ਜੈਨ ਧਰਮ ਸਭਾ ਵਲੋਂ ਕਲਸ਼ ਯਾਤਰਾ ਅੱਜ

ਮਾਨਸਾ, 25 ਜੁਲਾਈ (ਸ.ਰਿ.)- ਮਨੁੱਖ ਨੂੰ ਆਪਣੇ ਜੀਵਨ ‘ਚ ਮੋਹ, ਮਾਇਆ ਤਿਆਗ ਕੇ ਧਰਮ ਦੇ ਮਾਰਗ ‘ਤੇ ਚੱਲ ਕੇ ਜ਼ਿੰਦਗੀ ਬਤੀਤ ਕਰਨੀ ਚਾਹੀਦੀ ਹੈ। ਇਹ ਪ੍ਰਵਚਨ ਜੈਨ ਸਾਧਵੀ ਸ੍ਰੀ ਡਾ. ਸੁਯਸ਼ਾ ਜੀ ਮਹਾਰਾਜ ਇੱਥੇ ਧਰਮ ਸਭਾ ਨੂੰ ਸੰਬੋਧਨ ਕਰਦਿਆਂ ਕੀਤੇ। ਉਨ੍ਹਾਂ ਕਿਹਾ ਕਿ ਸਾਨੂੰ ਸਾਰੇ ਧਰਮਾਂ ਦਾ ਸਤਿਕਾਰ ਕਰਨਾ ਚਾਹੀਦਾ ਹੈ ਤਾਂ ਕਿ ਭਾਈਚਾਰਕ ਸਾਂਝ ਨੂੰ ਕਾਇਮ ਰੱਖਿਆ ਜਾ ਸਕੇ। ਜੈਨ ਸੰਤ ਸ਼ਾਸਨ ਪਾਰਸਮਨੀ ਸ੍ਰੀ ਸਮਤਾ ਜੀ ਮਹਾਰਾਜ, ਰਾਸ਼ਟਰ ਜਸੋਤੀ ਪ੍ਰਵਚਨ ਭਾਸਕਰ ਸਾਧਵੀ ਸ੍ਰੀ ਸੁਯਸ਼ਾ ਜੀ ਮਹਾਰਾਜ, ਵੀਰ ਸ਼ਿਰੋਮਨੀ ਸਾਧਵੀ ਸ੍ਰੀ ਪ੍ਰਗਤੀ ਜੀ ਮਹਾਰਾਜ ਠਾਨੇ-7 ਦਾ ਇੱਥੇ ਪਹੁੰਚਣ ‘ਤੇ ਸ਼ਰਧਾਲੂਆਂ ਵਲੋਂ ਭਰਵਾਂ ਸਵਾਗਤ ਕੀਤਾ ਗਿਆ। ਸਭਾ ਦੇ ਆਗੂ ਨੇ ਦੱਸਿਆ ਕਿ ਚਤੁਰਮਾਸ ਲਈ 26 ਜੁਲਾਈ ਨੂੰ ਸਵੇਰੇ 9:15 ਵਜੇ ਮੰਗਲ ਪ੍ਰਵੇਸ਼ ਜੈਨ ਸਥਾਨਕ ਜੈਨ ਸਕੂਲ ਵਾਲੀ ਗਲੀ ਵਿਖੇ ਹੋਵੇਗਾ। ਕਲਸ਼ ਯਾਤਰਾ ਸਵੇਰੇ 8 ਵਜੇ ਮਹਾਂਵੀਰ ਜੈਨ ਦੇ ਨਿਵਾਸ ਸਥਾਨ ਮੇਵਾ ਕਾਲੋਨੀ ਤੋਂ ਸ਼ੁਰੂ ਹੋਵੇਗੀ।