ਐਡੀਲੇਡ ਪੱਡਲ ਜੰਪਰਜ਼ ਚੈਰਿਟੀ ਸਟੋਰ ਵਿਚ ਭਿਆਨਕ ਅੱਗ

ਅ

ਅਜੀਤ ਡੈਸਕ 14-09-2026

ਐਡੀਲੇਡ, 13 ਸਤੰਬਰ (ਗੁਰਮੀਤ ਸਿੰਘ ਵਾਲੀਆ)-ਐਡੀਲੇਡ ਦੇ ਪੋਰਟ ਰੋਡ ਸਥਿਤ ‘ਪੱਡਲ ਜੰਪਰਜ਼’ ਚੈਰਿਟੀ ਸਟੋਰ ਵਿਚ ਭਿਆਨਕ ਅੱਗ ਲੱਗਣ ਕਾਰਨ ਸਟੋਰ ਨੂੰ ਕਾਫ਼ੀ ਨੁਕਸਾਨ ਪਹੁੰਚਿਆ ਹੈ।ਅੱਗ ਕਾਰਨ ਹੋਏ ਨੁਕਸਾਨ ਅਤੇ ਵਿੱਤੀ ਘਾਟੇ ਦਾ ਮੁਲਾਂਕਣ ਅਜੇ ਕੀਤਾ ਜਾ ਰਿਹਾ ਹੈ।‘ਪੱਡਲ ਜੰਪਰਜ਼’ ਵੱਲੋਂ ਚੈਰਿਟੀ ਸਟੋਰ ਰਾਹੀਂ ਇਕੱਠੇ ਕੀਤੇ ਫੰਡ ਦੱਖਣੀ ਆਸਟ੍ਰੇਲੀਆ ਭਰ ਵਿੱਚ ਲੋੜਵੰਦ ਬੱਚਿਆਂ ਅਤੇ ਪਰਿਵਾਰਾਂ ਦੀ ਸਹਾਇਤਾ ਲਈ ਵਰਤੇ ਜਾਂਦੇ ਹਨ। ਇਸ ਅੱਗ ਦੀ ਘਟਨਾ ਨੇ ਸੰਸਥਾ ਲਈ ਵੱਡਾ ਝਟਕਾ ਪੈਦਾ ਕੀਤਾ ਹੈ।ਜ਼ਿਕਰਯੋਗ ਹੈ ਕਿ ਇਸ ਘਟਨਾ ਤੋਂ ਸਿਰਫ਼ ਦੋ ਦਿਨ ਪਹਿਲਾਂ ਮਿਡ-ਵਿੰਟਰ ਬਾਲ ਸਮਾਗਮ ਕਰਵਾਇਆ ਗਿਆ ਸੀ, ਜਿਸ ਵਿੱਚ ਸਿਆਸਤਦਾਨਾਂ, ਮੀਡੀਆ ਅਤੇ ਪ੍ਰਮੁੱਖ ਕਾਰੋਬਾਰੀ ਹਸਤੀਆਂ ਨੇ ਸ਼ਮੂਲੀਅਤ ਕਰਦਿਆਂ ‘ਪੱਡਲ ਜੰਪਰਜ਼’ ਸਮੇਤ ਸੂਬੇ ਦੀਆਂ ਹੋਰ ਚੈਰਿਟੀ ਸੰਸਥਾਵਾਂ ਲਈ ਫੰਡ ਇਕੱਠੇ ਕੀਤੇ ਸਨ। ਇਸ ਨੂੰ ਇੱਕ ਮਹੀਨਾ ਪਹਿਲਾਂ ਵੀ ਅੱਗ ਲਗਾਉਣ ਵਾਲਿਆਂ ਵੱਲੋਂ ਨਿਸ਼ਾਨਾ ਬਣਾਇਆ ਗਿਆ ਸੀ। ਅੱਗ ਲੱਗਣ ਦੀ ਸੂਚਨਾ ਮਿਲਦੇ ਹੀ ਐਮਰਜੈਂਸੀ ਸੇਵਾਵਾਂ ਮੌਕੇ ’ਤੇ ਪਹੁੰਚੀਆਂ ਅਤੇ ਅੱਗ ’ਤੇ ਕਾਬੂ ਪਾਇਆ। ਅੱਗ ਲੱਗਣ ਦੇ ਕਾਰਨਾਂ ਦਾ ਅਜੇ ਪਤਾ ਨਹੀਂ ਲੱਗ ਸਕਿਆ ਅਤੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।

ਪਿਛਲੀ ਖ਼ਬਰ ਘਰ ’ਚ ਬੰਦ ਵਿਅਕਤੀ ਕਾਰਨ ਪੁਲਿਸ ਦੀ ਵੱਡੀ ਕਾਰਵਾਈ ਮਾਮਲਾ, ਸੁਰੱਖਿਅਤ ਢੰਗ ਨਾਲ ਸੁਲਝਿਆ ਅਗਲੀ ਖ਼ਬਰ ਸਕਾਟਲੈਂਡ ਦੀਆਂ ਜੇਲ੍ਹਾਂ ਵਿਚ ਕੈਦੀਆਂ ਦੀ ਵਧਦੀ ਗਿਣਤੀ ਬਣੀ ਗੰਭੀਰ ਖ਼ਤਰਾ