ਸ਼ਿਕਾਗੋ, 16 ਜੂਨ (ਕੇਵਲ ਗੁਰਾਇਆ)-ਅਮਰੀਕਾ ਦੇ ਸ਼ਹਿਰ ਸ਼ਿਕਾਗੋ ਮਿਡ ਵੈਸਟ ਇਲਾਕੇ ਵਿਚ ਮੀਂਹ ਅਤੇ ਤੇਜ਼ ਹਵਾਵਾਂ ਚੱਲਣ ਕਾਰਨ ਇਕ ਵਾਰ ਜਨਜੀਵਨ ਠੱਪ ਹੋ ਗਿਆ। ਸੈਂਕੜਿਆਂ ਦੀ ਗਿਣਤੀ ਵਿਚ ਦਰਖਤ ਡਿੱਗਣ ਕਾਰਨ ਆਵਾਜਾਈ ਪ੍ਰਭਾਵਿਤ ਹੋਈ। ਹਨੇਰੀ ਇੰਨੀ ਭਿਆਨਕ ਸੀ ਕਿ ਬਹੁਤ ਸਾਰੇ ਇਲਾਕਿਆਂ ਵਿਚ ਕੁੱਝ ਘੰਟਿਆਂ ਲਈ ਬਿਜਲੀ ਗੁੱਲ ਰਹੀ। ਕਈ ਦਰਖਤ ਘਰਾਂ ਦੇ ਉੱਪਰ ਡਿੱਗਣ ਕਾਰਨ ਘਰਾਂ ਦਾ ਕਾਫੀ ਨੁਕਸਾਨ ਹੋਇਆ। ਲੋਕਾਂ ਦਾ ਕਹਿਣਾ ਹੈ ਕਿ ਪਿਛਲੇ 20 ਵਰ੍ਹਿਆਂ ਦੇ ਵਿਚ ਇੰਨੀ ਤੇਜ ਹਨ੍ਹੇਰੀ ਨਹੀਂ ਆਈ।
