ਕਪੂਰਥਲਾ, 2 ਮਾਰਚ (ਵਿ.ਪ੍ਰ.)-ਪੁਸ਼ਪਾ ਗੁਜਰਾਲ ਸਾਇੰਸ ਸਿਟੀ ਕਪੂਰਥਲਾ ਵਲੋਂ 21ਵਾਂ ਤੇ 22ਵਾਂ ਸਾਲਾਨਾ ਆਲ ਬਰੀਡ ਡੋਗ ਸ਼ੋਅ 8 ਮਾਰਚ ਨੂੰ ਸਾਇੰਸ ਸਿਟੀ ਵਿਚ ਕਰਵਾਇਆ ਜਾ ਰਿਹਾ ਹੈ | ਸ਼ੋਅ ਦੇ ਕੋਆਰਡੀਨੇਟਰ ਡਾ. ਮਨੀਸ਼ ਸੋਇਨ ਵਿਗਿਆਨੀ-ਡੀ. ਸਾਇੰਸ ਸਿਟੀ ਨੇ ਦੱਸਿਆ ਕਿ ਡੋਗ ਸ਼ੋਅ 'ਚ 35 ਤੋਂ ਵੱਧ ਪ੍ਰਜਾਤੀਆਂ ਦੇ 300 ਤੋਂ ਵੱਧ ਕੁੱਤੇ ਜਿਨ੍ਹਾਂ 'ਚ ਜਰਮਨ ਸੈਫਡ, ਲੈਬਰੇਡੋਰ ਰਿਟਵੀਲ, ਡਾਬਰਮੈਨ, ਪਿਨਚਰ, ਅਮਰੀਕਨ ਬੁੱਲਡੋਗ, ਬੋਕਸਰ, ਰੋਟਵੀਲਹਰ ਗਰੇਟ ਡੇਨ ਆਦਿ ਭਾਗ ਲੈਣਗੇ | ਡਾ. ਸੋਇਨ ਨੇ ਦੱਸਿਆ ਸ਼ੋਅ 'ਚ ਕੋਲਕਾਤਾ ਤੋਂ ਅਭਿਨੰਦਨ ਸ਼ਰਮਾ, ਬੇਂਗਲੌਰੂ ਤੋਂ ਵਿਸ਼ਵਾਸ ਬਸਰਾਜ, ਨੋਇਡਾ ਤੋਂ ਖੇਮਲਵਿਸਕਾ ਜਿਊਰੀ ਮੈਂਬਰ ਵਜੋਂ ਸ਼ਿਰਕਤ ਕਰਨਗੇ | ਉਨ੍ਹਾਂ ਕਿਹਾ ਕਿ ਇਸ ਮੌਕੇ ਇੰਡੀਅਨ ਕੈਨਲ ਕਲੱਬ ਦੇ ਪ੍ਰਵਾਨਿਤ ਨੁਮਾਇੰਦੇ ਡਾ. ਅੰਕਿਤ ਛਿੱਬੜ ਵਲੋਂ ਕੇ. ਸੀ. ਆਈ. ਸਿੰਗਲ ਡੋਗ ਰਜਿਸਟ੍ਰੇਸ਼ਨ ਕੈਂਪ ਵੀ ਲਗਾਇਆ ਜਾਵੇਗਾ |
