ਸ੍ਰੀ ਮੁਕਤਸਰ ਸਾਹਿਬ

ਗਿੱਦੜਬਾਹਾ ਤੋਂ ਪਿੰਡ ਕੋਟਭਾਈ ਨੂੰ ਜਾਂਦੀ ਸੜਕ ਦਾ ਕਾਰਜ ਅੱਧ ਵਿਚਕਾਰ ਲਟਕਿਆ

ਗਿੱਦੜਬਾਹਾ, 12 ਨਵੰਬਰ (ਸ਼ਿਵਰਾਜ ਸਿੰਘ ਬਰਾੜ)-ਗਿੱਦੜਬਾਹਾ ਤੋਂ ਪਿੰਡ ਕੋਟਭਾਈ ਨੂੰ ਜਾਂਦੀ ਸੜਕ ਦਾ ਕਾਰਜ ਲੰਮੇ ਸਮੇਂ ਤੋਂ ਅੱਧ ਵਚਕਾਰ ਲਟਕਿਆ ਪਿਆ ਹੈ। ਅਧਿਕਾਰੀ ਜਲਦੀ ਕੰਮ ਸ਼ੁਰੂ ਕਰਨ ਦਾ ਕਹਿ ਕੇ ਪੱਲਾ ਝਾੜ ਰਹੇ ਹਨ।

ਅ

ਅਜੀਤ ਡੈਸਕ 13-11-2026

ਗਿੱਦੜਬਾਹਾ, 12 ਨਵੰਬਰ (ਸ਼ਿਵਰਾਜ ਸਿੰਘ ਬਰਾੜ)-ਗਿੱਦੜਬਾਹਾ ਤੋਂ ਪਿੰਡ ਕੋਟਭਾਈ ਨੂੰ ਜਾਂਦੀ ਸੜਕ ਦਾ ਕਾਰਜ ਲੰਮੇ ਸਮੇਂ ਤੋਂ ਅੱਧ ਵਚਕਾਰ ਲਟਕਿਆ ਪਿਆ ਹੈ। ਅਧਿਕਾਰੀ ਜਲਦੀ ਕੰਮ ਸ਼ੁਰੂ ਕਰਨ ਦਾ ਕਹਿ ਕੇ ਪੱਲਾ ਝਾੜ ਰਹੇ ਹਨ। ਜਾਣਕਾਰੀ ਅਨੁਸਾਰ ਗਿੱਦੜਬਾਹਾ ਤੋਂ ਪਿੰਡ ਦੋਦਾ ਤੱਕ ਸੜਕ ਨੂੰ ਨਵਿਆਇਆ ਗਿਆ ਹੈ, ਪਰ ਗਿੱਦੜਬਾਹਾ ਤੋਂ ਪਿੰਡ ਕੋਟਭਾਈ ਤੱਕ ਕੁਝ ਹਿੱਸਾ ਅਜੇ ਵੀ ਅੱਧ ਵਿਚਕਾਰ ਹੀ ਲਟਕ ਰਿਹਾ ਹੈ। ਪਿੰਡ ਕੋਟਭਾਈ ਦੀ ਹਦੂਦ ਅੰਦਰ ਤੇ ਕੁਝ ਰਸਤੇ ’ਚ ਥਾਂ-ਥਾਂ ਤੋਂ ਸੜਕ ਦਾ ਕੁਝ ਹਿੱਸਾ ਬਣਾ ਦਿੱਤਾ ਗਿਆ ਹੈ ਅਤੇ ਥਾਂ-ਥਾਂ ਤੋਂ ਕੁਝ ਹਿੱਸਾ ਛੱਡ ਦਿੱਤਾ ਗਿਆ ਹੈ, ਪਰ ਇਕਸਾਰ ਸੜਕ ਨੂੰ ਪੂਰਾ ਨਹੀਂ ਕੀਤਾ ਗਿਆ। ਥਾਂ-ਥਾਂ ’ਤੇ ਪਾਇਆ ਗਿਆ ਬੱਜਰ ਉਖੜ ਰਿਹਾ ਹੈ। ਇਸੇ ਹੀ ਸੜਕ ਦੇ ਕਿਨਾਰੇ ’ਤੇ ਗਿੱਦੜਬਾਹਾ ਦੀ ਅਨਾਜ ਮੰਡੀ ਪੈਂਦੀ ਹੈ। ਕਿਸਾਨ ਝੋਨੇ ਦੀਆਂ ਭਰੀਆਂ ਟਰੈਕਟਰ-ਟਰਾਲੀਆਂ ਲਿਆ ਰਹੇ ਹਨ ਤੇ ਉਨ੍ਹਾਂ ਨੂੰ ਵੀ ਨੁਕਸਾਨ ਝੱਲਣਾ ਪੈ ਰਿਹਾ ਹੈ। ਸਾਰਾ ਦਿਨ ਉਡਦੀ ਧੂੜ ਵਿਚ ਛੋਟੇ-ਵੱਡੇ ਵਾਹਨ ਤੇ ਆਮ ਲੋਕ ਪ੍ਰੇਸ਼ਾਨ ਹੋ ਰਹੇ ਹਨ। ਪਿੰਡ ਕੋਟਭਾਈ ਤੇ ਭਾਰੂ ਦੇ ਵਾਸੀ ਗੰਦੀ ਧੂੜ ਕਾਰਨ ਦੁਖੀ ਹੋ ਰਹੇ ਹਨ। ਕਿਸਾਨ ਆਗੂ ਕੁਲਦੀਪ ਸਿੰਘ ਨੇਤਾ ਮਾਨ ਕੋਟਭਾਈ ਦਾ ਕਹਿਣਾ ਸੀ ਕਿ ਕੋਟਭਾਈ ਆਦਰਸ਼ ਸਕੂਲ ਕੋਲ ਵਿਭਾਗ ਦੀ ਕਥਿਤ ਮਿਲੀਭੁਗਤ ਨਾਲ ਸੰਬੰਧਿਤ ਏਜੰਸੀ ਵਲੋਂ ਪੁਰਾਣਾ ਗੰਦਗੀ ਦੇ ਕੂੜਾ ਦੀ ਮਿਲਾਵਟ ਵਾਲਾ ਬੱਜਰ ਪਾਇਆ ਗਿਆ ਹੈ, ਪ੍ ਵਿਭਾਗ ਵਲੋਂ ਕੋਈ ਕਾਰਵਾਈ ਨਹੀਂ ਕੀਤੀ ਗਈ। ਉਨ੍ਹਾਂ ਮੰਗ ਕੀਤੀ ਹੈ ਕਿ ਸੜਕ ਨੂੰ ਜਲਦੀ ਬਣਾਇਆ ਜਾਵੇ। ਪੀ.ਡਬਲਯੂ.ਡੀ. ਵਿਭਾਗ ਦੇ ਐਸ.ਡੀ.ਓ. ਸੰਦੀਪ ਬੱਬਰ ਦਾ ਕਹਿਣਾ ਸੀ ਕਿ ਸੜਕ ਦਾ ਕੰਮ ਜਲਦੀ ਸ਼ੁਰੂ ਕੀਤਾ ਜਾ ਰਿਹਾ ਹੈ।

ਪਿਛਲੀ ਖ਼ਬਰ ਪਹਿਲੀ ਪੰਜਾਬ ਮਾਸਟਰਜ਼ ਅਥਲੈਟਿਕ ਮੀਟ 14 ਤੇ 15 ਨੂੰ ਅਗਲੀ ਖ਼ਬਰ ਗੁਰਫਤਹਿ ਸਿੰਘ ਸੋਈ ਦੇ ਜ਼ਿਲ੍ਹਾ ਪ੍ਰਧਾਨ ਨਿਯੁਕਤ