ਟੋਹਾਣਾ/ਜਾਖ਼ਲ, 19 ਫ਼ਰਵਰੀ (ਮਨਜੀਤ ਸਿੰਘ) - ਟੋਹਾਣਾ ਨੂੰ ਜ਼ਿਲ੍ਹਾ ਬਣਾਉਣ ਦਾ ਮੁੱਦਾ ਐਡਵੋਕੇਟ ਚੈਂਬਰ, ਟੋਹਾਣਾ ਵਿਖੇ ਗੂੰਜਿਆ ਹੈ | ਇਸ ਵਿਚ ਵਕੀਲਾਂ ਨੇ ਵੀ ਦਸਤਖ਼ਤ ਕਰ ਕੇ ਸਮਰਥਨ ਪ੍ਰਗਟ ਕੀਤਾ ਹੈ | ਜਿਸ ਨਾਲ ਟੋਹਾਣਾ ਜ਼ਿਲ੍ਹੇ ਦੀ ਮੰਗ ਹੋਰ ਤੇਜ਼ ਹੋ ਗਈ ਹੈ | ਵਕੀਲਾਂ ਦੀ ਦਸਤਖ਼ਤ ਮੁਹਿੰਮ ਟੋਹਾਣਾ ਜ਼ਿਲ੍ਹਾ ਮੁਹਿੰਮ ਦੇ ਸਮਰਥਨ ਵਿਚ ਐਡਵੋਕੇਟ ਚੈਂਬਰ ਕੰਪਲੈਕਸ, ਟੋਹਾਣਾ ਵਿਖੇ ਇੱਕ ਦਸਤਖ਼ਤ ਮੁਹਿੰਮ ਸ਼ੁਰੂ ਕੀਤੀ ਗਈ | ਇਸ ਦੌਰਾਨ ਵਕੀਲਾਂ ਨੇ ਇੱਕਜੁੱਟ ਹੋ ਕੇ ਟੋਹਾਣਾ ਨੂੰ ਜ਼ਿਲ੍ਹਾ ਬਣਾਉਣ ਦੀ ਮੰਗ ਦਾ ਸਮਰਥਨ ਕੀਤਾ | ਟੋਹਾਣਾ ਨੂੰ ਜ਼ਿਲ੍ਹਾ ਬਣਾਉਣ ਦੇ ਮੁਹਿੰਮ ਦੇ ਹਿੱਸੇ ਵਜੋਂ ਜਨਤਕ ਹਿੱਸੇਦਾਰੀ ਵਧਾਉਣ ਅਤੇ ਸਰਕਾਰ ਨੂੰ ਇੱਕ ਮਜ਼ਬੂਤ ਸੰਦੇਸ਼ ਭੇਜਣ ਲਈ ਹਰ ਹਫ਼ਤੇ ਵੱਖ-ਵੱਖ ਥਾਵਾਂ 'ਤੇ ਦਸਤਖ਼ਤ ਮੁਹਿੰਮਾਂ ਚਲਾਈਆਂ ਜਾ ਰਹੀਆਂ ਹਨ |
