ਬੈਂਗਲੁਰੂ ਨੇ ਮੁੰਬਈ ਨੂੰ 2 ਵਿਕਟਾਂ ਨਾਲ ਹਰਾਇਆ <br/>

ਰਾਏਪੁਰ, 10 ਮਈ (ਏਜੰਸੀ)-ਆਈ.ਪੀ.ਐਲ. 2026 ਦੇ 54ਵੇਂ ਮੈਚ ਅੱਜ ਬੈਂਗਲੁਰੂ ਨੇ ਮੁੰਬਈ ਨੂੰ 2 ਵਿਕਟਾਂ ਨਾਲ ਹਰਾਇਆ | ਬੈਂਗਲੁਰੂ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕੀਤੀ ਤੇ ਤਿਲਕ ਵਰਮਾ ਦੇ ਅਰਧ ਸੈਂਕੜੇ ਦੇ ਸਦਕਾ ਮੁੰਬਈ ਨੇ 7 ਵਿਕਟਾਂ ਦੇ ਨੁਕਸਾਨ 'ਤੇ 166 ਦÏੜਾਂ ਬਣਾਈਆਂ | ਮੁੰਬਈ ਦੀ ਸ਼ੁਰੂਆਤ ਬਹੁਤ ਮਾੜੀ ਰਹੀ | ਰਿਆਨ ਰਿਕਲਟਨ ਪਹਿਲੇ ਹੀ ਓਵਰ 'ਚ ਆਊਟ ਹੋ ਗਿਆ | ਇਸ ਤੋਂ ਬਾਅਦ, ਰੋਹਿਤ ਸ਼ਰਮਾ (22), ਸੂਰਿਆਕੁਮਾਰ (0) ਨੇ ਆਪਣੀ ਵਿਕਟ ਗਵਾ ਲਈ | ਹਾਲਾਂਕਿ, ਤਿਲਕ ਵਰਮਾ ਤੇ ਨਮਨ ਧੀਰ ਵਿਚਕਾਰ ਇਕ ਮਜ਼ਬੂਤ ਸਾਂਝੇਦਾਰੀ ਬਣੀ | ਨਮਨ ਧੀਰ ਨੇ 47 ਦੌੜਾਂ, ਜਦੋਂ ਕਿ ਤਿਲਕ ਨੇ 57 ਦੌੜਾਂ ਦੀ ਪਾਰੀ ਖੇਡੀ, ਜਿਸ ਦੀ ਬਦੌਲਤ ਮੁੰਬਈ ਨੇ ਕੁੱਲ 166/7 ਦÏੜਾਂ ਬਣਾਈਆਂ | ਬੈਂਗਲੁਰੂ ਲਈ ਭੁਵਨੇਸ਼ਵਰ ਕੁਮਾਰ ਨੇ 4 ਵਿਕਟਾਂ ਲਈਆਂ | 167 ਦÏੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ, ਆਰ.ਸੀ.ਬੀ. ਦੀ ਸ਼ੁਰੂਆਤ ਵੀ ਬਹੁਤ ਖਰਾਬ ਰਹੀ | ਕੋਹਲੀ (0) ਜੈਕਬ ਬੈਥਲ (27) ਤੇ ਪਡਿੱਕਲ (12) ਜਲਦ ਹੀ ਆਉਟ ਹੋ ਗਏ | ਇਸ ਤੋਂ ਬਾਅਦ, ਕਰੁਣਾਲ ਪਾਂਡਿਆ ਨੇ ਇਕ ਸ਼ਾਨਦਾਰ ਪਾਰੀ ਖੇਡੀ | ਉਸਨੇ 46 ਗੇਂਦਾਂ 'ਚ 73 ਦੌੜਾਂ ਬਣਾਈਆਂ | ਹਾਲਾਂਕਿ 16ਵੇਂ ਓਵਰ 'ਚ ਬੈਂਗਲੁਰੂ ਨੇ ਲਗਾਤਾਰ ਜਿਤੇਸ਼ ਸ਼ਰਮਾ ਤੇ ਟਿਮ ਡੇਵਿਡ ਦੀ ਵਿਕਟ ਗਵਾਈ ਤੇ ਅਗਲੇ ਹੀ ਓਵਰ 'ਚ ਕਰੁਣਾਲ ਪਾਂਡਿਆ ਆਉਟ ਹੋ ਗਏ | ਅਹਿਮ ਸਮੇਂ 'ਤੇ ਬੈਂਗਲੁਰੂ ਨੇ ਇਹ ਵਿਕਟਾਂ ਗਵਾ ਲਈਆਂ | ਇਸ ਤੋਂ ਬਾਅਦ ਭੁਵਨੇਸ਼ਵਰ ਨੇ ਆਖਰੀ ਸਮੇਂ 'ਚ ਇਕ ਅਹਿਮ ਛੱਕਾ ਲਗਾ ਕੇ ਬੈਂਗਲੁਰੂ ਨੂੰ ਜਿੱਤ ਦੇ ਨਜ਼ਦੀਕ ਪਹੁੰਚਾ ਦਿੱਤਾ ਤੇ ਟੀਮ ਨੇ 8 ਵਿਕਟਾਂ ਦੇ ਨੁਕਸਾਨ 'ਤੇ 167 ਦੌੜਾਂ ਬਣਾਈਆਂ |