ਜਲੰਧਰ, 10 ਮਈ (ਡਾ.ਜਤਿੰਦਰ ਸਾਬੀ)-ਸਕਾਈ ਰਾਈਡਰਜ ਵੈਲਫੇਅਰ ਸੁਸਾਇਟੀ ਵੱਲੋਂ ਬੜੇ ਸਤਿਕਾਰ ਨਾਲ ਮਾਂ ਦਿਵਸ ਨੂੰ ਮਨਾਇਆ ਗਿਆ | ਇਸ ਮੌਕੇ ਪਹਿਲਾਂ ਸੁਸਾਇਟੀ ਦੇ ਸਾਰੇ ਮੈਂਬਰਾਂ ਵੱਲੋਂ ਸਾਈਕਲ 'ਤੇ ਰਾਈਡ ਕੀਤੀ ਤੇ ਇਸ ਤੋਂ ਬਾਅਦ ਇਕ ਸੰਖੇਪ ਸਮਾਗਮ ਕੀਤਾ ਗਿਆ ਤੇ ਜਿਸ ਦੀ ਪ੍ਰਧਾਨਗੀ ਡਾ ਰੀਨਾ ਮਲੋਹਤਰਾ ਪ੍ਰਧਾਨ ਸਕਾਈ ਰਾਈਡਰਜ ਵੈਲਫੇਅਰ ਸੁਸਾਇਟੀ ਨੇ ਕੀਤੀ | ਇਸ ਮੌਕੇ 'ਤੇ ਡਾ. ਰੀਨਾ ਮਲਹੋਤਰਾ ਨੇ ਮਾਂ ਦਿਵਸ ਦੀ ਮਹੱਤਤਾ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਮਾਂ ਨੂੰ ਧਰਤੀ 'ਤੇ ਭਗਵਾਨ ਦਾ ਰੂਪ ਮੰਨਿਆਂ ਜਾਂਦਾ ਹੈ, ਕਿਉਂਕੀ ਉਹ ਸਿਰਫ ਸਾਨੂੰ ਜਨਮ ਨਹੀ ਦਿੰਦੀ ਸਗੋਂ ਆਪਣੇ ਹਰ ਦੁੱਖ ਸੁੱਖ ਤੋਂ ਉਪਰ ਉੱਠ ਕੇ ਬੱਚਿਆਂ ਨੂੰ ਖੁਸ਼ੀਆਂ ਦੇਣ ਲਈ ਜੀਵਨ ਭਰ ਸਮਰਪਿਤ ਰਹਿੰਦੀ ਹੈ | ਮਾਂ ਉਹ ਪਹਿਲੀ ਇਨਸਾਨ ਹੰੁਦੀ ਹੈ, ਜੋ ਸਾਨੂੰ ਚਲਣਾ, ਬੋਲਣਾ ਤੇ ਦੁਨੀਆਂ ਨੂੰ ਸਮਝਣਾ ਸਿਖਾਉਦੀ ਹੈ ਤੇ ਉਹ ਹੀ ਸਾਡੀ ਪਹਿਲੀ ਗੁਰੂ ਤੇ ਸੱਚੀ ਦੋਸਤ ਤੇ ਉਹ ਸਭ ਤੋਂ ਵੱਡੀ ਪ੍ਰੇਰਣਾ ਹੁੰਦੀ ਹੈ | ਇਸ ਮੌਕੇ 'ਤੇ ਸਕਾਈ ਰਾਈਡਰ ਸੁਸਾਇਟੀ ਦੇ ਮੈਂਬਰ ਡਾ.ਬਲਜੀਤ ਕੌਰ , ਮੋਨਾ ਕੁਮਾਰ, ਜਯੋਤਿਸਨਾ ਸਿੰਘ, ਰਤਿਕਾ, ਸਵਾਤੀ ਕੋਹਲੀ ਤੇ ਹੋਰ ਵਿਸ਼ੇਸ਼ ਤੌਰ 'ਤੇ ਹਾਜ਼ਰ ਸਨ |
