ਸ਼ਾਹਕੋਟ, 17 ਮਈ (ਸੁਖਦੀਪ ਸਿੰਘ)-ਪੀਰ ਬਾਬਾ ਦੇਵੀ ਦਾਸ ਜੀ ਦੇ ਦਰਬਾਰ 'ਤੇ 38ਵਾਂ ਸਲਾਨਾ ਮੇਲਾ ਅਤੇ ਛਿੰਝ 19 ਮਈ ਦਿਨ ਮੰਗਲਵਾਰ ਨੂੰ ਦਾਣਾ ਮੰਡੀ, ਪਿੰਡ ਲਸੂੜੀ (ਸ਼ਾਹਕੋਟ) ਵਿਖੇ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਪਿਆਰਾ ਲਾਲ ਲਸੂੜੀ ਦੀ ਅਗਵਾਈ ਹੇਠ ਸੰਗਤਾਂ ਦੇ ਸਹਿਯੋਗ ਨਾਲ ਮਨਾਇਆ ਜਾ ਰਿਹਾ ਹੈ | ਦਰਬਾਰ ਦੇ ਮੁੱਖ ਸੇਵਾਦਾਰ ਰਾਮ ਪ੍ਰਕਾਸ਼ ਸ਼ਾਹਕੋਟ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਮੇਲੇ ਮੌਕੇ ਸਵੇਰੇ 10 ਵਜੇ ਸੰਗਤਾਂ ਵੱਲੋਂ ਝੰਡੇ ਦੀ ਰਸਮ ਕੀਤੀ ਜਾਵੇਗੀ, ਉਪਰੰਤ ਦੁਪਹਿਰ 12 ਤੋਂ 2 ਵਜੇ ਤੱਕ ਮਹਿਫ਼ਲ-ਏ-ਕਵਾਲੀ ਦਾ ਪ੍ਰੋਗਰਾਮ ਅਤੇ ਦੁਪਹਿਰ 2 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਨਕਲਾਂ ਅਤੇ ਰੰਗਾ-ਰੰਗ ਪ੍ਰੋਗਰਾਮ ਹੋਣਗੇ | ਛਿੰਝ ਦੀ ਸ਼ੁਰੂਆਤ ਸ਼ਾਮ 4 ਵਜੇ ਹੋਵੇਗੀ, ਜਿਸ ਵਿਚ ਚੋਟੀ ਦੇ ਪਹਿਲਵਾਨ ਆਪਣੀ ਭਲਵਾਨੀ ਦੇ ਜ਼ੌਹਰ ਵਿਖਾਉਣਗੇ | ਇਸ ਮੌਕੇ ਅਤੁੱਟ ਲੰਗਰ ਵਰਤੇਗਾ |
