ਨਵੀਂ ਦਿੱਲੀ, 28 ਮਈ (ਡਾ. ਬਲਵਿੰਦਰ ਸਿੰਘ ਸੋਢੀ)-ਦਿੱਲੀ ਦੇ ਮੋਤੀ ਨਗਰ ਦੀ ਪੁਲਿਸ ਸੰਤੋਸ਼ ਉਰਫ਼ ਦੁਰਗਾ (30) ਨਿਵਾਸੀ ਮੋਤੀ ਨਗਰ ਨੂੰ ਅਪਰਾਧਿਕ ਮਾਮਲਿਆਂ ਦੇ ਵਿਚ ਸ਼ਾਮਿਲ ਹੋਣ 'ਤੇ 2 ਸਾਲਾਂ ਤੋਂ ਲੱਭ ਰਹੀ ਸੀ ਕਿਉਂਕਿ ਇਹ ਪੁਲਿਸ ਤੋਂ ਬਚਣ ਦੇ ਲਈ ਫਰਾਰ ਹੋ ਗਿਆ ਸੀ ਅਤੇ ਇਹ ਵਾਰ-ਵਾਰ ਆਪਣੇ ਟਿਕਾਣੇ ਬਦਲ ਰਿਹਾ ਸੀ ਤਾਂ ਕਿ ਪੁਲਿਸ ਦੀ ਗਿ੍ਫ਼ਤਾਰੀ ਤੋਂ ਬਚਿਆ ਜਾ ਸਕੇ | ਸੰਤੋਸ਼ ਅਪਰਾਧ ਤੋਂ ਇਲਾਵਾ ਚੋਰੀਆਂ ਵੀ ਕਰਦਾ ਸੀ | ਇਸ ਪ੍ਰਤੀ ਪੁਲਿਸ ਨੇ ਇਕ ਟੀਮ ਵੀ ਬਣਾਈ ਹੋਈ ਸੀ ਪ੍ਰੰਤੂ ਇਹ ਹਮੇਸ਼ਾ ਪੁਲਿਸ ਤੋਂ ਬਚਦਾ ਰਿਹਾ | ਇਸ 'ਤੇ ਮੋਤੀ ਨਗਰ ਦੇ ਥਾਣੇ ਵਿਚ ਕਈ ਤਰ੍ਹਾਂ ਦੇ ਮਾਮਲੇ ਦਰਜ ਹਨ, ਜਿਨ੍ਹਾਂ 'ਤੇ ਪੁਲਿਸ ਲਗਾਤਾਰ ਆਪਣੀ ਜਾਂਚ ਵੀ ਕਰ ਰਹੀ ਹੈ | ਇਸ ਦੇ ਪ੍ਰਤੀ ਪੁਲਿਸ ਨੇ ਖੁਫੀਆ ਜਾਣਕਾਰੀ ਅਤੇ ਸੰਤੋਸ਼ ਦੇ ਟਿਕਾਣਿਆਂ ਦੀ ਹਰ ਪੱਖ ਤੋਂ ਨਿਗਰਾਨੀ ਰੱਖੀ ਅਤੇ ਅਖੀਰ ਪੁਲਿਸ ਨੇ ਸੰਤੋਸ਼ ਨੂੰ ਦਿੱਲੀ ਦੇ ਸ਼ਾਦੀਪੁਰ ਫਲਾਈਓਵਰ ਦੇ ਹੇਠਲੇ ਇਲਾਕੇ ਵਿਚੋਂ ਕਾਬੂ ਕਰ ਲਿਆ | ਪੁਲਿਸ ਇਸ ਤੋਂ ਅਪਰਾਧਿਕ ਮਾਮਲਿਆਂ, ਚੋਰੀ ਦੇ ਮਾਮਲਿਆਂ ਅਤੇ ਹੋਰ ਮਾਮਲਿਆਂ ਪ੍ਰਤੀ ਪੁੱਛ-ਪੜਤਾਲ ਕਰ ਰਹੀ ਹੈ |
