ਮਹਾਂਵੀਰ ਮਾਰਗ ਬਣਨ ਦਾ ਕੰਮ ਪੂਰਾ ਹੋਣ ਨਾਲ ਲੋਕਾਂ ਨੂੰ ਮਿਲੇਗੀ ਰਾਹਤ ਹੁਣ ਜੀ.ਟੀ.ਬੀ. ਨਗਰ ਵਾਲੀ ਸੜਕ ਨੂੰ ਵੀ ਠੀਕ ਕਰਨ ਦੀ ਕੀਤੀ ਜਾ ਰਹੀ ਹੈ ਮੰਗ <br/>
ਅਜੀਤ ਡੈਸਕ
11-05-2026
ਸਮਾਰਟ ਸਿਟੀ ਦੇ ਦਫ਼ਤਰ ਦੇ ਬਾਹਰ ਹੀ ਠੀਕ ਨਹੀਂ ਹੋ ਰਹੀ ਸੜਕ
ਸ਼ਹਿਰ ਵਿਚ ਕਈ ਜਗ੍ਹਾ ਸੜਕਾਂ ਦੀ ਹਾਲਤ ਹੋਣ ਕਰਕੇ ਲੋਕਾਂ ਨੂੰ ਪੇ੍ਰਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ | ਸੰਵਿਧਾਨ ਚੌਕ ਦੇ ਕੋਲ ਸਮਾਰਟ ਸਿਟੀ ਦਫ਼ਤਰ ਦੇ ਥੱਲੇ ਪਿਛਲੇ ਦੋ ਮਹੀਨਿਆਂ ਤੋਂ ਵਾਟਰ ਸਪਲਾਈ ਲੀਕੇਜ ਠੀਕ ਕਰਨ ਤੋਂ ਬਾਅਦ ਖੱਡਾ ਠੀਕ ਨਹੀਂ ਕੀਤਾ ਗਿਆ ਹੈ | ਲੋਕਾਂ ਦਾ ਕਹਿਣਾ ਸੀ ਕਿ ਜੇਕਰ ਸਮਾਰਟ ਸਿਟੀ ਦਫ਼ਤਰ ਦੇ ਥੱਲੇ ਇਹ ਹਾਲ ਹੈ ਬਾਕੀ ਸ਼ਹਿਰ ਦਾ ਕੀ ਹਾਲ ਹੋਵੇਗਾ | ਸ੍ਰੀ ਗੁਰੂ ਰਵਿਦਾਸ ਚੌਂਕ ਜਿੱਥੇ ਕਿ ਸਾਈਕਲ ਸਟੈਂਡ ਹੈ | ਉੱਥੇ ਲੋਕ ਨਕੋਦਰ, ਸ਼ਾਹਕੋਟ ਜਾਂ ਮੋਗਾ ਕੰਮ ਕਰਨ ਲਈ ਜਾਂਦੇ ਹਨ ਤਾਂ ਉਹ ਇੱਥੇ ਹੀ ਸਾਈਕਲ ਸਟੈਂਡ 'ਤੇ ਆਪਣੀਆਂ ਗੱਡੀਆਂ ਖੜ੍ਹੀਆਂ ਕਰ ਦਿੰਦੇ ਹਨ | ਇੱਥੇ ਸੀਵਰੇਜ ਦਾ ਗਟਰ ਦਾ ਢੱਕਣ ਟੁੱਟਿਆ ਹੋਇਆ ਹੈ | ਲੋਕਾਂ ਦਾ ਕਹਿਣਾ ਹੈ ਕਿ ਇੱਥੇ ਬੱਚੇ ਲੰਘਦੇ ਹਨ ਤਾਂ ਇਸ ਨੂੰ ਠੀਕ ਕਰਵਾਇਆ ਜਾਣਾ ਚਾਹੀਦਾ ਹੈ |
