ਨਿਤਿਨ ਕੋਹਲੀ ਦੇ ਸਾਥੀਆਂ ਦੀ ਨਿਵੇਕਲੀ ਪਹਿਲ-ਦੁਸਹਿਰੇ ਤੋਂ ਬਾਅਦ ਚਲਾਈ ‘ਟਰੈਸ਼-ਏ-ਥੌਨ’ ਮੁਹਿੰਮ

ਜਲੰਧਰ, 21 ਅਕਤੂਬਰ (ਜਸਪਾਲ ਸਿੰਘ)-ਸਮਾਜਿਕ ਜ਼ਿੰਮੇਵਾਰੀ ਦੀ ਭਾਵਨਾ ਨੂੰ ਅਮਲੀ ਰੂਪ ਦੇਣ ਵਾਲੀ ਇੱਕ ਵਿਲੱਖਣ ਪਹਿਲਕਦਮੀ ਕਰਦੇ ਹੋਏ ‘ਨਿਤਿਨ ਦੇ ਸਾਥੀਆਂ’ ਵਲੋਂ ਬੁੱਧਵਾਰ ਨੂੰ ਜਲੰਧਰ ਦੇ ਚੌਪਾਟੀ ਨੇੜੇ ਆਦਰਸ਼ ਨਗਰ ਪਾਰਕ ਵਿੱਚ ਦੁਸਹਿਰੇ ਤੋਂ ਅਗਲੀ ਸਵੇਰ ‘ਟਰੈਸ਼-ਏ-ਥੌਨ’ ਮੁਹਿੰਮ ਚਲਾਈ ਗਈ। ਆਮ ਆਦਮੀ ਪਾਰਟੀ ਦੇ ਜਲੰਧਰ ਸੈਂਟਰਲ ਹਲਕਾ ਇੰਚਾਰਜ ਨਿਤਿਨ ਕੋਹਲੀ ਦੀ ਅਗਵਾਈ ਹੇਠ ਇਸ ਪਹਿਲਕਦਮੀ ’ਚ ਨੌਜਵਾਨ ਵਲੰਟੀਅਰਾਂ ਅਤੇ ਸਥਾਨਕ ਵਸਨੀਕਾਂ ਨੇ ਜਨਤਕ ਥਾਵਾਂ ਦੀ ਸਫ਼ਾਈ ਕਰਨ ਅਤੇ ਬੂਟੇ ਲਗਾਉਣ ਨੂੰ ਉਤਸ਼ਾਹਿਤ ਕਰਨ ਲਈ ਬਹੁਤ ਹੀ ਉਤਸ਼ਾਹ ਨਾਲ ਹਿੱਸਾ ਲਿਆ।