ਮਾਨਸਾ, 26 ਜੂਨ (ਸ.ਰਿ.)- ਸਥਾਨਕ ਗਊਸ਼ਾਲਾ ਭਵਨ ਵਿਖੇ ਨਿਰਜਲਾ ਇਕਾਦਸ਼ੀ ਮੌਕੇ ਪ੍ਰੋਗਰਾਮ ਕਰਵਾਇਆ ਗਿਆ। ਸਾਬਕਾ ਗਵਰਨਰ ਪ੍ਰੇਮ ਅਗਰਵਾਲ ਨੇ ਸ਼ਹਿਰ ਦੀਆਂ ਸਮੱਸਿਆਵਾਂ ਅਤੇ ਹੱਲ ਲਈ ਚਰਚਾ ਕੀਤੀ। ਜੈ ਸ੍ਰੀ ਕ੍ਰਿਸ਼ਨਾ ਗਰੁੱਪ ਵਲੋਂ ਸੈਂਟਰਲ ਪਾਰਕ ਦੀ ਸੇਵਾ ਸੰਭਾਲ ਕਰਦੀ ਟੀਮ ਨੂੰ 100 ਫੁੱਟ ਪਾਣੀ ਵਾਲੀ ਪਾਈਪ ਦੀ ਸੇਵਾ ਕੀਤੀ ਗਈ। ਕੌਂਸਲਰ ਵਿਨੋਦ ਭੰਮਾ ਤੇ ਅਸ਼ੋਕ ਸਪੋਲੀਆ ਨੇ ਭਰੋਸਾ ਦਿੱਤਾ ਕਿ ਸ਼ਹਿਰ ਦੀ ਸੁੰਦਰਤਾ ਲਈ ਤੇ ਸਮੱਸਿਆਵਾਂ ਤੋਂ ਛੁਟਕਾਰਾ ਦਿਵਾਉਣ ਲਈ ਪੂਰੀ ਤਨਦੇਹੀ ਨਾਲ ਕੰਮ ਕਰਨਗੇ। ਗਊਸ਼ਾਲਾ ਭਵਨ ਦੇ ਪ੍ਰਧਾਨ ਰੋਸ਼ਨ ਲਾਲ ਨੇ ਬੂਟਾ ਲਗਾਇਆ। ਇਸ ਮੌਕੇ ਪਵਨ ਕੁਮਾਰ, ਸੁਰਿੰਦਰ ਕੁਮਾਰ, ਹੁਕਮ ਚੰਦ, ਚਿਮਨ ਲਾਲ, ਜਨਕ ਰਾਜ, ਮਨੋਜ ਕੁਮਾਰ, ਰਕੇਸ਼ ਮਾਖਾ, ਮੋਤੀ ਰਾਮ ਫੱਤਾ, ਮੁਨੀਸ਼ ਚੌਧਰੀ, ਬਲਵੀਰ ਸਿੰਘ ਅਗਰੋਈਆ ਆਦਿ ਹਾਜ਼ਰ ਸਨ।
