ਹੰਡਿਆਇਆ, 27 ਜੂਨ (ਗੁਰਜੀਤ ਸਿੰਘ ਖੁੱਡੀ)- ਖੇਤਾਂ ਵਾਲੀ ਬਿਜਲੀ ਸਪਲਾਈ ਘੱਟ ਆਉਣ ਕਾਰਨ ਕਿਸਾਨਾਂ ਨੂੰ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। 220 ਕੇ.ਵੀ. ਗਰਿੱਡ ਹੰਡਿਆਇਆ ਤੋਂ ਚੱਲਦੇ ਖੇਤੀ ਫੀਡਰਾਂ ਨੇ ਕਿਸਾਨਾਂ ਨੂੰ ਬਿਜਲੀ ਸਪਲਾਈ ਘੱਟ ਆ ਰਹੀ ਹੈ। 19 ਫੀਡਰਾਂ ਨੂੰ ਏ, ਬੀ, ਸੀ ਗਰੁੱਪਾਂ ਵਿਚ ਵੰਡਿਆ ਹੋਇਆ ਹੈ। ਜਿਸ ’ਤੇ ਬੀਤੀ ਰਾਤ 8:40 ਘੰਟੇ ਪਾਵਰਕੱਟ ਲਗਾਇਆ ਗਿਆ। ਅੱਜ ਵੀ ਦਿਨ ਵੇਲੇ 3:40 ਵਜੇ ਪਾਵਰ ਕੱਟ ਲੱਗਿਆ ਜੋ 5 ਵਜੇ ਤੱਕ ਜਾਰੀ ਸੀ। ਵਿਭਾਗ ਦਾ ਕਹਿਣਾ ਹੈ ਕਿ ਮੁੱਖ ਦਫ਼ਤਰ ਪਟਿਆਲਾ ਵਲੋਂ ਸਪਲਾਈ ਦੇਣ ਜਾਂ ਨਾ ਦੇਣ ਲਈ ਹੁਕਮ ਆਉਂਦੇ ਹਨ ਤੇ ਪਾਵਰਕੱਟ ਲਗਾਏ ਜਾਂਦੇ ਹਨ। ਜੂਨ ਦੇ ਮਹੀਨੇ ’ਚ ਬਰਸਾਤ ਨਾ ਹੋਣ ਕਰ ਕੇ ਪਾਵਰਕਾਮ ਨੂੰ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਜਦੋਂ ਪਾਵਰ ਕੱਟ ਲਗਾਉਣ ’ਤੇ ਬਿਜਲੀ ਸਪਲਾਈ ਘੱਟ ਦੇਣ ਸਬੰਧੀ ਪਾਵਰਕਾਮ ਦੇ ਐਸ.ਡੀ.ਓ. ਬਰਨਾਲਾ ਸ੍ਰੀ ਰੋਹਿਤ ਬਾਂਸਲ ਨਾਲ ਗੱਲਬਾਤ ਕੀਤੀ ਤਾਂ ਉਨ੍ਹਾਂ ਕਿਹਾ ਕਿ ਲਹਿਰਾ ਮੁਹੱਬਤ ਥਰਮਲ ’ਚ ਤਕਨੀਕੀ ਨੁਕਸ ਕਾਰਨ ਸਪਲਾਈ ਘੱਟ ਆ ਰਹੀ ਹੈ।
