ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਮਲਸੀਆਂ ਵਿਖੇ ‘ਬਾਇਓਜ਼ਾਈਮ ਪ੍ਰਗਤੀ ਸਕਾਲਰਸ਼ਿਪ’ ਕੈਂਪ
ਮਲਸੀਆਂ, 22 ਅਗਸਤ (ਸੁਖਦੀਪ ਸਿੰਘ)- ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ, ਮਲਸੀਆਂ (ਜਲੰਧਰ) ਵਿਖੇ ਮੌਕੇ ਦੇ ਸਕੂਲ ਇੰਚਾਰਜ ਮਨਵਿੰਦਰਜੀਤ ਕੌਰ ਦੀ ਅਗਵਾਈ ਹੇਠ ਬਾਇਓਸਟੈਡ ਇੰਡੀਆ ਲਿਮਟਿਡ ਕੰਪਨੀ, ਮੁੰਬਈ ਵੱਲੋਂ ਬਾਇਓਜ਼ਾਈਮ ਪ੍ਰਗਤੀ ਸਕਾਲਰਸ਼ਿਪ ਸਬੰਧੀ ਸਮਾਗਮ ਕਰਵਾਇਆ ਗਿਆ। ਸਮਾਗਮ ਦੌਰਾਨ ਜੋਸਨ ਕਿਸਾਨ ਸਰਵਿਸ ਸੈਂਟਰ, ਸ਼ਾਹਕੋਟ ਤੋਂ ਦਰਸ਼ਨ ਸਿੰਘ, ਕੰਪਨੀ ਦੇ ਰੀਜਨਲ ਸੇਲਜ਼ ਮੈਨੇਜਰ ਪੰਕਜ ਗੁਪਤਾ ਅਤੇ ਏਰੀਆ ਸੇਲਜ਼ ਮੈਨੇਜਰ ਅਨਿਲ ਚੱਕਰਵਰਤੀ ਵਿਸ਼ੇਸ਼ ਤੌਰ ‘ਤੇ ਪਹੁੰਚੇ।
ਮਲਸੀਆਂ, 22 ਅਗਸਤ (ਸੁਖਦੀਪ ਸਿੰਘ)- ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ, ਮਲਸੀਆਂ (ਜਲੰਧਰ) ਵਿਖੇ ਮੌਕੇ ਦੇ ਸਕੂਲ ਇੰਚਾਰਜ ਮਨਵਿੰਦਰਜੀਤ ਕੌਰ ਦੀ ਅਗਵਾਈ ਹੇਠ ਬਾਇਓਸਟੈਡ ਇੰਡੀਆ ਲਿਮਟਿਡ ਕੰਪਨੀ, ਮੁੰਬਈ ਵੱਲੋਂ ਬਾਇਓਜ਼ਾਈਮ ਪ੍ਰਗਤੀ ਸਕਾਲਰਸ਼ਿਪ ਸਬੰਧੀ ਸਮਾਗਮ ਕਰਵਾਇਆ ਗਿਆ। ਸਮਾਗਮ ਦੌਰਾਨ ਜੋਸਨ ਕਿਸਾਨ ਸਰਵਿਸ ਸੈਂਟਰ, ਸ਼ਾਹਕੋਟ ਤੋਂ ਦਰਸ਼ਨ ਸਿੰਘ, ਕੰਪਨੀ ਦੇ ਰੀਜਨਲ ਸੇਲਜ਼ ਮੈਨੇਜਰ ਪੰਕਜ ਗੁਪਤਾ ਅਤੇ ਏਰੀਆ ਸੇਲਜ਼ ਮੈਨੇਜਰ ਅਨਿਲ ਚੱਕਰਵਰਤੀ ਵਿਸ਼ੇਸ਼ ਤੌਰ ‘ਤੇ ਪਹੁੰਚੇ। ਕੰਪਨੀ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਸਮਾਗਮ ਕੰਪਨੀ ਵੱਲੋਂ ਆਪਣੇ ਸ਼ਾਨਦਾਰ 40 ਸਾਲ ਪੂਰੇ ਕਰਨ ਦੀ ਖੁਸ਼ੀ ਵਿੱਚ ਕਰਵਾਇਆ ਗਿਆ। ਬਾਇਓਜ਼ਾਈਮ ਪ੍ਰਗਤੀ ਸਕਾਲਰਸ਼ਿਪ ਯੋਜਨਾ ਤਹਿਤ ਦਸਵੀਂ ਜਮਾਤ ਦੇ 10 ਹੋਣਹਾਰ ਵਿਦਿਆਰਥੀਆਂ ਨੂੰ ਪ੍ਰਤੀ ਵਿਦਿਆਰਥੀ 3,000 ਰੁਪਏ ਦੀ ਰਾਸ਼ੀ ਭੇਟ ਕੀਤੀ ਗਈ। ਉਨ੍ਹਾਂ ਦੱਸਿਆ ਕਿ ਕੰਪਨੀ ਹਰ ਸਾਲ ਸਿੱਖਿਆ ਦੇ ਪ੍ਰਸਾਰ ਲਈ ਹੋਣਹਾਰ ਵਿਦਿਆਰਥੀਆਂ ਦੀ ਸਹਾਇਤਾ ਵਾਸਤੇ ਕਰੋੜਾਂ ਰੁਪਏ ਖਰਚ ਕਰ ਰਹੀ ਹੈ। ਉਨ੍ਹਾਂ ਕੰਪਨੀ ਦੇ ਉਤਪਾਦ ਬਾਇਓਜ਼ਾਈਮ ਬਾਰੇ ਵੀ ਜਾਣਕਾਰੀ ਸਾਂਝੀ ਕੀਤੀ। ਮੈਡਮ ਮਨਵਿੰਦਰਜੀਤ ਕੌਰ ਨੇ ਮਹਿਮਾਨਾਂ ਦਾ ਧੰਨਵਾਦ ਕਰਦਿਆਂ ਉਨ੍ਹਾਂ ਨੂੰ ਸਨਮਾਨਿਤ ਕੀਤਾ। ਇਸ ਮੌਕੇ ਸਕੂਲ ਦਾ ਸਮੂਹ ਸਟਾਫ਼ ਹਾਜ਼ਰ ਸੀ।
