ਇਚਿਨੋਮੀਆ, 21 ਸਤੰਬਰ (ਪੀ.ਟੀ.ਆਈ.)-ਭਾਰਤੀ ਪੁਰਸ਼ ਬੈਡਮਿੰਟਨ ਟੀਮ ਨੇ ਬੰਗਲਾਦੇਸ਼ ਨੂੰ 3-0 ਨਾਲ ਹਰਾ ਕੇ ਏਸ਼ੀਆਈ ਖੇਡਾਂ ਦੇ ਕੁਆਰਟਰ ਫਾਈਨਲ ਵਿਚ ਪ੍ਰਵੇਸ਼ ਕੀਤਾ। ਲਕਸ਼ਯ ਸੇਨ, ਆਯੁਸ਼ ਸ਼ੈੱਟੀ ਤੇ ਕੇ. ਸ੍ਰੀਕਾਂਤ ਨੇ ਬਿਨਾਂ ਕੋਈ ਗੇਮ ਗੁਆਏ ਜਿੱਤ ਦਰਜ ਕੀਤੀ, ਜਿਸ ਨਾਲ ਮੰਗਲਵਾਰ ਨੂੰ ਮੇਜ਼ਬਾਨ ਜਪਾਨ ਵਿਰੁੱਧ ਕੁਆਰਟਰ ਫਾਈਨਲ ਮੁਕਾਬਲਾ ਤੈਅ ਹੋ ਗਿਆ। ਲਕਸ਼ਯ ਨੇ ਅੱਧੇ ਘੰਟੇ ਤੋਂ ਵੀ ਘੱਟ ਸਮੇਂ ’ਚ ਇਬਨ ਆਇਮਨ ਜ਼ਮਾਨ ਨੂੰ 21-4, 21-12 ਨਾਲ ਹਰਾਇਆ। ਇਸ ਤੋਂ ਬਾਅਦ, ਆਯੁਸ਼ ਨੇ ਗੌਰਵ ਸਿੰਘ ਨੂੰ 25 ਮਿੰਟਾਂ ਵਿਚ 21-4, 21-13 ਨਾਲ ਹਰਾਇਆ, ਜਦਕਿ ਸ੍ਰੀਕਾਂਤ ਨੇ ਜੁਮਾਰ ਅਲ ਅਮੀਨ ਨੂੰ 23 ਮਿੰਟਾਂ ’ਚ 21-15, 21-9 ਨਾਲ ਮਾਤ ਦਿੱਤੀ। ਮਹਿਲਾ ਟੀਮ ਵੀ ਆਖਰੀ-8 ਦੇ ਪੜਾਅ ’ਚ ਜਪਾਨ ਦਾ ਸਾਹਮਣਾ ਕਰੇਗੀ।
