ਭਾਰਤ ਖ਼ਿਲਾਫ਼ ਟੀ-20 ’ਚ ਸਭ ਤੋਂ ਵੱਡਾ ‘ਰਨਚੇਜ’ ਵੈਸਟ ਇੰਡੀਜ਼ ਨੇ 6 ਵਿਕਟਾਂ ਨਾਲ ਹਰਾਇਆ

ਰਾਂਚੀ, 9 ਅਕਤੂਬਰ (ਏਜੰਸੀ)-ਭਾਰਤ ਖ਼ਿਲਾਫ਼ ਟੀ-20 ਵਿਚ ਸਭ ਤੋਂ ਵੱਡਾ ‘ਰਨਚੇਜ’ ਹੋ ਗਿਆ ਹੈ।ਵੈਸਟ ਇੰਡੀਜ਼ ਨੇ ਦੂਜੇ ਮੈਚ ’ਚ 250 ਦੌੜਾਂ ਦਾ ਟੀਚਾ ਆਸਾਨੀ ਨਾਲ ਸਰ ਕਰਦਿਆਂ 6 ਵਿਕਟਾਂ ਨਾਲ ਇਤਿਹਾਸਕ ਜਿੱਤ ਦਰਜ਼ ਕੀਤੀ। ਇਸ ਤੋਂ ਪਹਿਲਾਂ ਆਸਟ੍ਰੇਲੀਆ ਨੇ 2023 ’ਚ 233 ਦੌੜਾਂ ਦਾ ਟੀਚਾ ਹਾਸਿਲ ਕੀਤਾ ਸੀ। ਰਾਂਚੀ ’ਚ ਟਾਸ ਹਾਰ ਕੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਭਾਰਤ ਨੇ 20 ਓਵਰਾਂ ’ਚ 5 ਵਿਕਟਾਂ ’ਤੇ 249 ਦੌੜਾਂ ਬਣਾਈਆਂ। ਸੰਜੂ ਸੈਮਸਨ ਨੇ 41 ਗੇਂਦਾ ’ਤੇ 82 ਦੌੜਾਂ (ਚੌਕੇ: 9, ਛੱਕੇ: 4), ਈਸ਼ਾਨ ਕਿਸ਼ਨ ਨੇ 43 ਦੌੜਾਂ (ਚੌਕੇ: 6, ਛੱਕੇ: 2) ਅਤੇ ਤਿਲਕ ਵਰਮਾ 44 ਦੌੜਾਂ (ਚੌਕੇ: 3, ਛੱਕੇ: 3) ਬਣਾ ਕੇ ਅਜੇਤੂ ਰਹੇ।ਕਪਤਾਨ ਸ੍ਰੇਅਸ ਅਈਅਰ ਨੇ ਵੀ 40 ਦੌੜਾਂ (ਚੌਕੇ: 3, ਛੱਕੇ: 3) ਦਾ ਯੋਗਦਾਨ ਪਾਇਆ। ਜਵਾਬ ’ਚ ਵੈਸਟ ਇੰਡੀਜ਼ ਨੇ 18.3 ਓਵਰਾਂ ’ਚ 4 ਵਿਕਟਾਂ ਗੁਆ ਕੇ 252 ਦੌੜਾਂ ਬਣਾ ਕੇ ਰਿਕਾਰਡ ਜਿੱਤ ਹਾਸਿਲ ਕੀਤੀ। ਕਪਤਾਨ ਸ਼ਾਈ ਹੋਪ ਨੇ 45 ਗੇਂਦਾਂ ’ਤੇ ਅਜੇਤੂ 102 ਦੌੜਾਂ (ਚੌਕੇ: 6, ਛੱਕੇ: 9), ਜਦੋਂਕਿ ਸ਼ੇਰਫੇਨ ਰਦਰਫੋਰਡ ਨੇ 37 ਗੇਂਦਾਂ ’ਤੇ 84 ਦੌੜਾਂ (ਚੌਕੇ: 7, ਛੱਕੇ: 7) ਦੀਆਂ ਤੂਫਾਨੀ ਪਾਰੀਆਂ ਖੇਡੀਆਂ। ਰੋਮਾਰੀਓ ਸ਼ੈਫਰਡ 13 ਗੇਂਦਾਂ ’ਤੇ 34 ਦੌੜਾਂ (ਚੌਕੇ: 3, ਛੱਕੇ: 3) ਬਣਾ ਕੇ ਅਜੇਤੂ ਰਹੇ। ਭਾਰਤ ਲਈ ਮਯੰਕ ਯਾਦਵ ਨੇ 3 ਵਿਕਟਾਂ ਹਾਸਿਲ ਕੀਤੀਆਂ।