ਗ਼ਜ਼ਲ
ਅਜੀਤ ਡੈਸਕ
10-05-2026
ਮੈਂ ਤੇਰੇ ਨਾਲ ਮਾਣੇ ਸਭ ਨਜ਼ਾਰੇ ਸਾਂਭਣੇ ਨੇ |
ਪਰਾਏ ਪੱਥਰਾਂ ਦੀ ਪੀੜ ਪਿੱਛੋਂ ਸਹਿ ਲਵਾਂਗਾ,
ਮੈਂ ਪਹਿਲਾਂ ਸੱਜਣਾਂ ਦੇ ਫੁੱਲ ਮਾਰੇ ਸਾਂਭਣੇ ਨੇ |
ਤੁਸੀਂ ਇਸ ਨੂੰ ਨਾ ਵਗਦੇ ਪਾਣੀਆਂ ਦੀ ਭੇਟ ਕਰਨਾ,
ਇਸੇ ਹੀ ਰਾਖ਼ ਨੇ ਆਖ਼ਰ ਅੰਗਾਰੇ ਸਾਂਭਣੇ ਨੇ |
ਜੇ ਰਾਂਝੇ ਸਾਰੇ ਹੀ ਜਾ ਕੇ ਸਿਆਲੀਂ ਚਾਕ ਹੋ 'ਗੇ,
ਤਾਂ ਕਿਹੜੀ ਮਾਂ ਦੇ ਪੁੱਤਾਂ ਨੇ ਹਜ਼ਾਰੇ ਸਾਂਭਣੇ ਨੇ |
ਮੇਰੀ ਫ਼ਿਤਰਤ 'ਚ ਸ਼ਾਮਿਲ ਹੈ ਹਮੇਸ਼ਾ ਖੁੱਲ੍ਹ ਕੇ ਵਗਣਾ,
ਤੇ ਮੇਰਾ ਫ਼ਰਜ਼ ਹੈ ਖੁਰਦੇ ਕਿਨਾਰੇ ਸਾਂਭਣੇ ਨੇ |
ਜ਼ਮਾਨੇ ਦਾ ਫ਼ਿਕਰ ਸਾਡਾ ਫ਼ਿਕਰ ਹੈ, ਇਸ ਲਈ ਹੀ,
ਅਸੀਂ ਸ਼ਾਇਰੀ 'ਚ ਸਭ ਵਖ਼ਤਾਂ ਦੇ ਮਾਰੇ ਸਾਂਭਣੇ ਨੇ |
