ਡੱਬਵਾਲੀ, 18 ਸਤੰਬਰ (ਇਕਬਾਲ ਸਿੰਘ ਸ਼ਾਂਤ)- ਏ.ਐਨ.ਸੀ. ਸਟਾਫ਼ ਡੱਬਵਾਲੀ ਨੇ ਅਲੀਕਾਂ ਰੋਡ ਤੋਂ ਮੋਟਰ-ਸਾਈਕਲ ਸਵਾਰ ਵਿਨੋਦ ਕੁਮਾਰ ਨੂੰ 100 ਪਾਬੰਦੀਸ਼ੁਦਾ ਐਲਪ੍ਰਾਜ਼ੋਲਮ ਤੇ ਨਸ਼ੇ ਵਿੱਚ ਦੁਰਵਰਤੋਂ ਹੋਣ ਵਾਲੀਆਂ 3 ਹਜ਼ਾਰ ਟੈਮਪੈਂਟਾਡੋਲ ਗੋਲੀਆਂ ਸਮੇਤ ਕਾਬੂ ਕੀਤਾ ਹੈ। ਪੁਲਿਸ ਬੁਲਾਰੇ ਆਨੰਦ ਕੁਮਾਰ ਨੇ ਦੱਸਿਆ ਕਿ ਗੁਪਤ ਸੂਚਨਾ ਦੇ ਆਧਾਰ ‘ਤੇ ਅਲੀਕਾਂ ਰੋਡ ‘ਤੇ ਕਾਰਵਾਈ ਕਰਦਿਆਂ ਮੁਲਜ਼ਮ ਨੂੰ ਫੜਿਆ ਗਿਆ। ਤਲਾਸ਼ੀ ਦੌਰਾਨ ਉਸ ਕੋਲੋਂ ਉਕਤ ਗੋਲੀਆਂ ਬਰਾਮਦ ਹੋਈਆਂ। ਮੁਲਜ਼ਮ ਖਿਲਾਫ਼ ਥਾਣਾ ਸ਼ਹਿਰ ਡੱਬਵਾਲੀ ਵਿੱਚ ਮਾਮਲਾ ਦਰਜ ਕੀਤਾ ਗਿਆ ਹੈ।
