ਕੈਲਗਰੀ, 29 ਜੂਨ (ਜਸਜੀਤ ਸਿੰਘ ਧਾਮੀ)-ਫਾਈਬ ਰਾਈਡਰਸ ਸੁਸਾਇਟੀ ਆਫ ਕੈਲਗਰੀ ਵੱਲੋ ‘ਵਿਰਾਸਤ ਦੀ ਗੂੰਜ’ ਪ੍ਰੋਗ੍ਰਾਮ ਕੈਲਗਰੀ ਵਿਖੇ ਬਹੁਤ ਹੀ ਵਧੀਆ ਪ੍ਰਬੰਧਾਂ ਹੇਠ ਕਰਵਾਇਆ ਗਿਆ। ਇਹ ਪ੍ਰੋਗ੍ਰਾਮ ਬਲਜੀਤ ਸਿੰਘ ਪੰਧੇਰ,ਭੋਲਾ ਸਿੰਘ ਚੌਹਾਨ,ਪ੍ਰਦੀਪ ਸਿੰਘ ਬੈਨੀਪਾਲ,ਮਨਜੋਤ ਸਿੰਘ ਗਿੱਲ ਅਤੇ ਗੁਰਜੀਤ ਸਿੰਘ ਰਾਏ ਵੱਲੋ ਆਪਣੀ ਟੀਮ ਨਾਲ ਮਿਲ ਕੇ ਵਿਰਸੇ ਨੂੰ ਸਮਰਪਿਤ ਰਿਹਾ। ਪ੍ਰੋਗ੍ਰਾਮ ਦੀ ਸੁਰੂਆਤ ਛੋਟੇ-ਛੋਟੇ ਬੱਚਿਆ ਵੱਲੋ ਗੱਤਕੇ ਦੇ ਕਰਤੱਬ ਦਿਖਾਉਦਿਆ ਕੀਤੀ ਗਈ। ਉਪਰੰਤ ਬਲਜੀਤ ਸਿੰਘ ਪੰਧੇਰ ਨੇ ਆਏ ਸਾਰਿਆ ਅਤੇ ਸਹਿਯੋਗੀਆ ਦਾ ਧੰਨਵਾਦ ਕਰਦਿਆ ਕਿਹਾ ਕਿ ਇਸ ਸੁਸਾਇਟੀ ਦਾ ਮੁੱਖ ਮਕਸਦ ਬੱਚਿਆ ਨੂੰ ਆਪਣੇ ਵਿਰਸੇ ਅਤੇ ਇਤਿਹਾਸ ਨਾਲ ਜੋੜਨ ਦਾ ਹੈ। ਇਸ ਸਮੇਂ ਢਾਡੀ ਜਥੇ ਜਗਦੇਵ ਸਿੰਘ ਜਾਚਕ,ਸਤਨਾਮ ਸਿੰਘ ਲਾਲੀ ਅਤੇ ਹਰਦੀਪ ਸਿੰਘ ਖਹਿਰਾ ਨੇ ਵੀਰ ਰਸ ਵਾਰਾਂ ਰਾਹੀ ਪੁਰਾਤਨ ਇਤਿਹਾਸ ਅਤੇ ਸ਼ਹੀਦਾਂ ਦੀਆਂ ਕੁਰਬਾਨੀਆ ਨੂੰ ਯਾਦ ਕਰਦਿਆ ਹਾਜ਼ਰੀ ਭਰੀ। ਇਸ ਮੌਕੇ ਬੱਚਿਆ ਵੱਲੋ ਇਤਿਹਾਸ ਨਾਲ ਸਬੰਧਤ ਕਵਿਤਾਵਾਂ ਪੜੀਆ ਗਈਆ ਅਤੇ ਡੈਨ ਸਿੱਧੂ,ਸੁਖਦੀਪ ਸਿੰਘ ਬਰਨਾਲਾ ਅਤੇ ਯੂਨੀਵਰਸਿਟੀ ਦੇ ਨੌਜਵਾਨਾਂ ਵੱਲੋ ਤਕਰੀਰਾਂ ਕੀਤੀਆ ਗਈਆ। ਇਸ ਸਮੇਂ ਰਣਜੀਤ ਸਿੱਧੂ ਵੱਲੋ ਨਿਰਦੇਸ਼ਿਤ ਨਾਟਕ ਕੁਰਬਾਨੀਆਂ ਦੀ ਵਿਰਾਸਤ ਪੇਸ਼ ਕੀਤਾ ਗਿਆ। ਪ੍ਰੋਗ੍ਰਾਮ ਵਿੱਚ ਭਾਗ ਲੈਣ ਵਾਲੇ ਅਤੇ ਸਹਿਯੋਗ ਦੇਣ ਵਾਲਿਆ ਵੱਲੋ ਪ੍ਰਬੰਧਕਾਂ ਵੱਲੋ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਕਿਤਾਬਾਂ ਦੀ ਵਿਸ਼ੇਸ਼ ਤੌਰ ਤੇ ਪ੍ਰਦਰਸ਼ਨੀ ਵੀ ਲਗਾਈ ਗਈ। ਪ੍ਰੋਗ੍ਰਾਮ ਸਮੇਂ ਮੰਚ ਸੰਚਾਲਨ ਦੀ ਜੁੰਮੇਵਾਰੀ ਭੋਲਾ ਸਿੰਘ ਚੋਹਾਨ ਹੁਰਾਂ ਵੱਲੋ ਬਾਖੂਬੀ ਨਿਭਾਈ ਗਈ।
