ਫਗਵਾੜਾ, 3 ਜੂਨ (ਹਰਜੋਤ ਸਿੰਘ ਚਾਨਾ)-ਇੱਕ ਨੌਜਵਾਨ ਦੀ ਕੁੱਟਮਾਰ ਕਰਨ ਦੇ ਸਬੰਧ ‘ਚ ਰਾਵਲਪਿੰਡੀ ਪੁਲਿਸ ਨੇ ਦੋ ਵਿਅਕਤੀਆਂ ਖ਼ਿਲਾਫ਼ ਵੱਖ ਵੱਖ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਹੈ | ਸ਼ਿਕਾਇਤ ਕਰਤਾ ਗੁਰਵਿੰਦਰ ਸਿੰਘ ਪੁੱਤਰ ਕੇਵਲ ਸਿੰਘ ਵਾਸੀ ਜਗਪਾਲਪੁਰ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ‘ਚ ਦੱਸਿਆ ਕਿ 30 ਮਈ ਨੂੰ ਉਹ ਆਪਣੇ ਖੂਹ ‘ਤੇ ਗਿਆ ਤਾਂ ਦੇਖਿਆ ਕਿ ਉਸ ਦਾ ਤਾਇਆ ਵੱਟ ‘ਤੇ ਲੱਗੇ ਖੰਭੇ ਨੂੰ ਪੁੱਟ ਕੇ ਉਸ ਦੀ ਵੱਟ ਵਾਹ ਰਿਹਾ ਸੀ ਜਦ ਉਸ ਨੰੂ ਅਜਿਹਾ ਕਰਨ ਬਾਰੇ ਪੁੱਛਿਆ ਤਾਂ ਉਸ ਦੇ ਤਾਏ ਕੇਵਲ ਸਿੰਘ ਦਾ ਦੋਹਤਾ ਕਹੀ ਲੈ ਕੇ ਆਇਆ ਤੇ ਕਹੀ ਦੇ ਵਾਰ ਉਸ ‘ਤੇ ਕੀਤੇ ਤੇ ਕੇਵਲ ਸਿੰਘ ਉਕਤ ਨੇ ਉਸ ਦੀ ਕੁੱਟਮਾਰ ਕੀਤੀ | ਜਿਸ ਸਬੰਧ ‘ਚ ਪੁਲਿਸ ਨੇ ਕੇਵਲ ਸਿੰਘ ਪੁੱਤਰ ਅਜੀਤ ਸਿੰਘ ਵਾਸੀ ਜਗਪਾਲਪੁਰ ਤੇ ਕੇਵਲ ਸਿੰਘ ਦੇ ਦੋਹਤੇ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ |
