ਬੀ.ਸੀ. ਸਰਕਾਰ ਵੱਲੋ ਸੁਰੱਖਿਅਤ ਜੰਗਲੀ ਖੇਤਰ ਬਣਾਉਣ ਦਾ ਫੈਸਲਾ

ਅ

ਅਜੀਤ ਡੈਸਕ 15-07-2026

ਵੈਨਕੂਵਰ, 14 ਜੁਲਾਈ (ਮਲਕੀਤ ਸਿੰਘ)-ਬ੍ਰਿਟਿਸ਼ ਕੋਲੰਬੀਆ ਸਰਕਾਰ ਨੇ ਸੂਬੇ ਦੇ ਉੱਤਰ-ਪੂਰਬੀ ਖੇਤਰ ਵਿੱਚ ਲਗਭਗ 450 ਵਰਗ ਕਿਲੋਮੀਟਰ ਕਰਾਊਨ ਜ਼ਮੀਨ ਨੂੰ ਸੁਰੱਖਿਅਤ ਖੇਤਰ ਘੋਸ਼ਿਤ ਕਰਨ ਦੇ ਫੈਸਲੇ ਦਾ ਐਲਾਨ ਕੀਤਾ ਹੈ। ਇਹ ਖੇਤਰ ਰਕਬੇ ਦੇ ਹਿਸਾਬ ਨਾਲ ਸਰੀ ਸ਼ਹਿਰ ਤੋਂ ਵੀ ਵੱਡਾ ਦੱਸਿਆ ਜਾ ਰਿਹਾ ਹੈ। ਸਰਕਾਰ ਅਨੁਸਾਰ ਇਸਦਾ ਮੁੱਖ ਉਦੇਸ਼ ਲੁਪਤ ਹੋਣ ਦੇ ਖ਼ਤਰੇ ਦਾ ਸਾਹਮਣਾ ਕਰ ਰਹੇ ਕੈਰੀਬੂ ਹਿਰਨਾਂ ਅਤੇ ਬੋਰੀਅਲ ਜੰਗਲਾਂ ਦੇ ਕੁਦਰਤੀ ਆਵਾਸ ਦੀ ਰੱਖਿਆ ਕਰਨਾ ਹੈ। ਸੂਬਾਈ ਸਰਕਾਰ ਨੇ ਦੱਸਿਆ ਕਿ ਇਸ ਸੁਰੱਖਿਅਤ ਖੇਤਰ ਵਿੱਚ ਉਦਯੋਗਿਕ ਵਿਕਾਸ ਅਤੇ ਹੋਰ ਮਨੁੱਖੀ ਦਖ਼ਲ ਨੂੰ ਸੀਮਤ ਰੱਖਿਆ ਜਾਵੇਗਾ। ਸਰਕਾਰ ਦਾ ਕਹਿਣਾ ਹੈ ਕਿ ਇਹ ਕਦਮ ਸਥਾਨਕ ਆਦਿਵਾਸੀ ਭਾਈਚਾਰਿਆਂ ਨਾਲ ਮਿਲ ਕੇ ਚੁੱਕਿਆ ਗਿਆ ਹੈ ਅਤੇ ਇਸ ਨਾਲ ਜੈਵਿਕ ਵਿਭਿੰਨਤਾ ਦੀ ਸੰਭਾਲ, ਜੰਗਲੀ ਜੀਵਾਂ ਦੀ ਰੱਖਿਆ ਅਤੇ ਕੁਦਰਤੀ ਸਰੋਤਾਂ ਦੇ ਟਿਕਾਊ ਪ੍ਰਬੰਧਨ ਨੂੰ ਹੋਰ ਮਜ਼ਬੂਤੀ ਮਿਲੇਗੀ।
ਵਾਤਾਵਰਨ ਮਾਹਿਰਾਂ ਨੇ ਇਸ ਫ਼ੈਸਲੇ ਦਾ ਸਵਾਗਤ ਕਰਦਿਆਂ ਕਿਹਾ ਹੈ ਕਿ ਕੈਰੀਬੂ ਦੀ ਘਟ ਰਹੀ ਗਿਣਤੀ ਨੂੰ ਬਚਾਉਣ ਅਤੇ ਜੰਗਲਾਂ ਦੀ ਸੁਰੱਖਿਆ ਲਈ ਅਜਿਹੇ ਸੁਰੱਖਿਅਤ ਖੇਤਰ ਬਹੁਤ ਮਹੱਤਵਪੂਰਨ ਹਨ।

ਪਿਛਲੀ ਖ਼ਬਰ ਆਈ.ਆਰ.ਐਸ. ਮਾਮਲੇ ਵਿੱਚ ਟਰੰਪ ਪ੍ਰਸ਼ਾਸਨ ਘਿਰਿਆ: ਅਦਾਲਤ ਨੇ ਸਮਝੌਤੇ ਦੀ ਨੀਅਤ ’ਤੇ ਉਠਾਏ ਸਵਾਲ, ਵਕੀਲਾਂ ਖ਼ਿਲਾਫ਼ ਕਾਰਵ... ਅਗਲੀ ਖ਼ਬਰ ਇਰਾਨ ਜੰਗ, ਇਜ਼ਰਾਈਲ ਸਹਾਇਤਾ ਤੇ ਇਮੀਗ੍ਰੇਸ਼ਨ ਮਾਮਲੇ ’ਤੇ ਅਮਰੀਕੀ ਕਾਂਗਰਸ ’ਚ ਘਮਾਸਾਨ