ਗੋਦਾਮ ’ਚੋਂ ਚੌਲਾਂ ਦੇ 6 ਗੱਟੇ ਚੋਰੀ ਕਰਨ ਵਾਲੇ 3 ਕਾਬੂ

ਮਾਨਸਾ, 6 ਜੁਲਾਈ (ਬਲਵਿੰਦਰ ਸਿੰਘ ਧਾਲੀਵਾਲ)- ਥਾਣਾ ਸ਼ਹਿਰੀ-2 ਮਾਨਸਾ ਪੁਲਿਸ ਨੇ ਗੋਦਾਮ ਵਿਚੋਂ ਚੌਲਾਂ ਦੇ 6 ਗੱਟੇ ਚੋਰੀ ਕਰਨ ਦੇ ਦੋਸ਼ ‘ਚ 3 ਜਣਿਆਂ ਖ਼ਿਲਾਫ਼ ਕਾਰਵਾਈ ਕੀਤੀ ਹੈ। ਜੋਤੀ ਪ੍ਰਕਾਸ਼ ਸਹਿ ਮਾਲਕ ਪਨਗ੍ਰੇਨ ਗੋਦਾਮ ਮਾਨਸਾ ਖ਼ੁਰਦ ਨੇ ਪੁਲਿਸ ਨੂੰ ਲਿਖਾਈ ਸ਼ਿਕਾਇਤ ‘ਚ ਦੱਸਿਆ ਕਿ ਰਿੰਕੂ ਸਿੰਘ ਤੇ ਗੋਰਾ ਸਿੰਘ ਵਾਸੀ ਮਾਨਸਾ ਅਤੇ ਬਿੰਦਰ ਸਿੰਘ ਵਾਸੀ ਤਾਮਕੋਟ ਜੋ ਗੋਦਾਮ ‘ਚ ਪਏ 6 ਚੌਲਾਂ ਦੇ ਗੱਟੇ ਆਪਣੀ ਜਗਾੜੂ ਮੋਟਰਸਾਈਕਲ ਰੇਹੜੀ ‘ਚ ਚੋਰੀ ਕਰ ਕੇ ਲਿਜਾ ਰਹੇ ਸੀ, ਨੂੰ ਜਦ ਸੁਪਰਵਾਈਜ਼ਰ ਨੇ ਉਨ੍ਹਾਂ ਨੂੰ ਰੋਕ ਕੇ ਤਲਾਸ਼ੀ ਲੈਣੀ ਚਾਹੀ ਤਾਂ ਉਹ ਮੋਟਰਸਾਈਕਲ ਰੇਹੜੀ ਭਜਾ ਕੇ ਲੈ ਗਏ। ਚੋਰੀ ਕੀਤੇ ਚਾਵਲਾਂ ਦੀ ਕੀਮਤ ਕਰੀਬ 9000 ਰੁਪਏ ਬਣਦੀ ਹੈ। ਪੁਲਿਸ ਨੇ ਮੁਕੱਦਮਾ ਦਰਜ ਕਰ ਕੇ ਉਕਤ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।