੇਢ ਫੁੱਟ ਡੂੰਘੇ ਟੋਏ ਟਿੱਬੇ ਹਨ | ਜਿੱਥੇ ਸੜਕ ਨਹੀਂ ਬਣੀ | ਇਸ ਖੇਤਰ ਵਿਚ ਅਕਸਰ ਵਾਹਨ ਬੇਕਾਬੂ ਹੋ ਕਿ ਹਾਦਸਿਆਂ ਦਾ ਸ਼ਿਕਾਰ ਹੋ ਰਹੇ ਹਨ | ਪਿੰਡ ਭੱਠਲਾਂ ਦੇ ਅਤੇ ਸ਼ਹਿਰ ਧਨੌਲਾ ਦੇ ਪਤਵੰਤਿਆਂ ਨੇ ਜ਼ਿਲ੍ਹਾ ਪ੍ਰਸ਼ਾਸਨ ਪਾਸੋਂ ਮੰਗ ਕਰਦੇ ਆਖਿਆ ਕਿ ਇਸ ਸੜਕ ਨੂੰ ਤੁਰੰਤ ਮੁਕੰਮਲ ਕਰਵਾਇਆ ਜਾਵੇ |
