ਐਬਟਸਫੌਰਡ, 16 ਮਈ (ਗੁਰਦੀਪ ਗਰੇਵਾਲ)-ਇੰਗਲੈਂਡ ਤੋਂ ਕੈਨੇਡਾ ਆ ਰਹੇ ਰਿਸ਼ਤੇਦਾਰਾਂ ਨੂੰ ਲੈਣ ਵਾਸਤੇ ਵੈਨਕੂਵਰ ਦੇ ਅੰਤਰਾਸ਼ਟਰੀ ਹਵਾਈ ਅੱਡੇ ‘ਤੇ ਪਹੁੰਚੀ ਪੰਜਾਬਣ ਜਸਪ੍ਰੀਤ ਕੌਰ ਨੂੰ ਘਰ ਤੋਂ ਤੁਰਨ ਵੇਲੇ ਇਹ ਅੰਦਾਜ਼ਾ ਵੀ ਨਹੀਂ ਸੀ, ਕਿ ਅੱਜ ਉਹ ਲੱਖਪਤੀ ਬਣ ਜਾਵੇਗੀ। ਜਸਪ੍ਰੀਤ ਕੋਰ ਜਦੋਂ ਆਪਣੇ ਪਰਿਵਾਰ ਸਮੇਤ ਹਵਾਈ ਅੱਡੇ ‘ਤੇ ਰਿਸ਼ਤੇਦਾਰਾਂ ਦੀ ਉਡੀਕ ਕਰ ਰਹੀ ਸੀ ਤਾਂ ਇਸ ਦੌਰਾਨ ਉਸ ਦੇ ਮਨ ਵਿਚ ਲਾਟਰੀ ਪਾਉਣ ਜਾ ਖਿਆਲ ਆਇਆ ਤੇ ਉਸਨੇ ਬ੍ਰਿਟਿਸ਼ ਕੋਲੰਬੀਆ ਲਾਟਰੀ ਕਾਰਪੋਰੇਸ਼ਨ ਦੀ ਲੋਟੋ ਮੈਕਸ 649 ਦੀ ਲਾਟਰੀ ਖਰੀਦ ਲਈ ਤੇ ਜਦੋਂ ਟਿਕਟ ਦੇ 6 ਨੰਬਰਾਂ ਚੋਂ 5 ਨੰਬਰ ਮੇਲ ਖਾ ਗਏ ਤਾਂ ਉਸਨੇ ਖੁਸ਼ੀ ‘ਚ ਚਿਲਾਉਣਾ ਸ਼ੁਰੂ ਕਰ ਦਿੱਤਾ ਤੇ ਉਸਨੂੰ ਤੇ ਉਸਦੇ ਪਰਿਵਾਰ ਨੂੰ ਵਿਸ਼ਵਾਸ਼ ਹੀ ਨਹੀਂ ਸੀ ਹੋ ਰਿਹਾ ਕਿ ਉਸਨੇ ਇਕ ਲੱਖ 43 ਹਜ਼ਾਰ 758 ਡਾਲਰ ਤੇ 50 ਸੈਂਟ ਭਾਵ ਤਕਰੀਬਨ 97 ਲੱਖ ਰੁਪਏ ਦੀ ਲਾਟਰੀ ਜਿੱਤ ਲਈ ਹੈ। ਜਸਪ੍ਰੀਤ ਕੌਰ ਦਾ ਕਹਿਣਾ ਹੈ ਕਿ ਇਸ ਲਾਟਰੀ ਨੇ ਉਸਦੇ ਪਰਿਵਾਰ ਦੀ ਜਿੰਦਗੀ ਬਦਲ ਦਿੱਤੀ ਹੈ ਤੇ ਉਹ ਜਿੱਤੀ ਹੋਈ ਰਕਮ ਦਾ ਕੁੱਝ ਹਿੱਸਾ ਆਪਣੇ ਬੱਚਿਆਂ ਨੂੰ ਦੇਵੇਗੀ ਤੇ ਕੁੱਝ ਦਾਨ ਕਰੇਗੀ ਤੇ ਆਪਣੇ ਪਰਿਵਾਰ ਸਮੇਤ ਛੁੱਟੀਆਂ ਮਨਾਉਣ ਵਾਸਤੇ ਜਾਵੇਗੀ।
