ਬੁੱਝੋ ਤਾਂ ਜਾਣੀਏ * ਹਰਪ੍ਰੀਤ ਸਿੰਘ ਪੱਤੋ *

ਭੀਂ ਭੀਂ ਕਰਕੇ ਆਵੇ ਉਹ।
ਕੰਨ 'ਚ ਬਾਤ ਸੁਣਾਵੇ ਉਹ।
ਫਿਰ ਡੰਗ ਚਲਾਵੇ ਉਹ।
ਬੁੱਝੋ ਬੱਚਿਓ ਕੌਣ?

ਹੱਥ ਲਾਵੇ ਤੋਂ ਮਰ ਜਾਂਦਾ ਹੈ।
ਪਾਣੀ ਉਤੇ ਤਰ ਜਾਂਦਾ ਹੈ।
ਦਵਾਈ ਤੋਂ ਡਰ ਜਾਂਦਾ ਹੈ।
ਬੁੱਝੋ ਬੱਚਿਓ ਕੌਣ?

ਬੱਚਿਆਂ ਨੂੰ ਤੰਗ ਕਰਦਾ ਹੈ।
ਬਹੁਤਾ ਉਨ੍ਹਾਂ ਦੇ ਲੜਦਾ ਹੈ।
ਲੱਤਾਂ 'ਤੇ ਦੰਦੀਆਂ ਵੱਢਦਾ ਹੈ।
ਬੁੱਝੋ ਬੱਚਿਓ ਕੌਣ?

ਹਰ ਰੁੱਤ ਵਿਚ ਰਹਿੰਦਾ ਹੈ।
ਗੰਦੀ ਥਾਂ 'ਤੇ ਬੰਿਹਦਾ ਹੈ।
ਆਪ ਨੂੰ ਡਾਕਟਰ ਕਹਿੰਦਾ ਹੈ।
ਬੁੱਝੋ ਬੱਚਿਓ ਕੌਣ?

ਕਿਤੇ ਵੀ ਉਹ ਲੜ ਜਾਵੇ।
ਟੀਕਾ ਆਪਣਾ ਭਰ ਜਾਵੇ।
ਧੱਫੜ ਉਥੇ ਕਰ ਜਾਵੇ।
ਬੁੱਝੋ ਬੱਚਿਓ ਕੌਣ?

ਜਦੋਂ ਡੰਗ ਚਲਾਉਂਦਾ ਹੈ।
ਸਭ ਦੇ ਤਾਈਂ ਨਚਾਉਂਦਾ ਹੈ।
ਹਾਸਾ ਉਸ ਨੂੰ ਆਉਂਦਾ ਹੈ।
ਦੱਸਾਂ! ਬੱਚਿਓ ਕੌਣ!
ਉਹ ਹੈ 'ਮੱਛਰ'।

-ਪਿੰਡ ਪੱਤੋ ਹੀਰਾ ਸਿੰਘ, ਮੋਗਾ।
ਮੋਬਾਈਲ : 94658-21417