ਜਲੰਧਰ, 30 ਮਈ (ਪਵਨ ਖਰਬੰਦਾ)-ਏ.ਪੀ.ਜੇ ਸਕੂਲ ਹੁਸ਼ਿਆਰਪੁਰ ਰੋਡ ਜਲੰਧਰ ਵਿਖੇ ਹੈੱਡ ਬੁਆਏ ਤੇ ਹੈੱਡ ਗਰਲ ਸਮੇਤ ਵੱਖ-ਵੱਖ ਅਹੁਦੇਦਾਰਾਂ ਦੀ ਚੋਣ ਕੀਤੀ ਗਈ | ਇਸ ਸਮਾਗਮ ਦੀ ਸ਼ੁਰੂਆਤ ਜੋਤ ਜਗਾਉਣ ਅਤੇ ਪ੍ਰਾਰਥਨਾ ਨਾਲ ਹੋਈ | ਇਸ ਪ੍ਰੋਗਰਾਮ ਵਿੱਚ ਵਿਦਿਆਰਥੀਆਂ ਨੂੰ ਵੱਖ-ਵੱਖ ਬੈਜ ਜਿਵੇਂ ਸਕੌਲਰ ਬੈਜ, ਹਾਊਸ ਕੈਪਟਨ ਅਤੇ ਵਾਈਸ ਹਾਊਸ ਕੈਪਟਨ ਬੈਜ, ਸਪੋਰਟਸ ਕੈਪਟਨ ਅਤੇ ਵਾਈਸ ਸਪੋਰਟਸ ਕੈਪਟਨ ਬੈਜ, ਸੀ ਆਰ ਬੈਜ ਅਤੇ ਸੈਸ਼ ਆਦਿ ਨਾਲ ਸਨਮਾਨਿਤ ਕੀਤਾ ਗਿਆ | ਇਸ ਦੌਰਾਨ ਏਕਮ ਸਿੰਘ ਰਾਏ ਨੂੰ ਹੈੱਡ ਬੁਆਏ ਅਤੇ ਆਰਸ਼ਵੀ ਵਰਮਾ ਨੂੰ ਹੈੱਡ ਗਰਲ ਆਫ ਸਕੂਲ ਦੇ ਖਿਤਾਬ ਨਾਲ ਸਨਮਾਨਿਆ ਗਿਆ | ਮਾਨਵਿਕ ਮਿੱਤਲ ਨੂੰ ਡਿਪਟੀ ਹੈੱਡ ਬੁਆਏ ਅਤੇ ਸ਼ਰੇਆ ਸਿੰਘ ਨੂੰ ਡਿਪਟੀ ਹੈੱਡ ਗਰਲ ਚੁਣਿਆ ਗਿਆ | ਅੰਕਿਤ ਜੋਸ਼ੀ ਅਤੇ ਐਸ਼ਪ੍ਰੀਤ ਕੌਰ ਨੂੰ ਸਪੋਰਟਸ ਕੈਪਟਨ, ਮਨਵੀਰ ਸਿੰਘ ਫੁੱਲ ਅਤੇ ਨਮਤਾ ਸਹਿਗਲ ਨੂੰ ਸਕੂਲ ਪਰਫੈਕਟ, ਗੁਰਮਹਿਕ ਕੌਰ ਅਤੇ ਜੈਰੂਪ ਕੌਰ ਨੂੰ ਸੈਕਰੇਟਰੀ (ਐਕਟੀਵਿਟੀਜ਼) ਚੁਣਿਆ ਗਿਆ | ਪਿ੍ੰਸੀਪਲ ਨੇ ਸਾਰੀ ਵਿਦਿਆਰਥੀ ਕੌਂਸਲ ਨੂੰ ਆਪਣਾ ਕੰਮ ਪੂਰੀ ਇਮਾਨਦਾਰੀ ਅਤੇ ਤਨਦੇਹੀ ਨਾਲ ਕਰਨ ਦੀ ਸਹੁੰ ਚੁਕਾਈ | ਹੈੱਡ ਬੁਆਏ ਅਤੇ ਹੈੱਡ ਗਰਲ ਨੇ ਆਪਣੇ ਭਾਸ਼ਣ 'ਚ ਸਾਰਿਆਂ ਦਾ ਧੰਨਵਾਦ ਕੀਤਾ ਅਤੇ ਸਕੂਲ ਦਾ ਝੰਡਾ ਬੁਲੰਦ ਕਰਕੇ ਆਪਣੀਆਂ ਜਿੰਮੇਵਾਰੀਆਂ ਪ੍ਰਤੀ ਪ੍ਰਤੀਬੱਧਤਾ ਦੁਹਰਾਈ | ਪਿ੍ੰਸੀਪਲ ਏ ਕੇ ਸ਼ਰਮਾ ਨੇ ਸਮੂਹ ਬੈਜ ਹੋਲਡਰ ਵਿਦਿਆਰਥੀਆਂ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ ਸਾਨੂੰ ਉਮੀਦ ਹੈ ਕਿ ਨਵੀਂ ਵਿਦਿਆਰਥੀ ਕੌਂਸਲ ਆਪਣੀਆਂ ਜ਼ਿੰਮੇਵਾਰੀਆਂ ਵਧੀਆ ਤਰੀਕੇ ਨਾਲ ਨਿਭਾਏਗੀ | ਉਨ੍ਹਾਂ ਨੇ ਬਾਕੀ ਵਿਦਿਆਰਥੀਆਂ ਨੂੰ ਵੀ ਇਨ੍ਹਾਂ ਤੋਂ ਪ੍ਰੇਰਨਾ ਲੈ ਕੇ ਵਧੀਆ ਅਤੇ ਸ਼ਾਨਦਾਰ ਕਾਰਗੁਜ਼ਾਰੀ ਕਰਨ ਲਈ ਪ੍ਰੇਰਿਤ ਕੀਤਾ | ਸਮਾਰੋਹ ਦੇ ਅੰਤ ਵਿੱਚ ਸਕੂਲ ਦੇ ਵਾਈਸ ਪਿ੍ੰਸੀਪਲ ਸ੍ਰੀਮਤੀ ਲਵਲੀਨ ਬੱਗਾ ਨੇ ਬੈਜ ਹੋਲਡਰ ਵਿਦਿਆਰਥੀਆਂ ਅਤੇ ਸਮੂਹ ਸਟਾਫ਼ ਨੂੰ ਇਨਵੈਸਟੀਚਰ ਸੈਰੇਮਨੀ ਦੀ ਸਫ਼ਲ ਪੇਸ਼ਕਾਰੀ ਲਈ ਵਧਾਈ ਦਿੱਤੀ |
