ਲੋਹੀਆਂ ਖਾਸ, 27 ਮਈ (ਬਲਵਿੰਦਰ ਸਿੰਘ ਵਿੱਕੀ)-ਜਾਮ-ਨਗਰ ਬਠਿੰਡਾ ਅੰਮਿ੍ਤਸਰ ਬਣ ਰਹੇ ਹਾਈ-ਵੇਅ ਵਿਚ ਆਉਂਦੇ ਪਿੰਡ ਕਾਕੜ ਕਲਾਂ ਤਹਿਸੀਲ ਸਾਹਕੋਟ (ਜਲੰਧਰ) ਦੀ ਸੜਕ ਦੇ ਉੱਪਰੋਂ ਲੰਘ ਰਹੇ ਫਲਾਈਓਵਰਾਂ ਨੂੰ ਇਲਾਕਾ ਵਾਸੀਆਂ ਦੀ ਮੰਗ 'ਤੇ (4.5 ਮੀਟਰ ਤੋਂ 5 ਮੀਟਰ) ਉੱਚਾ ਚੁੱਕਣ ਲਈ ਸਬੰਧੀ ਰਣਜੀਤ ਕੌਰ ਕਾਕੜ ਕਲਾਂ ਡਾਇਰੈਕਟਰ ਇੰਫੋਟੈਕ ਪੰਜਾਬ ਅਤੇ ਵਾਈਸ ਪ੍ਰਧਾਨ ਮਹਿਲਾ ਵਿੰਗ ਪੰਜਾਬ ਵਲੋਂ ਅਥਾਰਟੀ ਨੂੰ ਬਿਨੈ ਪੱਤਰ ਭੇਜਿਆ ਗਿਆ ਸੀ, ਜਿਸ 'ਤੇ ਕਾਰਵਾਈ ਕਰਦਿਆਂ ਭਾਰਤੀਆ ਰਾਸ਼ਟਰੀ ਰਾਜ ਮਾਰਗ ਅਥਾਰਟੀ ਨੇ ਪ੍ਰੋਜੈਕਟ ਟੀਮ ਲੀਡਰ ਤੋਂ ਇਸ ਸਬੰਧੀ ਸਥਿਤੀ ਰਿਪੋਰਟ ਤਲਬ ਕੀਤੇ ਜਾਣ ਉਪਰੰਤ ਫਲਾਈਓਵਰ ਨੂੰ ਉੱਚਾ ਚੁੱਕਿਆ ਗਿਆ | ਰਣਜੀਤ ਕੌਰ ਕਾਕੜ ਕਲਾਂ ਦਾ ਧੰਨਵਾਦ ਕਰਦਿਆਂ ਪਿੰਡ ਵਾਸੀਆਂ ਨੇ ਕਿਹਾ ਕਿ ਨੀਵੇਂ ਫਲਾਈਓਵਰ ਕਾਰਨ ਵੱਡੇ ਟਰੱਕ, ਟਰੈਕਟਰ ਟਰਾਲੀਆਂ, ਕੰਬਾਈਨਾਂ ਤੇ ਕਮਰਸੀਅਲ ਤੇ ਜ਼ਿੰਮੀਦਾਰਾ ਨਾਲ ਸੰਬੰਧਿਤ ਵੱਡੇ ਵਾਹਨਾਂ ਦਾ ਇਸ ਫਲਾਈ ਓਵਰ ਦੇ ਥੱਲਿਓਾ ਲੰਘਣਾ ਬਹੁਤ ਮੁਸਕਿਲ ਹੋਇਆ ਪਿਆ ਹੈ | ਇਸ ਬਾਬਤ ਕਾਕੜ ਕਲਾਂ ਵਲੋਂ ਕੀਤੀ ਗਈ ਕਾਰਵਾਈ ਨਾਲ ਫਲਾਈਓਵਰ ਨੂੰ ਡੇਢ ਫੁੱਟ ਉੱਚਾ ਚੁੱਕਿਆ ਗਿਆ ਹੈ |
