ਸਮਝਦਾਰੀ ਨਾਲ ਬਚਾਓ ਰਸੋਈ ਗੈਸ

ਜੇਕਰ ਥੋੜ੍ਹੀ ਜਿਹੀ ਸਮਝਦਾਰੀ ਤੇ ਸਾਵਧਾਨੀ ਵਰਤੀ ਜਾਵੇ ਤਾਂ ਸੌਖਿਆਂ ਹੀ ਗੈਸ ਬਚਾਈ ਜਾ ਸਕਦੀ ਹੈ ਅਤੇ ਆਪਣੇ ਘਰ ਦੇ ਬਜਟ ਦਾ ਖਿਆਲ ਰੱਖਿਆ ਜਾ ਸਕਦਾ ਹੈ। ਆਓ ਜਾਣੀਏ ਗੈਸ ਬਚਾਉਣ ਦੇ ਕੁਝ ਖ਼ਾਸ ਨੁਕਤੇ :
ਅੱਜਕਲ੍ਹ ਬਾਜ਼ਾਰ ਵਿਚ ਮਿਲਣ ਵਾਲੇ ਬ੍ਰਾਂਡੇਡ ਗੈਸ ਸਟੋਵ ਵਿਚ ਬਰਨਰ ਦੇ ਹੇਠਾਂ ਨੋਜਲ ਵਿਚ ਥਰਮੋਲਿਸਿਸ ਦੀ ਮਾਤਰਾ ਘੱਟ ਕਰ ਦਿੱਤੀ ਜਾਂਦੀ ਹੈ, ਜਿਸ ਨਾਲ ਗੈਸ ਦੀ ਖਪਤ ਘੱਟ ਹੁੰਦੀ ਹੈ, ਅਖੀਰ ਕਿਸੇ ਬ੍ਰਾਂਡੇਡ ਸਟੋਵ ਦੀ ਵਰਤੋਂ ਕੀਤੀ ਜਾਵੇ ਤਾਂ ਚੰਗਾ ਰਹਿੰਦਾ ਹੈ।
ਭੋਜਨ ਬਣਾਉਣ ਤੋਂ ਪਹਿਲਾਂ ਸਾਰੀ ਤਿਆਰੀ ਕਰ ਲਓ, ਉਸ ਤੋਂ ਬਾਅਦ ਹੀ ਗੈਸ ਚਾਲੂ ਕਰੋ।
ਦਾਲਾਂ ਆਦਿ ਪਕਾਉਣ ਤੋਂ ਪਹਿਲਾਂ ਭਿਉਂ ਕੇ ਰੱਖੋ।
ਫਰਿੱਜ ਦਾ ਰੱਖਿਆ ਹੋਇਆ ਸਾਮਾਨ ਸਿੱਧੇ ਗੈਸ 'ਤੇ ਨਾ ਰੱਖੋ, ਸਗੋਂ ਕੁਝ ਸਮਾਂ ਪਹਿਲਾਂ ਹੀ ਬਾਹਰ ਕੱਢ ਕੇ ਰੱਖ ਲਓ।
ਜਿਥੋਂ ਤੱਕ ਸੰਭਵ ਹੋਵੇ ਕੁੱਕਰ ਦੀ ਵਰਤੋਂ ਕਰੋ।
ਕੰਮ ਖ਼ਤਮ ਹੋਣ ਤੋਂ ਬਾਅਦ ਰੈਗੂਲੇਟਰ ਨੂੰ ਜ਼ਰੂਰ ਬੰਦ ਕਰ ਦਿਓ। ਚੁੱਲ੍ਹਾ ਜਿਸ ਥਾਂ ਰੱਖੋ, ਉਹ ਹਮੇਸ਼ਾ ਸਿਲੰਡਰ ਤੋਂ ਉੱਚੀ ਹੋਵੇ।
ਲਗਾਤਾਰ ਹਰ ਸਾਲ ਗੈਸ ਸਟੋਵ ਦੀ ਜਾਂਚ ਕਰਾਓ। ਦੋ ਸਾਲਾਂ ਬਾਅਦ ਗੈਸ ਦਾ ਪਾਈਪ ਬਦਲ ਦਿਓ। ਸਿਲੰਡਰ ਦੀ ਡਿਲੀਵਰੀ ਲੈਣ ਤੋਂ ਪਹਿਲਾਂ ਵਜ਼ਨ ਦਾ ਅੰਦਾਜ਼ਾ ਲਗਾ ਲਓ। ਸਮੇਂ-ਸਮੇਂ 'ਤੇ ਬਰਨਰ ਦੀ ਜਾਂਚ ਕਰਾਉਂਦੇ ਰਹੋ।