ਮਾਨਸਾ, 17 ਜੂਨ (ਧਾਲੀਵਾਲ)- ਸਟੇਟ ਬੈਂਕ ਆਫ਼ ਇੰਡੀਆ ਵਲੋਂ 8 ਤੋਂ 22 ਜੂਨ ਤੱਕ ਐਸ.ਬੀ.ਆਈ. ਸਮਾਰਟ ਖੇਤੀ ਗ੍ਰਾਹਕ ਮਿਲਣੀ ਤਹਿਤ ਸਥਾਨਕ ਸਟੇਟ ਬੈਂਕ ਆਫ਼ ਇੰਡੀਆ ਸ਼ਾਖਾ ਵਲੋਂ ਗ੍ਰਾਹਕ ਮਿਲਣੀ ਕੀਤੀ ਗਈ। ਮੁੱਖ ਮਹਿਮਾਨ ਅਨੰਦ ਗੁਪਤਾ ਰਿਜਨਲ ਮੈਨੇਜਰ ਬਠਿੰਡਾ ਸਨ । ਉਨ੍ਹਾਂ ਕਿਹਾ ਕਿ ਐਸ.ਬੀ.ਆਈ. ਕਿਸਾਨਾਂ ਦੀ ਮਦਦ ਲਈ ਹਮੇਸ਼ਾ ਤਿਆਰ ਰਹਿੰਦਾ ਹੈ। ਉਨ੍ਹਾਂ ਆਖਿਆ ਕਿ ਖੇਤੀਬਾੜੀ ਦਾ ਦੇਸ਼ ਦੀ ਕੁੱਲ ਘਰੇਲੂ ਪੈਦਾਵਾਰ ‘ਚ ਵੱਡਾ ਰੋਲ ਹੈ। ਇਸ ਦੌਰਾਨ ਚੀਫ਼ ਮੈਨੇਜਰ ਜੋਤੀ ਪ੍ਰਸ਼ਾਦ ਨੇ ਬੈਂਕ ਦੀਆਂ ਵੱਖ-ਵੱਖ ਸਕੀਮਾਂ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਸਾਂਝੀ ਕੀਤੀ । ਚੀਫ਼ ਮੈਨੇਜਰ ਦੀਲੀਪ ਕੁਮਾਰ ਨੇ ਕਿਹਾ ਕਿ ਕਿਸਾਨਾਂ ਨੂੰ ਖੇਤੀਬਾੜੀ ਤੋਂ ਇਲਾਵਾ ਹੋਰ ਵਪਾਰਕ ਧੰਦਿਆਂ ‘ਚ ਵੀ ਅੱਗੇ ਆਉਣਾ ਚਾਹੀਦਾ ਹੈ । ਮੈਨੇਜਰ ਰਾਕੇਸ਼ ਗਰਗ ਨੇ ਮੰਚ ਸੰਚਾਲਨ ਕਰਦਿਆਂ ਬੈਂਕ ਦੀਆਂ ਸਕੀਮਾਂ ਬਾਰੇ ਜਾਣਕਾਰੀ ਦਿੱਤੀ। ਇਸ ਮੌਕੇ ਸੁਸ਼ੀਲ ਮਿੱਤਲ, ਮੁਕੇਸ਼ ਮਹਿਤਾ, ਸਮਿਤ ਚਾਵਲਾ, ਜਸਵੀਰ ਪੰਨੂ, ਕੁੰਦਨ ਲਾਲ, ਦੀਪਕ ਘਈ ਆਦਿ ਹਾਜ਼ਰ ਸਨ ।
