ਡਾਕ ਰਾਹੀਂ ਪੈਣ ਵਾਲੀਆਂ ਵੋਟਾਂ ’ਤੇ ਵਿਵਾਦ, ਯੂ.ਐਸ.ਪੀ.ਐਸ. ਮੁਖੀ ਨੂੰ ਹਟਾਉਣ ਦੀ ਮੰਗ

ਨਿਊਯਾਰਕ, 4 ਅਗਸਤ (ਰਾਜੂ ਸਹਿਬਾਜ਼ਪੁਰਾ)-ਭਾਰਤੀ ਮੂਲ ਦੇ ਅਮਰੀਕੀ ਸੰਸਦ ਮੈਂਬਰ ਰਾਜਾ ਕ੍ਰਿਸ਼ਨਾਮੂਰਤੀ ਨੇ ਯੂਐੱਸ ਪੋਸਟਲ ਸਰਵਿਸ (ਯੂ. ਐਸ.

ਅ

ਅਜੀਤ ਡੈਸਕ 05-08-2026

ਨਿਊਯਾਰਕ, 4 ਅਗਸਤ (ਰਾਜੂ ਸਹਿਬਾਜ਼ਪੁਰਾ)-ਭਾਰਤੀ ਮੂਲ ਦੇ ਅਮਰੀਕੀ ਸੰਸਦ ਮੈਂਬਰ ਰਾਜਾ ਕ੍ਰਿਸ਼ਨਾਮੂਰਤੀ ਨੇ ਯੂਐੱਸ ਪੋਸਟਲ ਸਰਵਿਸ (ਯੂ.ਐਸ.ਪੀ.ਐਸ.) ਦੇ ਮੁਖੀ ਡੇਵਿਡ ਸਟਾਈਨਰ ਨੂੰ ਅਹੁਦੇ ਤੋਂ ਹਟਾਉਣ ਦੀ ਮੰਗ ਕੀਤੀ ਹੈ। ਉਨ੍ਹਾਂ ਦਾ ਦੋਸ਼ ਹੈ ਕਿ ਡਾਕ ਸੇਵਾ ਨੂੰ ਵੋਟਰਾਂ ਦੀਆਂ ਡਾਕ ਰਾਹੀਂ ਭੇਜੀਆਂ ਵੋਟਾਂ ਰੋਕਣ ਲਈ ਸਿਆਸੀ ਹਥਿਆਰ ਵਜੋਂ ਵਰਤਿਆ ਜਾ ਰਿਹਾ ਹੈ। ਇਹ ਵਿਵਾਦ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਉਸ ਹੁਕਮ ਨਾਲ ਜੁੜਿਆ ਹੈ, ਜਿਸ ਤਹਿਤ ਜਿਹੜੇ ਸੂਬੇ ਆਪਣੀਆਂ ਵੋਟਰ ਸੂਚੀਆਂ ਸੰਘੀ ਸਰਕਾਰ ਨੂੰ ਜਾਂਚ ਲਈ ਨਹੀਂ ਦਿੰਦੇ, ਉੱਥੇ ਡਾਕ ਰਾਹੀਂ ਭੇਜੀਆਂ ਵੋਟਾਂ ਦੀ ਡਿਲੀਵਰੀ ਰੋਕੀ ਜਾ ਸਕਦੀ ਹੈ। ਇਸ ਹੁਕਮ ਨੂੰ 23 ਸੂਬਿਆਂ ਅਤੇ ਵਾਸ਼ਿੰਗਟਨ ਡੀ.ਸੀ. ਨੇ ਅਦਾਲਤ ਵਿੱਚ ਚੁਣੌਤੀ ਦਿੱਤੀ ਸੀ। ਸੰਘੀ ਅਦਾਲਤ ਨੇ ਇਸ ਦੇ ਮੁੱਖ ਹਿੱਸਿਆਂ ’ਤੇ ਰੋਕ ਲਗਾ ਦਿੱਤੀ ਅਤੇ ਅਪੀਲ ਅਦਾਲਤ ਨੇ ਵੀ ਇਹ ਰੋਕ ਬਰਕਰਾਰ ਰੱਖੀ। ਹੁਣ ਟਰੰਪ ਪ੍ਰਸ਼ਾਸਨ ਅਤੇ 12 ਰਿਪਬਲਿਕਨ ਸੂਬਿਆਂ ਨੇ ਸੁਪਰੀਮ ਕੋਰਟ ਤੋਂ ਨਵੰਬਰ ਦੀਆਂ ਮੱਧਕਾਲੀ ਚੋਣਾਂ ਤੋਂ ਪਹਿਲਾਂ ਹੁਕਮ ਲਾਗੂ ਕਰਨ ਦੀ ਇਜਾਜ਼ਤ ਮੰਗੀ ਹੈ। ਕ੍ਰਿਸ਼ਨਾਮੂਰਤੀ ਨੇ ਦੋਸ਼ ਲਗਾਇਆ ਕਿ ਅਦਾਲਤੀ ਰੋਕ ਦੇ ਬਾਵਜੂਦ ਯੂ.ਐਸ.ਪੀ.ਐਸ. ਨੇ ਵੋਟਰ ਸੂਚੀਆਂ ਇਕੱਠੀਆਂ ਕਰਨ, ਵੋਟਾਂ ਦੀ ਜਾਂਚ ਲਈ ਪੋਰਟਲ ਬਣਾਉਣ ਅਤੇ ਨਵੇਂ ਨਿਯਮ ਤਿਆਰ ਕਰਨ ਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਸੀ। ਉਨ੍ਹਾਂ ਕਿਹਾ ਕਿ ਇਸ ਨਾਲ ਫ਼ੌਜੀ ਕਰਮਚਾਰੀਆਂ, ਬਜ਼ੁਰਗਾਂ, ਦਿਵਿਆਂਗਾਂ, ਪੇਂਡੂ ਵੋਟਰਾਂ ਅਤੇ ਕੰਮਕਾਜੀ ਪਰਿਵਾਰਾਂ ਦੀਆਂ ਵੋਟਾਂ ਰੁਕਣ ਦਾ ਖ਼ਤਰਾ ਪੈਦਾ ਹੋ ਸਕਦਾ ਹੈ। ਸੰਸਦ ਮੈਂਬਰ ਮੁਤਾਬਕ, ਸਟਾਈਨਰ ਨੇ ਕਾਂਗਰਸ ਵੱਲੋਂ ਮੰਗੀ ਜਾਣਕਾਰੀ ਨਹੀਂ ਦਿੱਤੀ ਅਤੇ ਜਾਂਚ ਕਮੇਟੀ ਸਾਹਮਣੇ ਪੇਸ਼ ਹੋਣ ਤੋਂ ਵੀ ਇਨਕਾਰ ਕੀਤਾ। ਕ੍ਰਿਸ਼ਨਾਮੂਰਤੀ ਨੇ ਯੂ.ਐਸ.ਪੀ.ਐਸ. ਤੋਂ ਚੋਣੀ ਡਾਕ ਬਾਰੇ ਕੀਤੀ ਹਰ ਕਾਰਵਾਈ, ਕਰਮਚਾਰੀਆਂ ਨੂੰ ਦਿੱਤੀਆਂ ਹਦਾਇਤਾਂ ਅਤੇ ਸੂਬਾਈ ਚੋਣ ਅਧਿਕਾਰੀਆਂ ਨਾਲ ਹੋਈ ਗੱਲਬਾਤ ਦਾ ਪੂਰਾ ਰਿਕਾਰਡ ਮੰਗਦਿਆਂ ਜਵਾਬ ਲਈ 13 ਅਗਸਤ ਤੱਕ ਦਾ ਸਮਾਂ ਦਿੱਤਾ ਹੈ।

ਪਿਛਲੀ ਖ਼ਬਰ ਤੇਲ ਕੰਪਨੀਆਂ ਦੀ ਕਮਾਈ ਦੇਖ ਭੜਕੇ ਟਰੰਪ ਕਿਹਾ, ਪੈਟਰੋਲ ਸਸਤਾ ਕਰਕੇ ਲੋਕਾਂ ਨੂੰ ਰਾਹਤ ਦਿਓ ਅਗਲੀ ਖ਼ਬਰ ਅਮਰੀਕੀ ਨਾਗਰਿਕਤਾ ਰੱਦ ਕਰਨ ਦੀ ਵੱਡੀ ਕਾਰਵਾਈ, ਭਾਰਤੀ ਸਮੇਤ 25 ਖ਼ਿਲਾਫ਼ ਕੇਸ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਡਾਕ ਰਾਹੀਂ ਪੈਣ ਵਾਲੀਆਂ ਵੋਟਾਂ ’ਤੇ ਵਿਵਾਦ, ਯੂ.ਐਸ.ਪੀ.ਐਸ. ਮੁਖੀ ਨੂੰ ਹਟਾਉਣ ਦੀ ਮੰਗ

Subscribers Only Story

ਸੰਬੰਧਿਤ ਖ਼ਬਰਾਂ