ਸ੍ਰੀ ਮੁਕਤਸਰ ਸਾਹਿਬ, 23 ਮਈ (ਰਣਜੀਤ ਸਿੰਘ ਢਿੱਲੋਂ)-ਸਰਕਾਰੀ ਪ੍ਰਾਇਮਰੀ ਸਕੂਲ ਪਿੰਡ ਸੀਰਵਾਲੀ ਵਿਚ ਵੀਰਬੈਕ ਕੰਪਨੀ ਦੇ ਸਹਿਯੋਗ ਦੇ ਨਾਲ ਠੰਢੇ ਪਾਣੀ ਵਾਲਾ ਫਰਿੱਜ ਅਤੇ ਆਰ.ਓ. ਫਿਲਟਰ ਲਵਾਇਆ ਗਿਆ ਹੈ | ਇਸ ਮੌਕੇ ਪਿੰਡ ਦੇ ਬਲਾਕ ਸੰਮਤੀ ਮੈਂਬਰ ਦਲਜੀਤ ਸਿੰਘ ਬਰਾੜ, ਡਾਕਟਰ ਪਿੱਪਲ ਸਿੰਘ, ਸੁਖਮੰਦਰ ਸਿੰਘ, ਅੰਮਿ੍ਤਪਾਲ ਸਿੰਘ, ਗੁਰਵਿੰਦਰ ਸਿੰਘ, ਬਲਜਿੰਦਰ ਸਿੰਘ, ਰਚਨਦੀਪ ਸਿੰਘ ਮੈਂਬਰ, ਰਾਜਪਾਲ ਸਿੰਘ ਸਾਬਕਾ ਸਰਪੰਚ, ਬਲਦੇਵ ਸਿੰਘ ਸੇਵਾ ਮੁਕਤ ਸੂਬੇਦਾਰ ਅਤੇ ਇਸ ਸਮੇਂ ਕੰਪਨੀ ਤੋਂ ਵਿਸ਼ੇਸ਼ ਤੌਰ 'ਤੇ ਰੂਪਕ ਜੱਗਾ ਤੇ ਸਕੂਲ ਮੁਖੀ ਗੁਰਮੀਤ ਸਿੰਘ ਸੀ.ਐੱਚ.ਟੀ., ਸਮੂਹ ਸਟਾਫ਼ ਮੈਂਬਰਾਂ ਨੇ ਉਦਘਾਟਨ ਕੀਤਾ | ਸਕੂਲ ਵਿਚ 150 ਗਰੀਬ ਘਰਾਂ ਦੇ ਬੱਚੇ ਪੜ੍ਹਦੇ ਹਨ | ਸਕੂਲ ਵਿਚ ਆਰ.ਓ. ਅਤੇ ਠੰਢੇ ਪਾਣੀ ਦੀ ਬਹੁਤ ਲੋੜ ਸੀ, ਜੋ ਕਿ ਕੰਪਨੀ ਅਤੇ ਪਿੰਡ ਦੇ ਸਹਿਯੋਗ ਨਾਲ ਇਹ ਲੋੜ ਪੂਰੀ ਹੋਈ |
