ਨਵੀਂ ਦਿੱਲੀ, 31 ਜਨਵਰੀ (ਮਿਸਰਦੀਪ ਭਾਟੀਆ)-ਸਦਰ ਬਾਜ਼ਾਰ ਬਾਰੀ ਮਾਰਕੀਟ ਟ੍ਰੇਡਸ ਐਸੋਸੀਏਸ਼ਨ ਦੇ ਪ੍ਰਧਾਨ ਪਰਮਜੀਤ ਸਿੰਘ ਪੰਮਾ ਨੇ ਕਿਹਾ ਹੈ ਕਿ ਆਉਣ ਵਾਲੇ ਕੇਂਦਰੀ ਬਜਟ ਵਿਚ ਦੇਸ਼ ਦਾ ਵਪਾਰੀ ਵਰਗ, ਜਿਵੇਂ ਛੋਟੇ ਦੁਕਾਨਦਾਰ, ਥੋਕ ਵਿਕਰੇਤਾ, ਵਿਤਰਕ, ਆਯਾਤ-ਨਿਰਯਾਤ ਕਰਨ ਵਾਲੇ ਅਤੇ ਐਮ. ਐਸ. ਐਮ. ਈ. ਨੂੰ ਸਰਕਾਰ ਤੋਂ ਕੁਝ ਜ਼ਰੂਰੀ ਉਮੀਦਾਂ ਹਨ | ਇਹ ਕਦਮ ਵਪਾਰ ਨੂੰ ਆਸਾਨ ਬਣਾਉਣ, ਅਰਥਵਿਵਸਥਾ ਨੂੰ ਮਜ਼ਬੂਤ ਕਰਨ ਅਤੇ ਰੁਜ਼ਗਾਰ ਵਧਾਉਣ ਵਿਚ ਮਦਦ ਕਰਨਗੇ | ਉਨ੍ਹਾਂ ਅੱਗੇ ਕਿਹਾ ਕਿ ਜੀ. ਐਸ. ਟੀ. ਨੂੰ ਆਸਾਨ ਬਣਾਇਆ ਜਾਵੇ | ਕਾਗਜ਼ੀ ਕੰਮ 'ਤੇ ਨਿਯਮ ਘੱਟ ਹੋਣ, ਸਸਤਾ ਅਤੇ ਆਸਾਨ ਬਿਜ਼ਨੈੱਸ ਕਰਜ਼ਾ ਹੋਵੇ, ਇਨਕਮ ਟੈਕਸ ਵਿਚ ਰਾਹਤ, ਛੋਟੇ ਵਪਾਰੀਆਂ ਅਤੇ ਐਮ. ਐਸ. ਐਮ. ਈ. ਨੂੰ ਸਪੋਰਟ ਦਿੱਤੀ ਜਾਵੇ | ਪੰਮਾ ਨੇ ਕਿਹਾ ਕਿ ਟੈਕਸ ਨਿਯਮ ਵਾਰ-ਵਾਰ ਨਾ ਬਦਲੇ ਜਾਣ ਅਤੇ ਆਯਾਤ-ਨਿਰਯਾਤ ਨੂੰ ਉਤਸ਼ਾਹਿਤ ਕਰਨਾ ਚਾਹੀਦਾ ਹੈ |
