12 ਤੋਂ 17 ਜੂਨ ਦੇ ਵਿਚਕਾਰ ਏਅਰ ਇੰਡੀਆ ਦੀਆਂ 83 ਵਾਈਡ-ਬਾਡੀ ਉਡਾਣਾਂ ਰੱਦ: ਡੀ.ਜੀ.ਸੀ.ਏ.

ਨਵੀਂ ਦਿੱਲੀ, 17 ਜੂਨ - ਡਾਇਰੈਕਟੋਰੇਟ ਜਨਰਲ ਆਫ਼ ਸਿਵਲ ਏਵੀਏਸ਼ਨ (ਡੀ.ਜੀ.ਸੀ.ਏ.) ਨੇ ਕਿਹਾ ਕਿ ਏਅਰ ਇੰਡੀਆ ਦੇ ਵਾਈਡ-ਬਾਡੀ ਸੰਚਾਲਨ ਵਿਚ ਕੁੱਲ 83 ਉਡਾਣਾਂ ਰੱਦ ਕਰ ਦਿੱਤੀਆਂ ਗਈਆਂ, ਜਿਨ੍ਹਾਂ ਵਿਚੋਂ 12 ਤੋਂ 17 ਜੂਨ ਦੇ ਵਿਚਕਾਰ 66 ਬੋਇੰਗ 787 ਉਡਾਣਾਂ ਸਨ। ਡੀ.ਜੀ.ਸੀ.ਏ.ਨੇ ਏਅਰ ਇੰਡੀਆ ਲਿਮਟਿਡ ਅਤੇ ਏਅਰ ਇੰਡੀਆ ਐਕਸਪ੍ਰੈਸ ਦੇ ਸੀਨੀਅਰ ਅਧਿਕਾਰੀਆਂ ਨਾਲ ਇਕ ਉੱਚ ਪੱਧਰੀ ਮੀਟਿੰਗ ਕੀਤੀ, ਜੋ ਇਸ ਸਮੇਂ ਘਰੇਲੂ ਅਤੇ ਅੰਤਰਰਾਸ਼ਟਰੀ ਖੇਤਰਾਂ ਵਿਚ ਰੋਜ਼ਾਨਾ 1,000 ਤੋਂ ਵੱਧ ਉਡਾਣਾਂ ਚਲਾ ਰਹੇ ਹਨ। ਸੈਸ਼ਨ ਦੌਰਾਨ ਕੁੱਲ 7 ਮੁੱਖ ਫੋਕਸ ਖੇਤਰਾਂ 'ਤੇ ਚਰਚਾ ਕੀਤੀ ਗਈ, ਜੋ ਕਿ ਰੈਗੂਲੇਟਰੀ ਪਾਲਣਾ ਬਣਾਈ ਰੱਖਣ ਅਤੇ ਸੰਚਾਲਨ ਭਰੋਸੇਯੋਗਤਾ ਵਧਾਉਣ 'ਤੇ ਕੇਂਦ੍ਰਿਤ ਸਨ ।ਰੈਗੂਲੇਟਰੀ ਸੰਸਥਾ ਨੇ ਹਾਲ ਹੀ ਵਿਚ ਹਵਾਈ ਖੇਤਰ ਬੰਦ ਹੋਣ ਦੇ ਪ੍ਰਭਾਵਾਂ ਦੀ ਵੀ ਸਮੀਖਿਆ ਕੀਤੀ, ਖਾਸ ਕਰਕੇ ਈਰਾਨੀ ਹਵਾਈ ਖੇਤਰ ਉੱਤੇ।