ਤਲਵਾਰਬਾਜ਼ੀ ਮੁਕਾਬਲੇ ’ਚ ਡੀ.ਏ.ਵੀ ਸਕੂਲ ਦੇ ਬੱਚੇ ਛਾਏ
ਅਜੀਤ ਡੈਸਕ
24-07-2026
*ਸੋਨੇ ਦੇ 51 ਤਗਮੇ ਜਿੱਤੇ
ਸੁਨਾਮ ਊਧਮ ਸਿੰਘ ਵਾਲਾ,23 ਜੁਲਾਈ (ਸਰਬਜੀਤ ਸਿੰਘ ਧਾਲੀਵਾਲ,ਹਰਚੰਦ ਸਿੰਘ ਭੁੱਲਰ) – ਪੰਜਾਬ ਸਕੂਲ ਖੇਲ੍ਹੋ ਤਲਵਾਰਬਾਜ਼ੀ ਜ਼ੋਨ- ਪੱਧਰੀ ਮੁਕਾਬਲੇ ਸਥਾਨਕ ਡੀ.ਏ.ਵੀ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਵਿਖੇ ਸਕੂਲ ਚੇਅਰਮੈਨ ਅਨਿਰੁਧ ਵਸ਼ਿਸ਼ਟ ਦੀ ਅਗਵਾਈ ਵਿਚ ਅਧਿਆਪਕ ਸੰਜੀਵ ਜੋਸ਼ੀ ਅਤੇ ਹਰਦੀਪ ਸਿੰਘ ਦੀ ਦੇਖ-ਰੇਖ ਚ ਕਰਵਾਏ ਗਏ। ਡੀ.ਏ.ਵੀ ਦੇ ਵਿਦਿਆਰਥੀਆਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਸੋਨੇ ਦੇ 51 ਤਗਮੇ ਜਿੱਤੇ ਅਤੇ ਜ਼ਿਲ੍ਹਾ ਪੱਧਰੀ ਮੁਕਾਬਲੇ ਲਈ ਵੀ ਚੁਣੇ ਗਏ। ਇੰਨ੍ਹਾਂ ਚੁਣੇ ਗਏ ਐਥਲੀਟਾਂ ’ਚੋਂ ਅੰਡਰ-14 ਵਰਗ ਵਿੱਚ 8 ਲੜਕੇ ਅਤੇ 12 ਲੜਕੀਆਂ, ਅੰਡਰ-17 ਵਰਗ ਵਿਚ 8 ਲੜਕੇ ਅਤੇ 8 ਲੜਕਿਆਂ, ਅਤੇ ਅੰਡਰ-19 ਵਰਗ ਵਿਚ 7 ਲੜਕੇ ਅਤੇ 8 ਲੜਕੀਆਂ ਨੇ ਸੋਨੇ ਦੇ ਤਗਮੇ ਜਿੱਤੇ, ਜਿਸ ਨਾਲ ਉਨ੍ਹਾਂ ਦੇ ਮਾਪਿਆਂ ਅਤੇ ਸਕੂਲ ਦਾ ਮਾਣ ਵਧਿਆ। ਸਕੂਲ ਡਾਇਰੈਕਟਰ ਇੰਜੀਨੀਅਰ ਪੀ.ਐਸ. ਧਾਲੀਵਾਲ, ਡਾ: ਡੌਲੀ ਰਾਏ, ਡਾ: ਪੁਰਸ਼ੋਤਮ ਵਸ਼ਿਸ਼ਟ, ਸਤਿੰਦਰ ਸਿੰਘ ਧਾਲੀਵਾਲ ਅਤੇ ਡਾ: ਅੰਬਰੀਸ਼ ਰਾਏ, ਪਿ੍ੰਸੀਪਲ ਵਿਜੇ ਪ੍ਰਕਾਸ਼ ਗੁਪਤਾ ਅਤੇ ਵਾਈਸ ਪਿ੍ੰਸੀਪਲ ਅੰਤੂ ਗਰਗ,ਕੋਚ ਅਰਵਿੰਦ ਚੱਠਾ ਅਤੇ ਹਰਗੁਨਦੀਪ ਕੌਰ ਆਦਿ ਮੌਜੂਦ ਸਨ।
