ਜਲੰਧਰ, 6 ਜੂਨ (ਸ਼ਿਵ)- ਮਾਸਟਰ ਗੁਰਬੰਤਾ ਸਿੰਘ ਇਨਕਲੇਵ ਇੰਦਰਾਪੁਰਮ ਵਿਚ ਅਲਾਟੀ ਨੂੰ ਸਹੂਲਤਾਂ ਵਾਲਾ ਫਲੈਟ ਨਾ ਦੇਣ ਦੇ ਮਾਮਲੇ ਵਿਚ ਜ਼ਿਲ੍ਹਾ ਖਪਤਕਾਰ ਕਮਿਸ਼ਨ ਵਲੋਂ ਇੰਪਰੂਵਮੈਂਟ ਟਰੱਸਟ ਨੂੰ 15 ਲੱਖ ਦੇਣ ਦੀ ਹਦਾਇਤ ਕੀਤੀ ਹੈ | ਅਲਾਟੀ ਦਵਿੰਦਰ ਕੁਮਾਰ ਮਲਹੋਤਰਾ ਜਿਨਾਂ ਨੂੰ ਇੰਦਰਾਪੁਰਮ ਵਿਚ ਫਲੈਟ ਅਲਾਟ ਹੋਇਆ ਸੀ ਪਰ ਉੱਥੇ ਸਹੂਲਤਾਂ ਨਹੀਂ ਸਨ ਤੇ ਉਨਾਂ ਦੀ 2015 ਵਿਚ ਮੌਤ ਹੋ ਗਈ ਸੀ | ਉਨਾਂ ਦੇ ਬੇਟੇ ਮਨੀਸ਼ ਮਲਹੋਤਰਾ ਵਲੋਂ 2023 ਵਿਚ ਆਪਣੀ ਦਿੱਤੀ ਗਈ 3.80 ਰਕਮ ਵਾਪਸ ਲੈਣ ਲਈ ਜ਼ਿਲ੍ਹਾ ਖਪਤਕਾਰ ਕਮਿਸ਼ਨ ਵਿਚ ਕੇਸ ਕੀਤਾ ਗਿਆ | ਹੁਣ ਅਲਾਟੀ ਦੇ ਹੱਕ ਵਿਚ ਫ਼ੈਸਲਾ ਦਿੰਦੇ ਹੋਏ ਕਮਿਸ਼ਨ ਨੇ ਟਰੱਸਟ ਨੂੰ ਹਦਾਇਤ ਦਿੱਤੀ ਹੈ ਕਿ ਉਹ ਅਲਾਟੀ ਨੂੰ ਮੂਲ ਰਕਮ 9 ਫੀਸਦੀ ਵਿਆਜ ਅਤੇ 30 ਹਜ਼ਾਰ ਰੁਪਏ ਮੁਆਵਜ਼ਾ ਅਤੇ 10 ਹਜ਼ਾਰ ਰੁਪਏ ਕਾਨੂੰਨੀ ਖ਼ਰਚੇ ਸਮੇਤ ਵਾਪਸ ਕਰੇ ਜਿਹੜੀ ਕਿ 15 ਲੱਖ ਰੁਪਏ ਬਣਦੀ ਹੈ | ਜੇਕਰ 45 ਦਿਨਾਂ ਵਿਚ ਇਹ ਰਕਮ ਵਾਪਸ ਨਹੀਂ ਕੀਤੀ ਜਾਂਦੀ ਤਾਂ ਅਲਾਟੀ ਨੂੰ 12 ਫੀਸਦੀ ਵਿਆਜ ਸਮੇਤ ਰਕਮ ਵਾਪਸ ਕੀਤੀ ਜਾਵੇ |
