ਨਾਗੋਆ, 3 ਅਕਤੂਬਰ (ਪੀ. ਟੀ. ਆਈ.)-ਮਹਾਰਾਸ਼ਟਰ ਦੀ 17 ਸਾਲ ਦੀ ਕੁਮਕੁਮ ਮੋਹੋਦ ਨੇ ਮੁਸ਼ਕਲ ਸਮੇਂ ’ਚ ਧੀਰਜ ਬਣਾਈ ਰੱਖਦਿਆਂ ਕਈ ਤਕੜੇ ਵਿਰੋਧੀਆਂ ਨੂੰ ਹਰਾ ਕੇ ਇਤਿਹਾਸ ਰਚਦਿਆਂ ਭਾਰਤ ਦੀ ਝੋਲੀ ’ਚ ਰਿਕਰਵ ਤੀਰਅੰਦਾਜ਼ੀ ਦੇ ਵਿਅਕਤੀਗਤ ਵਰਗ ’ਚ ਏਸ਼ਿਆਈ ਖੇਡਾਂ ਦਾ ਪਹਿਲਾ ਸੋਨ ਤਗਮਾ ਪਾਇਆ। ਕੁਮਕੁਮ ਨੇ ਸ਼ੂਟ-ਆਊਟ ਵਿਚ ਤੀਰ ਨੂੰ 10-ਰਿੰਗ ਵਿਚ ਮਾਰਿਆ ਅਤੇ ਫਾਈਨਲ ਵਿਚ ਦੱਖਣੀ ਕੋਰੀਆ ਦੀ ਓਹ ਯੇਜਿਨ ਨੂੰ 6-5 ਨਾਲ ਹਰਾਇਆ। ਉਹ ਵਿਅਕਤੀਗਤ ਰਿਕਰਵ ਵਰਗ ਵਿਚ ਏਸ਼ੀਆਈ ਖੇਡਾਂ ਦਾ ਤਗਮਾ ਜਿੱਤਣ ਵਾਲੀ ਪਹਿਲੀ ਭਾਰਤੀ ਮਹਿਲਾ ਬਣ ਗਈ ਹੈ। ਇਸ ਦੇ ਨਾਲ ਹੀ ਉਹ ਲਾਸ ਏਂਜਲਸ ਉਲੰਪਿਕ ਲਈ ਵੀ ਕੁਆਲੀਫਾਈ ਕਰ ਗਈ। ਕੁਮਕੁਮ ਨੇ ਦੋ ਸੋਨੇ ਅਤੇ ਇਕ ਚਾਂਦੀ ਸਮੇਤ ਤਿੰਨ ਤਗਮਿਆਂ ਨਾਲ ਆਪਣੀ ਮੁਹਿੰਮ ਦਾ ਸ਼ਾਨਦਾਰ ਅੰਤ ਕੀਤਾ। ਤਰੁਣਦੀਪ ਰਾਏ, ਜਿਸ ਨੇ ਗੁਆਂਗਜ਼ੂ 2010 ਵਿਚ ਚਾਂਦੀ ਦਾ ਤਗਮਾ ਜਿੱਤਿਆ ਸੀ, ਏਸ਼ਿਆਈ ਖੇਡਾਂ ਵਿਚ ਵਿਅਕਤੀਗਤ ਰਿਕਰਵ ਤਗਮਾ ਜਿੱਤਣ ਵਾਲੀ ਇਕਲੌਤੀ ਹੋਰ ਭਾਰਤੀ ਹੈ।
