ਲੋਹੀਆਂ ਦੇ ਪਿੰਡ ਸਿੱਧੂਪੁਰ ’ਚ ਚੋਰ ਗਰੋਹ ਨੇ 9 ਮੋਟਰਾਂ ਤੋਂ ਤਾਰਾਂ ਲਾਹੀਆਂ

ਲੋਹੀਆਂ ਖਾਸ, 10 ਨਵੰਬਰ (ਗੁਰਪਾਲ ਸਿੰਘ ਸ਼ਤਾਬਗੜ੍ਹ, ਕੁਲਦੀਪ ਸਿੰਘ ਖਾਲਸਾ)- ਪਿਛਲੇ ਕਈ ਦਿਨਾਂ ਤੋਂ ਲੋਹੀਆਂ ਇਲਾਕੇ ’ਚ ਕਿਸਾਨਾਂ ਦੀਆਂ ਮੋਟਰਾਂ ਤੋਂ ਚੋਰਾਂ ਵਲੋਂ ਤਾਰਾਂ ਲਾਹੁਣ ਦਾ ਕੰਮ ਲਗਾਤਾਰ ਰੱਖਿਆ ਹੋਇਆ ਹੈ, ਜਿਸ ਦੇ ਚਲਦੇ ਹੁਣ ਲੋਹੀਆਂ ਬਲਾਕ ਦੇ ਪਿੰਡ ਸਿੱਧੂਪੁਰ ਵਿਖੇ ਵੀ 9 ਮੋਟਰਾਂ ਤੋਂ ਕੀਮਤੀ ਤਾਰਾਂ ਲੱਥ ਜਾਣ ਦੀਆਂ ਖਬਰਾਂ ਪ੍ਰਾਪਤ ਹੋਈਆਂ ਹਨ| ਜਾਣਕਾਰੀ ਦਿੰਦਿਆਂ ਬਿੱਕਰ ਸਿੰਘ ਪੁੱਤਰ ਮਹਿੰਦਰ ਸਿੰਘ ਨੰਬਰਦਾਰ ਨੇ ਦੱਸਿਆ ਕਿ ਪਿੰਡ ਸਿੱਧੂਪੁਰ ਦੀਆਂ ਰਾਈਵਾਲ ਸੜਕ ’ਤੇ ਪੈਂਦੀਆਂ ਕਰੀਬ 9 ਮੋਟਰਾਂ ਤੋਂ ਤਾਰਾਂ ਲੱਥ ਚੁੱਕੀਆਂ ਹਨ, ਜਿਨ੍ਹਾਂ ’ਚ ਜਗੀਰ ਸਿੰਘ ਪੁੱਤਰ ਹਰਨਾਮ ਸਿੰਘ, ਜਸਵੰਤ ਸਿੰਘ ਜੋਸਨ, ਸੁਰਜੀਤ ਸਿੰਘ, ਗੁਰਨਾਮ ਸਿੰਘ, ਬੂਟਾ ਸਿੰਘ ਸਾਰੇ ਵਾਸੀ ਪਿੰਡ ਸਿੱਧੂਪੁਰ ਦੇ ਹਨ, ਦੀਆਂ ਮੋਟਰਾਂ ਤੋਂ ਕੀਮਤੀ ਤਾਰਾਂ, ਸਟਾਟਰ ਆਦਿ ਲਾ ਕੇ ਚੋਰਾਂ ਨੇ ਕਿਸਾਨਾਂ ਨੂੰ ਹੈਰਾਨ ਤੇ ਪੁਲਿਸ ਨੂੰ ਪ੍ਰੇਸ਼ਾਨ ਕੀਤਾ ਹੈ| ਇਸ ਸਬੰਧੀ ਗੱਲਬਾਤ ਕਰਦਿਆਂ ਲੋਹੀਆਂ ਦੇ ਥਾਣਾ ਮੁਖੀ ਇੰਸਪੈਕਟਰ ਸੁਖਜਿੰਦਰ ਸਿੰਘ ਖਹਿਰਾ ਨੇ ਕਿਹਾ ਕਿ ਉਨ੍ਹਾਂ ਪਾਸ ਕਿਸੇ ਨੇ ਵੀ ਸ਼ਿਕਾਇਤ ਨਹੀਂ ਕੀਤੀ, ਪਰ ਫਿਰ ਵੀ ਸਾਡੀਆਂ ਟੀਮਾਂ ਅਜਿਹੇ ਚੋਰ ਗਿਰੋਹ ਨੂੰ ਜਲਦੀ ਫੜਨ ਲਈ ਆਪਣਾ ਕੰਮ ਜਾਰੀ ਰੱਖਣਗੀਆਂ|