ਸੰਯਮ ਨੇ 10 ਮੀਟਰ ਏਅਰ ਪਿਸਟਲ ’ਚ ਚਾਂਦੀ ਦਾ ਤਗਮਾ ਜਿੱਤਿਆ
ਅਜੀਤ ਡੈਸਕ
25-07-2026
ਹਾਂਗਜ਼ੂ, 24 ਜੁਲਾਈ (ਪੀ.ਟੀ.ਆਈ.)-ਆਈ.ਐਸ.ਐਸ.ਐਫ. ਵਿਸ਼ਵ ਕੱਪ ’ਚ ਸੰਯਮ ਨੇ ਮਹਿਲਾ 10 ਮੀਟਰ ਏਅਰ ਪਿਸਟਲ ਮੁਕਾਬਲੇ ’ਚ ਚਾਂਦੀ ਦਾ ਤਗਮਾ ਜਿੱਤ ਕੇ ਭਾਰਤ ਦਾ ਖਾਤਾ ਖੋਲ੍ਹਿਆ। ਉਸਨੇ ਫਾਈਨਲ ’ਚ 243.4 ਅੰਕ ਬਣਾਏ। ਕੁਆਲੀਫਿਕੇਸ਼ਨ ਰਾਊਂਡ ਵਿੱਚ ਉਸਦਾ ਸਕੋਰ 579 ਸੀ। ਉਸਨੇ ਪਹਿਲਾਂ ਦਿੱਲੀ ’ਚ ਰਾਸ਼ਟਰੀ ਚੋਣ ਟ੍ਰਾਇਲ ’ਚ ਦੂਜੇ 10 ਮੀਟਰ ਏਅਰ ਪਿਸਟਲ ਟ੍ਰਾਇਲ ਵਿਚ 243.1 ਅੰਕ ਬਣਾਏ ਸਨ। ਚੰਡੀਗੜ੍ਹ ਦੀ ਨਿਸ਼ਾਨੇਬਾਜ਼ ਨੇ ਜੂਨੀਅਰ ਵਿਸ਼ਵ ਕੱਪ ’ਚ ਵੀ ਸੋਨ ਤਗਮਾ ਜਿੱਤਿਆ ਹੈ। ਭਾਰਤ ਦੀ ਸੁਰੂਚੀ ਇੰਦਰ ਸਿੰਘ ਵੀ ਅੱਠ-ਮਹਿਲਾ ਫਾਈਨਲ ’ਚ ਪਹੁੰਚੀ ਤੇ 137.6 ਦੇ ਸਕੋਰ ਨਾਲ ਸੱਤਵੇਂ ਸਥਾਨ ‘ਤੇ ਰਹੀ।
303
